خليــفــة مطلق تعال هنا ....................

[علي فلاح العضياني]

مرحوم يا مطلق اللي لوّ مهما كان و يكون=ما فيه شاعر طلع مثلك و لا جالك خليفه
و اللي يتسمّى خليفة شاعر العتبان مجنون=لن جا و لن راح والله ما على مثله حسيفه

[سعود البرقاوي]

هههههههههههههههههههههههههههههه

لله درك ياشيخ على هالبدعة الكايفة

متابع وفي صف مطلق الله يرحمه

[علي فلاح العضياني]

سعود البرقاوي


شكرا لمرورك


تحياتي

[متـعـب المهيدلي]

صح اللسانك يالفالح

[شقاوي والرجا بالله]

صح لـســـــانــــك.

[/عبد العزيز الجذع/]

الله الله الله........


صح لسااانك.............



تحياتي..

[خليفة مطلق]

الله يرحمك يامطلق ويرحم كل مغبون=بعض العرب كبده من الغبن شعله وسط ليفه
و انا بعد فيك ماالد النظر والناس يدرون=حرٍ معرب ومثلي مايوقع فوق جيفه

[/عبد العزيز الجذع/]

:d:d:d:d:d



صح لسااانك يا خليفة مطلق....

[علي فلاح العضياني]

ما دام يركب علاك ... الاسم خلّ الناس يفتون=يفتي به الشافعي و المالكي وابو حنيفه
يا طير ريشك ورى كل ريشه إلها ميزه و لون=و لا تخاو الطيور و شيفتك يا طير شيفه

[خليفة مطلق]

اللي عطاني عصى موسى وهب لك سحر فرعون=واللي وهب لي بحور الشعر مااعطاك النصيفه
لكن تبطي عظم واللي مثل شرواك يبطون=ماتاصلون الطيور اللي مواكرها منيفه

[علي فلاح العضياني]

إمقسّم الرزق ماهوب انت ربّي مالك الكون=تراك ما انته بركّاب الشداد و لا رديفه
برق الجناحين حتّى لو لها منقار و عيون=لا شافها النّادر الجراح ... مرباعه و صيفه

[خليفة مطلق]

سيبووووووووهاااااااااااا



شطرٍ ماهوب إلك لا تطريه ثم تصير مديون=يالشاعر اللي ليا غنيت ماجبت الكليفه
يانملة الوادي إسليمان يسمع ماتقولون=واليا ابتسم يبتسم من هرج مخلوقه ضعيفه

[محمد بن ثعلي]

صح لسانك يالفالح

[قادح شرار]

يا سلاااااام .


متابع من بعيـــــــد .

[علي فلاح العضياني]

أنا أنحت البيت من صمّ الصّخر وابليس ملعون=يمناي عن ما يريب النفس ماشالله نظيفه
مدام ربّي خلق لك ... بالكلام الزّين ماعون=أحسن تفكّ لك مكتب كان ما عندك وظيفه

[علي فلاح العضياني]

صح بدنك



يابن ثعلي

[علي فلاح العضياني]

قادح شرار




لا هنت

[خليفة مطلق]

ياناحت البيت عدّك ماسقى وردٍ يحومون=عان الجمال انكفت ياعد من فوقك معيفه
واليا فتحنا المكاتب هاتي لي ناسٍ يغنون=واللي وصوفه وصوفك لا يسجل في الصحيفه

[علي فلاح العضياني]

يا عدّ ياللي عليك جمال خلق الله يردون=يروون و البدو ما تاردك بحبالٍ قضيفه
إفتح .. وكلٍ يجيك مولعٍ له راس غليون=يالصاحب اللي ثيابك من حرير و من قطيفه