رسم القاعدة التي يجب تتبع

[ابوشهد2008]

من شاعر القبيلة الذي يعول علية لحمل لواء القبيلة بمفتاحة عسير؟

1_حزام العصيمي" خرج ربما مانسمعة لاصحة له وأنا أعتقد بماشاهدتة

عدم التفاعل من أبناء القبيلة بالدوادمي والدمام والرياض والخرج

بالتصويت مع بداية الحلقة الأولى لشاعر المعنى.

2_مرزوق المقاطي الشاعر الذهبي .

3_سرحان الوذيناني مستواه ضعيف جدا ولا يعول عليه بالنسبة للمنافسة.

4_رايد السواط شاعر مميز ورأيت محاورة مع سلطان بن وسام.

5_سلطان المنصوري.

6_فلاح المورقي الشاعر المؤدب والخلوق وممثل دولة الكويت وقبيلة عتيبة .
7_عايض النفيعي.

كم هائل مشارك يجب أن نتفق على قاعدة بالتصويت وأنا أقترح التصويت

للشعراء الذين يحصلون على نسبة 46% فما فوق أو التركيز على

الشعراء الذهبيون.

[ابراهيم الزراقي]

الله يعطيك العفيه ويجب الوقوف مع الشعراء المميزين الذين يثبتون تفوقهم الشعري

[/عبد العزيز الجذع/]

لابد ان نقف مع واحد او اثنين بالكثير...


لاهنت يلغالي..

تحياتي..

[الباااسل]

والله مهما تسوون ولا واحد منهخم راح يفوز باللقب



وحزام فاز بالتصويت والجمهور لكن الساحه لفوا النتيجه


يعني نصوت وندعم شاعرنا ويفوز لكن يعدلون ويبدلون بالنتيجه هذ اللي مايصير


يعني اكلين فلوسنا ومطلعينا برا



بلا تصويت بلا هم وياليت شعراءنا ينسحبون احسن

[بــــ عون ــــن]

الباسل الله يهديك بس.....

هالحين مثل ماوقفنا مع حزام لازم ناقف مع الباقين ولاحنا مفرقين بينهم

كلهم شعارنا وكلهم يرفعون الراس..

نبا ناقف مع سلطان المنصوري..

ونبا ناقف مع فلاح المورقي ...

ونبا ناقف مع مرزوق المقاطي..

ونبا ناقف مع رايد السواط ...

ونبا ناقف مع سرحان الوذيناني....

ونبا ناقف مع عايض النفيعي..

ولاحنا بمخلين احد والله يلعن ابو الريال اللي مايجملنا مع ربعنا..

ولاعلانا منهم يغشون ولا مايغشون اهم شيء مانقطع الساقة

ولا يقطع الساقة الا واحد مافيه خير.


بــــ عون ــــن

[الباااسل]

ابن عون


كل شعرائنا يستاهلون الوقفه ولو ادري ان ميقافنا معهم ينفعم والله ماجنب وانا ولد ابوي


لكن ميقافنا هذا ينفع ناصر القحطاني وشلته فقط لاغير

لان اللي يبيه القحطاني وشلته يفوز راح يفوز واللي مايبونه يفوز مايفوز جاه تصويت ولا ماجاه


يعني يضحكون علينا ويستخفون بعقولنا


وحنا عتيبه ماحنا بمضحاكه للقنوات


وياليت جميع شعراء عتيبه ينسحبون من هذا البرنامج الفاشل

[بــــ عون ــــن]

الباسل

هو اكيد الفايده للقحطاني ...سوا طلعو شعرانا الاوئل ولا التالين

لاكن زال ان شعارنا فيه ماحنا بمخلينهم

وشعارنا ماشاركو الا معتمدين على الله ثم على شعرهم وعلينا

وانت اكيد انك شفت فلاح المورقي يوم جابوه فالساحة وقال لاتخلونا...

كنه قايل تكفون ياعتيبه والله العظيم انه زايد حماسي فالتصويت لحزام...

واللي متكلم فلاح. ..

وعلى العموم هذي وجهت نظرك..

بــــ عون ــــن

[ابوشهد2008]

اشكر الاخوان جميعا على المرور,,,,

[عتيبي من عتابه]

كلهم شعارنا وكلهم يرفعون الراس..

نبا ناقف مع سلطان المنصوري..

ونبا ناقف مع فلاح المورقي ...

ونبا ناقف مع مرزوق المقاطي..

ونبا ناقف مع رايد السواط ...

ونبا ناقف مع سرحان الوذيناني....

ونبا ناقف مع عايض النفيعي..

ولاحنا بمخلين احد والله يلعن ابو الريال اللي مايجملنا مع ربعنا..

ولاعلانا منهم يغشون ولا مايغشون اهم شيء مانقطع الساقة

ولا يقطع الساقة الا واحد مافيه خير.

[بدر الكريزي]

يا اما نصوت لهم كلهم ..


يا اما نقاااااااطع التصويت ..