المعتصم بالله
24-May-2008, 07:46 PM
في رضاها عملت الصعب والمستحيل=واعتقد في جهودي مثمرة ومخلوفه!
اكتب الشعر فيها من جميل وجزيل=في رسايل لها تقراه والا تشوفه
ولجل خلي عيوني ساهرة كل ليل=ولعيوني لذيذ النوم اشهر سيوفه
ومخفيٍ في ضميري عنه همٍ ثقيل=ما بغيت يتكدر او تغير وصوفه
في وفايه بحبه معطيٍ له دليل=قادمٍ في غرامه ما نويت النكوفه
واهبٍ له حياتي ما نويت الرحيل=كيف ابا ارحل ونفسي يم خلي معسوفه؟
مهديٍ له زلال ومهديٍ سلسبيل=وكل ما اقدمه ما اعلن عليه الحسوفه
واثر خلي بتال الوقت اصبح عميل=ما نواني بطيب ولا بقلبه مروفه!
يتسلى ويلعب وان بغيت الحصيل=ابتعد بعد ما يكثر علي<ه> حلوفه!
من فعايل حبيبي والله اني عليل=كيف هذا جزاه وكيف هذا معروفه؟
اكتب الشعر فيها من جميل وجزيل=في رسايل لها تقراه والا تشوفه
ولجل خلي عيوني ساهرة كل ليل=ولعيوني لذيذ النوم اشهر سيوفه
ومخفيٍ في ضميري عنه همٍ ثقيل=ما بغيت يتكدر او تغير وصوفه
في وفايه بحبه معطيٍ له دليل=قادمٍ في غرامه ما نويت النكوفه
واهبٍ له حياتي ما نويت الرحيل=كيف ابا ارحل ونفسي يم خلي معسوفه؟
مهديٍ له زلال ومهديٍ سلسبيل=وكل ما اقدمه ما اعلن عليه الحسوفه
واثر خلي بتال الوقت اصبح عميل=ما نواني بطيب ولا بقلبه مروفه!
يتسلى ويلعب وان بغيت الحصيل=ابتعد بعد ما يكثر علي<ه> حلوفه!
من فعايل حبيبي والله اني عليل=كيف هذا جزاه وكيف هذا معروفه؟