يالعين صيري دايم الدوم تبكين / قصيدة للشاعر غازي بن عون, اداء مهنا العتيبي

[/عبد العزيز الجذع/]

السلام عليكم ورحمة الله وبركاته




قصيدة للشاعر /غازي بن دخيل الله بن عون
اداء مهنا العتيبي



رابط مباشر من هنيا يالذيب (http://www.5ymah.net/rm/yaeyn.ram)

[نجر بن هاجد]

مشكور ميه ميه وصح لسان ابن عون ولاهنت يالذيب

[/عبد العزيز الجذع/]

وهذي القصيدة كتابية




يالعين صيري دايم الدوم تبكين =على مدار أربع وعشرين ساعه

أرثي لعمرٍ فات وانعيه يالعين=وابكي على ما فاتنا من ُطماعه

اليوم كمّلتي من العمر خمسين=تلعبّك اوهام الغرور ومتاعه

يا ما خدعنا الوقت بالمظهر الزين=واليوم يا عيني عرفنا خداعه

ما ندري إن الوقت لُه باطنٍ شين=الاّ بعد ما قام يسقط قناعه

وإن ما انتهزنا تالي العمر فالدين=والاّ خسرنا ما لنا من بضاعه

باقي العمر في علم رب الثقلين=تماكني تاليه قبل انقشاعه

مع هجعة اوباش الملا لا تهجعين =احيي الدجا ذكر وتوسل وطاعه

اليا بقا ثلثٍ ومضى منه ثلثين=وقتٍ يربّح باذرين الزراعه

لا ناموا اللي فالملذات لاهين=تضرعي لله باكف الضراعه

ويا الاذن في قول الخنا لا توحّين=والذكر والنصح انصتي لاستماعه

اليا استمعتي للذكر والصحيحين=يصير عندك ضد غيره مناعه

ويا الرجل لوحيتي الندا لا توانين=اليا دعا داعي صلاة الجماعه

ويا النفس مع درب الهوى لا تميلين=بيعيه مثل اللي زهد به وباعه

الخمسة الاركان لازم تلبين=بتوحيد واخلاص ويقين وقناعه

عسى بتالِ العمر ثقل الموازين=كود يتعوّض ما مضى من ضياعه

سالين كنا دايم الدوم حيين=ولا دامت الدنيا لراع الشفاعه

والأنبيا والأوليا والسلاطين=واهل المروة والكرم والشجاعه

العبد مهما عمّر أحقاب وسنين=له ساعةٍ فيها يطوّى شراعه

يرحل وخلانه وربعه مقيمين=وتصير فرقا الشمل بعد اجتماعه

وصلوا على المبعوث جد الحسنين=ما نبت من نبتٍ وما ازهر طلاعه

[/عبد العزيز الجذع/]

لاهنت على المرور يالغالي...

[وافي الخماش]

تسلم يمنااك يالذيب ولا هنت ..

[/عبد العزيز الجذع/]

مشكووور على المرور يالغالي....

[روح جاي]

يعطيك العافيه على القصيده للشاعر الحكيم

[/عبد العزيز الجذع/]

لاهنت على المرور.....

[فهد النفيعي]

مشكووووووووووووووور

[كامل الذوق]

مشكور ويعطيك العافيه

[ربوع نجد]

الله يعطيك العافية

[/عبد العزيز الجذع/]

مشكوورين على المرور....