قادح شرار الليل الليل

[الوليد الحافي]

قوم ياقادح شرار خلها شعله ونار =كان تبغى لك قرار , للوظيفه ربما
العرب تضحك علاك وانت ساري في عماك =لكن الحافي يباك نص ساعه ربما

[قادح شرار]

أقرب أقرب بالعلوم .. والصقر فوقك يحوم = يا جعل حظي يقوم ..ثم تبلش ربما


تو ما صدري يهيض .. والبحر جايك يفيض = قوته تنفض نفيض .. فالسوالف ربما

[راع العلطا]

شاعر الحفاه×قادح شرار




صحت ألسنتكم طارق كايف..


سجلوني متابع وعلى القوه..

[قادح شرار]

شاعر الحفاه×قادح شرار




صحت ألسنتكم طارق كايف..


سجلوني متابع وعلى القوه..

صح بدنك يا راع العلطا .

متابعتك محل فخر واعتزاز .

[الوليد الحافي]

العلوم الطيبه ..فالضمير قريبه =بكر ماهي ثيبه وانت تدري ربما
انت جاهل مادريت يوم تحرير الكويت =الاكيد انك لقيت حلو حامض ربما

[قادح شرار]

العلوم إلها رجال .. والحمول إلها جمال = إنتبه قدمك جبال .. لا تجنّب ربما


أنت في خاطرك شيّ .. بعرفه دام إني حيّ = بين شمس وبين فيّ .. أختر وحدة ربما

[الوليد الحافي]

خلني ساعه زمن ثم اوديك اليمن =يامغني باللحن فيك عله ربما
خاطري مافيه فيه وانت شاعر يوم اجيه=في وقوفه ماعليه يتحدى ربما

[قادح شرار]

بايع ٍ عمره بيموت .. طب له في بطن حوت = يحسب الدعوة نكوت .. مخ مافي ربما


أنت وسط الملعبه .. مير ما أنته منتبه = جات حمراء حبحبه .. جح طازج ربما

[الوليد الحافي]

انت رجالٍ حليل صحبتك ماغير ليل =بعدها تلقى عميل غير الاول ربما
جات حمراً من طرفك بالكرامه نعرفك =ليت ربي صّرفك يامسنتر ربما

[قادح شرار]

أفطنوا يا ربعنا .. مخطي ٍ في حقنا = علمهم كله خنا .. موته أقبل ربما


من سرير ليا سرير .. كل ليلة لك عشير = تلبس الثوب الحرير .. كل ليلة ربما

[الوليد الحافي]

الخطاء ماله مجال مع كريمين السبال =لاتعقد فالحبال وانت عاقل ربما
كلمتك عن عدها في ضميرك ردها =وهد نفسك هدها لاتهور ربما

[قادح شرار]

يوم سويت الكلام .. دقق علومك تمام = رجل مثلي ما يلام .. يوم دقق ربما


الله أعلم بالقلوب .. يوم سرنا بالدروب = وش مخبي فالجيوب .. خفت منكم ربما

[الوليد الحافي]

قادح شرار صح لسانك يابحر شرفنا اللعب معك

واعذرنا على القصور ترى الدعوى مزح :)


اشكرك على سعة صدرك

[قادح شرار]

قادح شرار صح لسانك يابحر شرفنا اللعب معك

واعذرنا على القصور ترى الدعوى مزح :)


اشكرك على سعة صدرك

هههههههههه , الله ياخذ شيطانك يا راع عسيلة .

وأنا بعد تشرفت باللعب معك , ولا تضيق مني يا ولد عمي .

أدري أن الدعوة مزوح .


الله معـــــــك . تحياتي وتقديري .

[عبدالله الجـــذع]

لاهانت رؤوسكم يالغالين على القاف الكآيف

صحت الالسن والقلوب

محبكم

.,