حزام العصيمي ماذا كان يقصد ؟؟

[بارود عازمي]

ياجماعة وش كان يقصد حزام يوم قال ^


البعير اللي ورى الشطين في ممشاه خله ** قربو منه المسامه وابعدو عنه الشدادي

لله درك ياحزام شاعر كبير في شعره


اتمنى التوصل للمعنى لندرك لا ان نسمع فقط

[صعاط الجن]

الله لايهنك جب البيوت الي قبلها والي بعدها والشاعر الي يلعب معه
وبيض الله وجهك

[عبدالله حبيٌب الزراقي]

تفسيره والله اعلم

البعير يقصد فيه الشعر والمحاوره خصوصاا ويقصد الي من ورا الشطين يقصيد فيها الموال والشطين يقصد فيهاا الشيلتين الي بعد الموال او الشيلتين العاديه المهم انه قربوا منه المسامه وابعدو عن الشدادي وواضح المقصود ابعدوا عنه المعنى وصار سطحي


هذا من وجهة نظري والله واعلم

[بارود عازمي]

صعاط الجب // المناسبه شاعر المعنى وكان خصمه البقمي

وفي هذا البيت مايفسره دون الرجوع لما قبله



الزراقي تفسيرك منطقي بس ماهو المقصود ؟؟


نتمنى عدة محاولات خصوصاً من شعار المحاوره


اجل شعار طقها والحقا بس بدون معاني

[/عبد العزيز الجذع/]

تفسيره والله اعلم

البعير يقصد فيه الشعر والمحاوره خصوصاا ويقصد الي من ورا الشطين يقصيد فيها الموال والشطين يقصد فيهاا الشيلتين الي بعد الموال او الشيلتين العاديه المهم انه قربوا منه المسامه وابعدو عن الشدادي وواضح المقصود ابعدوا عنه المعنى وصار سطحي


هذا من وجهة نظري والله واعلم




تحليل منطقي...


لاهنت..

[معجب العتيبي]

وش رايك لو قلت ان معناه



ان هناك من اوكل اليه الامر وليس من اهله...............؟

وش تقول؟

[بارود عازمي]

وش رايك لو قلت ان معناه



ان هناك من اوكل اليه الامر وليس من اهله...............؟

وش تقول؟

ابيض وجه يامعجب العتيبي


3/4 المعنى وضح من معجب


طيب من الشخص المقصود الذي أوكل اليه الامر ..............؟

[ابو شرف]

[quote=عبدالله حبيٌب الزراقي;665834]تفسيره والله اعلم

البعير يقصد فيه الشعر والمحاوره خصوصاا ويقصد الي من ورا الشطين يقصيد فيها الموال والشطين يقصد فيهاا الشيلتين الي بعد الموال او الشيلتين العاديه المهم انه قربوا منه المسامه وابعدو عن الشدادي وواضح المقصود ابعدوا عنه المعنى وصار سطحي


هذا الاقرب والله اعلم.

[الباااسل]

يا أخوان


البيت هذا في مسابقة شاعر المعنى وكان بداية القاف مع الشاعر حزام العصيمي



والبعير اللي ورى الشطين هو ( المعنى ) لان معناهم كان عن المعنى معنى المحاوره


وحزام يقول

البعير اللي ورى الشطين في ممشاه خله = قربوا منه المسامه وابعدوا عنه الشدادي



أي أن المعنى أختل لكن صاغها بطريقه لايجيدها إلا الكبااااااار

( وعبدالله البقمي كان يحسب إنه هو المقصود بالبعير :) وكان هذا وضحاً في رده لكنه مايحضرني الان )





وفي البيت الذي قبل هذا البيت يقول


مايقوم البيت من دون العمد والدرب دله = انتهى وقت القدايم وابتدا وقت الجدادي



لله درك ياحزاااام هذا الشعر والا بلا

[ابو شرف]

يا أخوان


البيت هذا في مسابقة شاعر المعنى وكان بداية القاف مع الشاعر حزام العصيمي



والبعير اللي ورى الشطين هو ( المعنى ) لان معناهم كان عن المعنى معنى المحاوره


وحزام يقول

البعير اللي ورى الشطين في ممشاه خله = قربوا منه المسامه وابعدوا عنه الشدادي



أي أن المعنى أختل لكن صاغها بطريقه لايجيدها إلا الكبااااااار

( وعبدالله البقمي كان يحسب إنه هو المقصود بالبعير :) وكان هذا وضحاً في رده لكنه مايحضرني الان )





وفي البيت الذي قبل هذا البيت يقول


مايقوم البيت من دون العمد والدرب دله = انتهى وقت القدايم وابتدا وقت الجدادي



لله درك ياحزاااام هذا الشعر والا بلا


كلام 100%100

رحت شفت المحاوره في اليوتيوب.

[فهيد الايدا المورقي]

وش رايك لو قلت ان معناه



ان هناك من اوكل اليه الامر وليس من اهله...............؟

وش تقول؟



انا عكس تفسيرك يامعجب العتيبي بعد اذنك

ان هناك من اوكل اليه الامر واذهل من حوله

[بارود عازمي]

سيدي فيصل بنا للشعر دولة مستقلة **


هنا المعنى // شاعر المعنى



البعير اللي ورى الشطين في ممشاه خله ** قربو منه المسامه وابعدو عنه الشدادي

هنا عنصر المقارنة بين شاعر المعنى وشاعر المليون

البعير // يقصد محمد بن زايد (
ورى الشطين


اي انه اضاع الشعر الحقيقي واهتم بالمسامة ( شعر مصطنع )

وابعدو عنه الشدادي اللي هو الشعر الحقيقي اي هنا عند فيصل بن خالد


ومن له وجهة نظر اخرى يمكن تكون صائبة

[الباااسل]

بارود عازمي


لم توفق في تحليلك لأن المعنى في تلك الليله حسب ماعلنوا في البرنامج كان عن المعنى نفسه


يعني وش دخل شاعر المليون

[حزام العصيمي]

بيض الله وجهك يابارود العازمي


والله يبيض وجيهكم جميع


أجتهاداتكم طيبه

[الصاطي,,]

كاااااااااااااااااان يقصد المعنى لا غييير

[عبدالله حبيٌب الزراقي]

حزام العصيمي

مدام جيت وشرفتنا عطنا المعنى الله لايهينك هههه

[بارود عازمي]

بيض الله وجهك يابارود العازمي


والله يبيض وجيهكم جميع


أجتهاداتكم طيبه




مرحبا الف وجهك ابيض ياحزام


ولكن الا تفصل جدالنا ولو بكلمه :)

[عتيبي مطنوخ]

انا وقتها فسرت المقصود بالبعير اللي ورى الشطين
البعير البقمي ... الشطين الطاروقين .. لان حزام نقض المعنى في الطاروق الاول وفي الطاروق الثاني ماقدر البقمي ينقض معنى حزام

[خيال العجمي]

ياعتيـــبه الشعاار عندكم لكـــن الشعـــر عند يــأأأمـ

لوؤوؤوؤل

تبى ألصدق..

أ
لشعر مايملكه احـد

أخوكم...
@.فـَـِaL_3jMiـُلأحَ.@

[بارود عازمي]

المعنى في بطن الشاعر



والشاعر موجود متى يعود




الله اعلم

[حوت البحور]

المقصود بالبعير >> الشاعر سلطان الهاجري

[حوت البحور]

المقصود بالبعير >> الشاعر سلطان الهاجري

[الباااسل]

هههههههههههههههههه

حلوه سلطان الهاجري نظرتك بعيده ماشالله عليك

[:: الغــربــي ::]

ياجماعه المعنى مايعرفه الا الشاعرين نفسهم

سواء في شاعر المعنى او خارج البرنامج ..

زي صياف الحربي وحبيب العازمي

يحطون مقصد او حاجه ويغمزون ويلمزون فيها ..

والجمهور مايدرون وش المعنى :)

< في السياسه او غيرها من الامور

[بارود عازمي]

ياجماعه المعنى مايعرفه الا الشاعرين نفسهم

سواء في شاعر المعنى او خارج البرنامج ..

زي صياف الحربي وحبيب العازمي


انت صح يالغربي

وبقية الشعراء الكبار


وحزام منهم

[بارود عازمي]

هل انتهت جميع المحاولات لمعرفة المعنى؟؟


نتمنى مرور حزام مرة اخرى

[/عبد العزيز الجذع/]

خيال العجمي ما ودك تريح بس...!


الشعر عند عتيبة ولا تخرج عن الموضوع..

وانا تفسيري والله اعلم ان:


البعير هو عبدالله البقمي الشطين هم الصفين (صفوف المحاورة) في ممشاه خله (لان البقمي ما فهم المعنى وقال حزام في ممشاه خله) قربو منه المسامة (اي الابيات الضعيفة وما شابه ذلك ) وابعدو عنه الشدادي اي انه ما يعرف للمعنى ولا يلعب معاني ولا يفهمها..


وتراني مانيب شاعر ..


ويمكن اني اصيب العنى المقصود ويمكن اني ما اصيبه

[عتيبـــــ ولد ــــــــة]

ترا العجمي كان يمزح .. وننتظر حزام العصيمي ..

[/عبد العزيز الجذع/]

عجل علينا يابن عاصي...

[الباااسل]

جبت لكم محاورة حزام كامله عشان يسهل التحليل والمعنى اللي استلمه من اللجنه عن المعنى نفسه


وهذي المحاوره



حزام العصيمي


ياسلام الله على اميراً يظل الشعر ظله = الامير ابن الملوك اللي حموا سور البلادي
سيدي فيصل بنى للشعر دوله مستقله = دولةً قامت على شرع وقوانين ومبادي


البقمي

مرحبا بك يالمسلم عد ماتبدى الاهله = راية الاسلام مرفوعه على روس المبادي
من يعقد الحبل يابو زيد مايبلش يحله = والحضيض اللي مع الاصحاب فايد واستفادي


حزام العصيمي

مايقوم البيت من دون العمد والدرب دله = انتهى وقت القدايم وابتدى وقت الجدادي
البعير اللي ورى الشطين في ممشاه خله = قرًبوا منه المسامه وابعدوا عنه الشدادي


البقمي

مابلشنا في خبركم ياعرب دقّه وجله = وانت تمشي في طرقك مار مرات متحادي
الدوا تره يشفي ياصحيبي كل عله = ياعسى ربي يتبعكم دواليل الرشادي

[عكاش العتيبي]

المقصود هو ان الشاعر البقمي لم يتوصل الى المعنى الصحيح وكان الشاعر حزام يوجه اشاره لشاعر البقمي و للجنه ان الشاعر المقابل ليس متمكن

[عبد الله@العتيبي@@]

[البااا سل


البيت هذا في مسابقة شاعر المعنى وكان بداية القاف مع الشاعر حزام العصيمي



والبعير اللي ورى الشطين هو ( المعنى ) لان معناهم كان عن المعنى معنى المحاوره


وحزام يقول

البعير اللي ورى الشطين في ممشاه خله = قربوا منه المسامه وابعدوا عنه الشدادي



أي أن المعنى أختل لكن صاغها بطريقه لايجيدها إلا الكبااااااار

( وعبدالله البقمي كان يحسب إنه هو المقصود بالبعير :) وكان هذا وضحاً في رده لكنه مايحضرني الان )





وفي البيت الذي قبل هذا البيت يقول


مايقوم البيت من دون العمد والدرب دله = انتهى وقت القدايم وابتدا وقت الجدادي



لله درك ياحزاااام هذا الشعر والا بلا

الله وكبر عليه