سلام الله على الهيلا

[الصاطي,,]

السلام عليكم ورحمة الله وبركاته



اولي المشاركات



عدد وبل السحاب اللي بروقه كنها الرايات=سلام الله على الهيلا بداخل منتدى الهيلا
وانا خابر عتيبه في المواقف تحتمي الوقفات=لكن اليوم يوم التقنيه لا هجن لا خيلا

[راعي الشلفا]

عدد صف الفيالق و الكتايب فالطلب جايات=هلا يامرحبا بالطرقي الي يسري الليلا

كسبناها زمانٍ فات للاحياء و للاموات=وبقيت عادةٍ لربوعنا جيلٍ بعد جيلا

[علي فلاح العضياني]

الله الله




طاروق موفّق من بدايته


صح لسانك يالساطي


صح لسانك يا بعيد الدار


تحيّاتي

[مرجح الميزان]

الصاطي وبعيد الدار



صحت الالسن








ومتابعين

[خالد المقاطي]

الله الله



بدايه قويه وموفقه يالصاطي




صح اللسانك




وصح اللسان شاعرنا بعيــد الدار

والصف صفك يابعدي




..




الليل الليل

[راعي الشلفا]

صح بدنك ياعلي لو في خاطري عليك شوي:)

[راعي الشلفا]

مرجح الميزان && خالد المقاطي

حياكم والي يبي يكمل ترى ماعندنا مشكله:)

[الصاطي,,]

عسا صف البيارق مايغير طيب النيات= نبا نسري سوا ياللي تبيع البن والهيلا

بعد قام الجمل بالحمل من بين العرب بسكات= ومال الحمل فوقه ليش ماعدلتو الميلا؟؟

[الصاطي,,]

صحت ابدانكم وتسلمووووووون كلكم الله لا يهينكم

[راعي الشلفا]

بيارقنا جمعناها لراياتٍ لها طلات=على قول المثل فالصيف لاحدٍ يامن السيلا

جملك الي تقوله عندنا مابان له شوفات=ولو ربعي ياصاطي تجهلك يامحكم الكيلا

[الصاطي,,]

انا ماقلت في علمك غطيه ود ولا هات= لكن اللي نقوله قبلنا ياذيب ماقيلا

ولكن ياعتيبه فالوازم كثرت الغيبات= حزام الوسط لسكين ولا للمعاميلا؟؟

[راعي الشلفا]

اسف على التاخير


مادام أنك فهمت العلم لاتنظر على الي فات=أسر مسرى الذيابه والجدي مايجهل أسهيلا

يقولون الرجال أن النشاما فالصخا قامات=أحد يقلط على رز وشحم واحدٍ على ويلا

[الصاطي,,]

الا ياراس ابو نوماس ياللي تعرف الصكات= ترى صكة نهار اليوم مثل العام تفصيلا
اظن السيف سيفك ونت منت بقايد القوات= لكنك لا تهوش مع الرجال وسيفك اخبيلا

[راعي الشلفا]

ولا ياراس ابو حاجون ردد وازعج الونات=وفات القرم من نوع الشاهده ياهل الفيلا

مادام أن النعامه راسها ضاري على الدسات=عليها الله وأمانه ماتشوف الحط و الشيلا

[راعي الشلفا]

ولا ياراس ابو حاجون ردد وازعج الونات=وفات القرم من نوع الشاهده ياهل الفيلا

مادام أن النعامه راسها ضاري على الدسات=عليها الله وأمانه ماتشوف الحط و الشيلا



الشهاده


تعديل