الطارف... سداد..

[احمد الزايدي]

سلامي عليكم يأهل الجود والماجود= ثقات الرجال تجودوالجود هقوتـها


كرم حاتمي فيكم ومن مثلكم محمود=قـبـيـله تجود ويعرف النـاس مدتها

[عبدالله حبيٌب الزراقي]

هلا مرحبا ترحيبة ٍ ترفع المنقود = رجال الوفا والطيب ياطيب نظرتها
ونعمين فيكم يارجال ٍ تجيب الفود = في ماض الزمان وحاضر الوقت جابتها

[احمد الزايدي]

بقاوالوفا منك أنت ياالأجودي معهود=ولاهي غريبه من عتيبـه شهامتهـا

وهداج عد من قديم الزمـن مـارود=وعند العرب مضرب مثل في جزالتها

[عبدالله حبيٌب الزراقي]

انا اقول فيك الخير ياصاحبي موجود = عسى الله يجمٌلنا ونكسب محبتها
تشعٌ النجوم الساطعه فالليال السود = وتْظهر على كل البشر زين حٌلتها

[/عبد العزيز الجذع/]

الله الله...

مبدعين كعادتكم



صحت السنتكم....

تحياتي..

[احمد الزايدي]

عميلي عميل الخير فعله ماهو مجحود=والـه مـدة جـزله تـعـمه بسمعتها


جبال رست فأالارض بأمـر الله المعبود=كمـا مـارست تبـقـاء تراها بـعـزتها

[كامل الذوق]

الله الله

ياسلام ياسلام

ابداع من مبدعين

[الصاطي,,]

الله الله

ياسلام ياسلام

ابداع من مبدعين

[احمد الزايدي]

حياك الله


ياعبدالعزيز الجذع


الله يديمك سالم وغانم


شرفنا حضورك لاعدمناك

[احمد الزايدي]

حياك الله


ياكامل الذوق


الله يبيض وجهك


شرفنا حضورك لاعدمناك

[ساير الغنامي]

صح لسانك احمد الزايدي ولسان الزراقي

[احمد الزايدي]

ساير الغنامي



صح بدنك والله يسلمك



حضورك يشرفنا ياالغالي

[عبدالله حبيٌب الزراقي]

ولا يا احمد الايام مابين نقص وزود = نفوس العرب شانت مع الوقت حالتها
ليا دٌقها نادوسها ثوٌر العبرود = عسى الله يٌكفينا ويكفيك طلقتها

[عبدالله حبيٌب الزراقي]

عبدالعزيز الجذع

الابداع وجودك صح بدنك ولاهنت يالذيب

[عبدالله حبيٌب الزراقي]

كامل الذوق

صح بدنك لاهنت على المرور

الصاطي

صح بدنك لاهنت على مرورك

ساير الغنامي


صح بدنك ولا هنت على مرورك

[احمد الزايدي]

يموت الأبنادم غصب في يومه الموعود=ودنيا التعاسه شأنت اليوم عيشتها


وحـبل الرجـاء فـاالخالق الرازق المعبود=بقدرت اله الكون يبدد تعاستها

[عبدالله حبيٌب الزراقي]

جميع البشر ياصاحبي تبذل المجهود = نفوس ٍ تدٌور من رضى الله جنتها
آحد جثته تبقى وآحد جثته للدود = ويوم الحساب الناس تجزا بفعلتها

[احمد الزايدي]

احمد بن حامد الزايدي


سلامي عليكم يأهل الجود والماجود=ثقات الرجال تجودوالجود هقوتهـا

كرم حاتمي فيكم ومن مثلكم محمود=قبيله تجود ويعرف الناس مدتهـا


عبدالله حبيب الزراقي


هلا مرحبا ترحيبـة ٍ ترفـع المنقـود=رجال الوفا والطيب ياطيب نظرتهـا
ونعمين فيكم يارجال ٍ تجيب الفـود=في ماض الزمان وحاضر الوقت جابتها

احمد بن حامد الزايدي


بقاوالوفا منك أنت ياالأجودي معهود=ولاهي غريبه من عتيبه شهامتهـا

وهداج عد من قديم الزمـن مـارود=وعند العرب مضرب مثل في جزالتها

عبدالله حبيب الزراقي


انا اقول فيك الخير ياصاحبي موجود=عسى الله يجمٌلنا ونكسب محبتهـا

تشعٌ النجوم الساطعه فالليال السود=وتْظهر على كل البشر زين حٌلتهـا


احمد بن حامد الزايدي


عميلي عميل الخير فعله ماهو مجحود=واله مـدة جزلـه تعمـه بسمعتهـا

جبال رست فأالارض بأمر الله المعبود=كما مارست تبقـاء تراهـا بعزتهـا

عبدالله حبيب الزراقي


ولا يا احمد الايام مابين نقص وزود=نفوس العرب شانت مع الوقت حالتها
ليا دٌقهـا نادوسهـا ثـوٌر العبـرود=عسى الله يٌكفينـا ويكفيـك طلقتهـا


احمد بن حامد الزايدي


يموت الأبنادم غصب في يومه الموعود=ودنيا التعاسه شأنت اليـوم عيشتهـا

وحبل الرجاء فاالخالق الرازق المعبـود=بقدرت الـه الكـون يبـدد تعاستهـا

عبدالله حبيب الزراقي


جميع البشر ياصاحبي تبذل المجهود=نفوس ٍ تدٌور من رضى الله جنتهـا
آحد جثته تبقى وآحد جثتـه للـدود=ويوم الحساب الناس تجزا بفعلتهـا