هلا يا مرحــبا ترحيـب يرقى،بمنــزل روق وبمــنزال برقى

[الحر الأشقر]

هلا يا مرحــبا ترحيـب يرقى،بمنــزل روق وبمــنزال برقى
ولو تبقى كبود القوم حرقى.... صدق من لقّـب الهيلاء بهيلاء

مرحبا عن عزوةٍ ظلها ظلٍ ظليــــــل
..............................................عزوة ٍ كل القبايـــــل تعرف افعـالها
دوروا لي شاعرٍ ينقل الحمل الثقيل
...............................................وان لقاله حملةٍ جايــــره يشتـــالها

[ابن هليل]

يدوم الك البقاء والبيت عالي

بكم يأهل الوفاء طول الليالي

وطبّ السوق زال السوق غالي

________________صدق من لقب الهيلا بهيلا

البقاء ياربعنا عد همال المخيل_____من مزونٍ فوق راسك يصب خيالها

للحموله كلها ما نعرف الاّ شعيل____الجمال تقوم بخفافـــــــها وثقالـــــها

[طلال الثعلي]

الحر الاشقر

ياسلام سلم

صدق من لقّـب الهيلاء بهيلاء

وقفه رائعه

لاعدمناك

تحياتي...

[طلال الثعلي]

ابن هليل

حياك الله

بدايه تدل على شاعر كبير


واصل وحنا معك

تحياتي...

[الحر الأشقر]

مرحبابك يا بن هليل وفرصة سعيدة

لاهنت ياطلا ل واللي يجوز لك هو المبارك

واستلم يا بن هليل

أنا فاقدك وأدورك دايم،ليا شفت الطمايع والغنايم
عتيبي وإبن عم ولك قسايم صدق من لقب الهيلاء بهيلا

أنت من ربع الثبيتي عسى عمرك طويل
...................................كان ما أنتب مثل مطلق شربت حثالها
ياهل السيل الكبير الحموله لا تميــــــل
..................................أحفظوها لا تقولون إلي مـــــــــاقالها

[متعب العضياني]

وتسلم يالحر
وابشر بالي يرد علاك
بس احترني

[وصل العطياني؟؟؟]

الله الله


عز الله إنها حامية حامية



الحر الأشقر وبن هليل


وش بقي؟؟



مابقى غير نتابع :cool:




شدوا الهمّة ...



لايحتاج إني أعرف بكم

فالكل منكم غني عن التعريف

ومعروف على ساحات المحاورة






تحيااااااتي.

[ابن هليل]

ليا دورتني ياهن حاضـــــــــر
سموعك تسمع وعينك تناظر
وأنا فالشعْر دكتورٍ محاضـــر
________________صدق من لقب الهيلا بهيلا

ايه من ربع الثبيتي والي حيله وحيل
____________________روس قوم ٍ يعرفون الرجال أفعالها

ماغدا لأهل الوفاء لا كثير ولا قليـــل
____________________والحمول الكايده في ظهور جمالهــا

[ابن هليل]

وصل العطيااااااني



متعب العضياني


طلال الثعلي



لاهنتم على الحضور



لاعدمتكم يابني عمي

[الحر الأشقر]

تقولـــه وأنت إلك وقت متغيــــّب،وأنا خابرك فالميــــقاف طـــــــيّب
لا كنك ما تقــارن مع حبيـــــــّـب، صـــــدق من لقّـــــب الهيلاء بهيــــلاء

مير نجــــم الـــجدي ما أحدٍ يقول إنه سهيل
........................................فرقهم مثل الجزيرة ومثل جبالها
يالحصان اللي مع الصبح نوحي لك صهيل
.......................................ودي إنك تنطح القوم يوم اقباالها

[ابن هليل]

أنا ما غـــــــيب عنكم يعتيبه
لوأني رحت عنكم في مغيبه
معاكم فالمواقيف الصعيبـه

_________________صدق من لقب الهيلا بهيلا

ادري أن سهــــــيل ماله شبيه ولا مثيل____والنجوم الباقــــيه يستر الله حالها

في ميادين الوغى في يدي سيفٍ صقيل____ياعيال الشجره اللي يظل ظلالـــها

[الحر الأشقر]

أنا ما أبغاك تذكرلي فعولك،أبى اللي يثبت فعولك وصولك
ليا جيت العدا تسرج خيولك، صدق من لقب الهيلا بهيلاء

إعتــــرفت وباعترافك ترى ما أنتب ذليل
...........................................ميقنن مال المواقيف غير ارجالها
ما لقــيت ارقامكـــم كلبوكــم فالدلـــــــيل
.........................................ياحســــا يف ربــع مطلق ولا نلقالها

[متعب العضياني]

ياسلام

هذي المحاوره لا قالوا محاوره

انا اشهد انكم شعار متمكنين الله يعطيكم العافيه

[ابن هليل]

ولا ياصاحبي دوّر وتـــلقـــــــاء
فـــعول الناس بين الناس تبقاء
يعيش اللي مع أهل الطيب يرقاء
____________وصد ق من لقب الهيلا بهيلا

أعترف بالحق لاني ذليـــل ولا كليــــل
__________________والمواقف محتميها وأنا رجالها

ابك انا سقم المعادي وأنا زبن الدخيل
_________________والليال طوال والخيل من خيالهـــأ

[الحر الأشقر]

يقولون الحيا ذكره يبيـــني،كذلك قيل ذكر الطيبيـــني،هذا قولي وقول الأوليـــــني

صــــــــــدق مــــــــــــــن لـــــــــــــقب الهيــــــــــــــــــــــــــــلاء بـــــــهيـــــــــــــــــــلاء

خابر إنك من سلاليل براهيـــــــــم الخلـــــــــيل
.......................................والسلاله طيبه مير وان عيـــــــــالها
مانذمك مير هات الدلايــــــــل والحصــــــــــيل
...................................... كان راعي خيـــــــل يالقرم مد حبالها

[ابن هليل]

متعب العظياني


1000

شكر على المتابعه

[ابن هليل]

عس الله يحفظ جبال الحجازي//جبالٍ ماتهاز ولا ترازي//لو أن الشاعر النجدي ينازي

صــــــــــــــــــــــدق من لقــــــــــــــــب الهيـــــــــــــــــلا بهيـــــــــــــــــــلا

لن بغيت الصدق أنا ماعليه مستحيل
--------------------------------والمكاسب منتماها لـروس أموالها
ليش اسج الخيل وأنته رفيقي ياحليل
--------------------------------أنت غترة راسي اللي عليها عقالها

[وصل العطياني؟؟؟]

ياسلام

ياسلام


من أجمل ماقرأت هذه المحاورة...

ليش لا؟؟

مادام فرسانها الحر الأشقر وبن هليّل....

الله يسعد لي أيامكم...

بحق إنكم فخر لنا....






تحيااااااااااااااااتي.

[الحر الأشقر]

اعرف إن الشواهيق النوايف،تزبن في حجاها كل خايف،لاكن قرودها بليا وظايف.
صــــــــدق مــــــن لقـــــب الهيــــــــــــــــــــلاء بهــــــــــيلاء

أنت راع السيل والسيل جاك مع المسيل
....................................كل سيلٍ لا حدر كل قشعه شالها
ليش ترجع في كلامك وتعلن بالرحيـــــل
...................................شالتك وبقعا ودنياك في سربالها

[ابن هليل]

ترى مطلاعكم ياهن منها//جبالٍ ماتندم من زبنها// نهار ديارك السافي دفنها
صــــــــدق مــــــن لقـــــب الهيــــــــــــــــــــلاء بهــــــــــيلاء

ياونيتٍ تمسح الخط ماعرف لك موديل
____________________ليت وليا امن الطرق تكشفك بارسالها

اختلط في داخل السوق هيل وجنزبيـل
____________________الحضارم غشــت السوق يادلالهــــــــا

[ابن هليل]

وصل العطيااني



عسااااني ماعدمك



سلم لي على أهل مدركه



تراهم يعزون علي





لا هنت

[طلال الثعلي]

بن هليل

الحر الاشقر


محاوره لايعلى عليها..


والليل يالربع..

وانا بين الصفوف.


ووصل يوزع الماء.

على المتفرجه

تحياتي|4|

[الحر الأشقر]

مــواكير الحرار النايفاتي،مداهلنا الجبال الراسياتي، وأنا ما أنشدك عن قصة حياتي
صــــــــدق مــــــن لقـــــب الهيــــــــــــــــــــلاء بهــــــــــيلاء

ما سحين الروس بالموس فاليوم المهيـــــــل
............................................والشــ واوي مع غــــنمها تعــد إطفالها
كـــم فرقــــنا فالمـــلاقى خـــليل عــــن خـــليل
.........................................من وحـــــمنا صـــار فـــي حالـــةٍ يرثالها

[ابن هليل]

ولا ياذيب لا يدخلك شكه//أهل مكه تعرف شعاب مكه//عليكم 25ســـكه

صــــــــــــدق من لقــــــــب الهيلا بهيـــــــــــــــلا

أنتبه ياصاحبـــي لا تثور أم الفــــتـيل
----------------------------------الله يخلي لبعض الرجال رجالـــــها

والعريف اللي بعرفه يكيل ويستكيل
--------------------------------والعلوم اقصارها يغني اعن طوالها

[الحر الأشقر]

أخوي إبن هليل صح لسانك، وبيض الله وجهك وبصراحة أمتعت الجميع بابياتك الجزله وسلاسة أبياتك وردوك المميزه،
ومره أخرى بيض الله وجهك وسامحنا إذا أخطينا أو زلينا بشي،
واسمح لنا القاف شاب.
وأنت ألظاهر ما يشيب قافك ههههههههه
الله لا يهينك ونلتقي بك مره ثانية على خير إنشاء وأنت طيب، ولك مني كل إحترام وتقدير.

[ابن هليل]

الحر الاشقر



لاهنت


عزالله أني استمتعت شعرياً في هذه المحااوره



وعلى خير نلتقي

[علي فلاح العضياني]

عزالله ماقصرتوا ياهالثنين كفيتوا ووفيتوا .... الله يبا من يتقيه
تحياتي

[كلاشنكوف]

مشكورين على هذا الابداع
محاوره جميله جدا ومن الملاحض ان هااولا الشعراء يعرفون بعضهم جيدا
استمرو اتمنا لكم التوفيق

[الفـــايز]

شعار كبار ومحاورات لن تنسا