سلام والعلم مدلوله براسي

[متـعـب المهيدلي]

سلام والعلم مدلوله براسي = والراس مرفوع قدره فوق الامتان
يالربع هاليوم انا زايد حماسي = ماهمني من يجي لوكان من كان

[بندر المرشدي]

من هاجسٍ حطم الرقم القياسي=يامرحبا والعلوم اشكال واللوان
يامكثر الضول ياطول الحساسي=وان عودت للصمايل دورّ فلان

[متـعـب المهيدلي]

دام البقا والمساء خير الاماسي = مادام جاوب قوافينا كحيلان
قالولي انك معزب للتكاسي = اللي عليها طويلن صوت سلطان

[نواف العصيمي]

متعب صح لسانك ..

بندر صح لسانك

ومتابع


ولكم التقدير والإحترام ..

[متـعـب المهيدلي]

صح بدنك نواف




مرورك محل اعتزاز

[علي فلاح العضياني]

الله الله


صح لسانك يا متعب


صح لسانك يابو سلطان




وااصلوا و على القوه

[بندر المرشدي]

انته تحب السجّع وإلا الجناسي=والا بليا هدف.. اوزان واللحان

وضح كلامك ترا مافيه باسي= بعض السوالف تجي من دون برهان

[بندر المرشدي]

نولف العصيمي


علي فلاح العضياني



صحت ابدانكم نورتوا الصفحة

[متـعـب المهيدلي]

ماني بفاضي واذكر كل ناسي = اتذكره بالخطاء دورات الازمان
لوكان بيتك من الصم الرواسي = ماكان هزت بيوتك كلمة لسان

[متـعـب المهيدلي]

نولف العصيمي


علي فلاح العضياني



صحت ابدانكم نورتوا الصفحة

[بندر المرشدي]

لا طاحت الطاولة بين الكراسي= دور لها غيري من الناس عمّان

لا والله الا تبا تطيح متواسي=ما دام ترمي بها من غير نيشان