يالروامي لاهنت

[فيلسوف الصحراء]

ياسلام الله سلامٍ مايبي غير الروامي=مايبي غير الروامي يالروامي لاتونّا
ودّنا نهرج بعد ردّ التحية والسلامي=وناخذ علوم الربوع اللي بعيدٍ عن وطنّا





فيلسوف الصحراء |4|


.

[أبوسلطان]

الشاعر ...فيلسوف الصحراء

حياك الله وياهلا ومرحبا بك

وننتظر منك ومن الشاعر الروامي

ابداع يخيم ويتربع على القمة

[المورقي22]

هلا والله بك يالفيلسوف

تشرفنا بالمحاوره يا طويل العمر

وخلوووووووهااااااااااااا

مرحبا بالشاعر اللي له قوانين ونظامي"="مرحبا ويامسهلا باللي تقدم لي وغنا
ما بعد رد السلام الا هروج(ن) مع كلامي"="والعلوم بخير وشفيك انت يوم ابعدت عنا

[المورقي22]

ابو سلطان

حياك الله وامسكوا الصفوف

وابشروا بامحاوره الطيبه يالغالي


وتحياتي للجميع الرومي

[طلال الثعلي]

فيلسوف الصحراء


وينك يافندم

ماعاد الك شوفه

لاباس..

ههههههه

تحياتي...

[طلال الثعلي]

الروامي احلى

لاتعليق..

[المورقي22]

هلا طلال الثعلي

ومشكور على ردك يا طويل الذراع

وتحياتي لك تلميذك روامي احلى

[فيلسوف الصحراء]

إبتدا مسّ الحبال وميسمي في النار حامي=كيّته ما تنمحي طول الزمان الله يامنّا
غبت عنكم يوم ماحصّلت شرب ولاطعامي=مير مابعّدت مثلك مع بعيدين المطنّا





فيلسوف الصحراء|4|



.

[فيلسوف الصحراء]

طلال

مايجيك البأس

أنا موجود معكم

[مصدة 2004]

الروامي : أتركك مع هذه المحاورة ..

فيلسوف الصحراء لاهنت

[وصل العطياني؟؟؟]

شاعرين مبدعين...
ننتظر محاورة ممتعة بينهما...
فأهلاً بكما بعد طول غياب...




تحيااااااااااتي.

[الحر الأشقر]

الحمد لله على السلامة يافيلسوف الصحراء وأسعدتنا بعودتك بها الطاروق الله لا يهينك ولا يهين اخوي الروامي وواصلوا حنا معكم
أخوكم// الحر الأشقر

[المورقي22]

خلووووووووووووهاااااااااااااا

اسمعععععععع

ابتدا ضرب السيوف ومن سمعها ما ينامي"="وسيفنا ضربته مثل الوسم لا جا في جملنا
ما بعد غيبتك غار الطيب ويا الاحترامي"="وانتبه ألزادنا لا تنثرونه من صحنا

[المورقي22]

حياك الله اخي وصل العطياني

وانشاء الله ان تحوز المحاوره على اعجابكم

وشكرا لك

تحياتي الروامي غير

[المورقي22]

الحر الاشقر حياك الله وبيض الله وجهك على المتابعه

وتشكر يا طويل العمر

تحياتي الروامي

[فيلسوف الصحراء]

والله إني ناوي أوصلها ليا صمّ العظامي=لو أبى أجاملك . غيري مايخليك إتّهنا
لن نجحت أعطيك من عندي شهادة والوسامي=وإن رسبت أعطيك بالباكور حتى ترجهنّا




فيلسوف الصحراء|4|

[فيلسوف الصحراء]

مصدة2004

الحرالأشقر

مروركم يشرفنا ويعطينا حماس
وأنا أفتخر بمحاورة أخوي الروامي ومن مثله وشرواه

[المورقي22]

خلووووووووووووووووووووووووووووووووووهااااااااااا


يا عميل ما لقى غار للروامي للخصامي"="ما نباك تكّبر الموضوع منكم او منا
ما نصلي من وراك ولا نبى منك صيامي"="تظهر النا الصوف والحرير بتخفيه عنا

[فيلسوف الصحراء]

مالقيت الاّ الروامي ثمّ زايمني زيامي=أعدله يمّ الطريق السنع ويقوم يتثنّا
قلت له عان المرامي قال مااشوف المرامي=قلت هاخلّ العرب في حالها لاتمتحنّا





فيلسوف الصحراء|4|

[المورقي22]

الله الله


يا سلام عليك يا فيلسوف الصحراء


نكتفي بهذا الحد ولنا محاورات قادمه
انشاء الله


ما لقيت الا الروامي ثم زايمني زيامي"="اعدله يم الطريق السنع ويقوم ايتثنا


ماشاء الله عليك يا فيلسوف الصحراء


وتقبل خالص تحياتي اخوك الروامي

[وصل العطياني؟؟؟]

بيض الله وجيهكم

محاورة ممتازة...

والله لايهينكم...




تحيااااااتي.