المساعد الشخصي الرقمي

مشاهدة النسخة كاملة : هذا ثمر قلبي..(رائعة لصالح السكيبي)


/عبد العزيز الجذع/
24-May-2008, 09:29 PM
السلام عليكم ورحمة الله وبركاته


حبيت اجيبلكم قصيدة قمة في الابداع للشاعر المبدع : صالح السكيبي

بعنوان (هذا ثمر قلبي)




هذا ثمر قلبي تدلى قبل .. يأتي موسمه=مدي يدينك واجمعي فرقاك من عذق العتب=


أنا ثملت من الفراق اللي خذا وجهي سمه=شوفي ملامح غيبتك تقرا قبل لاتنكتب=


في وجهي الشاحب وفي آهات صدري ونسمه=في ناضر عيون ٍ هميل الوجد منها ينسكب=


يا نور لحظات ٍ غدت من دون وجهك معتمه=وينك؟بدا هذا الحنين بجوف صدري يحتطب=






ياحب ٍ إجتاح الضلوع وفج قلبي وقسمه:=نصفين..وأزريت اجمع النصفين وغيابك سبب!=


حب ٍ بقى لو واقعه مره بحاليه.. صدمه=عشق ٍ حيا رغم العطش في روض روحي معتشب=


ليت الغلا ذنب ٍ تجناه الخفوق ويندمه=وليت الصبر جرم ٍ اليا طاولت همي يرتكب!=


إلى متى وأنا اهين الوقت وأرجع واحشمه=وأنا على رجم الوصال اشرف.. وأنادي.. وأرتقب=


ياأم العيون الفاترات الناجلات المغرمه=يا من رموش عيونها تشكي سبب عكش الهدب=


يامبسم ٍ له ضحكة ٍ تنطق بشي ٍ تبهمه=يانبرة ٍ لامن حكت كل المعاني تنقلب=


ياللي خذيتي خافقي قبل اعرفك واقدمه=ياللي غيابك لحن ٍ تغني به أعواد القصب=


عودي على قلب ٍ طواه الهم والشوق هزمه=قلب ٍ معك غنايمه ضاعت ولاادري وش كسب؟=


أنا انتهيت وشوقي بصدري بدت له همهمه=جمر انتظاري سَمدت ناره وانا صرت الحطب=


حتى ثمر قلبي تدلى قبل ياتي موسمه=هزي طرف جذعه تساقط لك من عذوقه عتب!=

زراقي راقي
24-May-2008, 09:38 PM
بارك الله بك , شكراً أخي عبدالعزيز

عبدالله الجـــذع
24-May-2008, 09:58 PM
الله..

صالح السكيبي شاعر رومانسي جميل

لاهنت ياعبدالعزيز

محبك

,

وافي الخماش
25-May-2008, 07:47 PM
مشكور يا عبدالعزيز وصح لساانه ..

الطلحاني
26-May-2008, 07:22 AM
صح لسانك ولسان شاعرها

وقصيده جميله وجزله

تحياتي

/عبد العزيز الجذع/
26-May-2008, 05:47 PM
مشكووورين على المرور.....

محب الهيلا
27-May-2008, 03:13 AM
مشكورو ماقصرت

على التقل الرائع

/عبد العزيز الجذع/
27-May-2008, 12:55 PM
مشكووورين على المرور......