ياساطي المرشدي سلام قبل الكلام ..

[أبو وافي العتيبي]

ياساطي المرشدي سلام قبل الكلام = أنته تحسب الليال وتعرف أيامها
النور واضح ترى ماهـوب زي الظلام = كواكبٍ فالفلك تمشي على أنظامها

[أبو وافي العتيبي]

ياساطي المرشدي سلام قبل الكلام = أنته تحسب الليال وتعرف أيامها
النور واضح ترى ماهـوب زي الظلام = كوكبٍ فالفلك تمشي على أنظامها

للرفع

ننتظر المرشدي

تحياتي

[المرشـ ساطي ـدي]

ابو وافي اعذرني شكلك منزل الموضوع بدري
وانا ما شفته الا الليله




يا مرحبا يالعتيبي عد وبل الغمام=وعداد ما جلبت السلعه ومن سامها
وش رايك نكبها تمشي بحسب النظام=والمرجله صعبة ياطيب من رامها

[معجب العتيبي]

ابو وافي

بدايه رائعه وشاعر متمكن


ساطي المرشدي

رد وافي وابيات جزله


صحة السنتك ومتابعين

[المرشـ ساطي ـدي]

معجب العتيبي

صح بدنك

شرفت الصفحه والمتصفح

والابداع يحضر بحضورك

الله لا يهينك,,,,

[أبو وافي العتيبي]

عذرك مقبول طال عمرك

وأستلم




دام البــقاء عـد من صـــلى لربه وقام = ياذخر ربعك هل الطاله ومقدامها
يالسوق ياصاحبي يشبه لضرب السهام = الله يبارك لبعض الناس فأحلامها

[أبو وافي العتيبي]

معجب العتيبي

شرفني حضورك لاهنت

لك كل التقدير

[المرشـ ساطي ـدي]

من مدها طيب ياخذ ردها بالتمام=مالي ومال الذي ما تثبت اقداما
من بعد ما كثروا التجار جوه عسام=النصف قدم السلع ما يعرف اقياما

[أبو وافي العتيبي]

سعر الذهب ياطويل العمر حسب الجرام = لكن بعض العرب ماتعرف أجرامها
ياساطي المرشدي دنياك هاذي زحام = الله يخارج من الأيام وزحامها

[المرشـ ساطي ـدي]

لولا العمد يالصحيبي ما تقوم الخيام=عيني من اللي ترى يا جور من لامها
ناس(ن) تغط الشعر لكن علي الحرام=لولا الحيا لاطلع العالم على ارقامها

[ذيب النفود]

ياسلام ياسلام

[المرشـ ساطي ـدي]

ابو وافي تشرفت باللعب معك يالغالي

وانا من اول مستعجل عندي اختبار بالجامعه بكره بدري

ولا والله جلست الا على شانك

لكن اعذرني عن القصور

وعوضها في طاروق جديد وعلى فضاوه

تقبل تحياتي

[أبو وافي العتيبي]

ياللي تريد العشاء ماباقي إلا العظام = وأنت ياذيب الخلاء ماتأكل عظامها
ناس(ن)تحب الرتب عيونها فالوسام = أكيد بعد الرتب تحصل على وسامها

[أبو وافي العتيبي]

معذور وأختبارك أولى


وتشرفت بالعب معك والي لقاء أخر

تحياتي لك

[مطر المرشدي]

بيض اللة وجيهكم