حزام العصيمي : تلاعب في حسابات التصويت أخرجني من شاعر المعنى والإداره تعتذر له رسميا

[نواف العصيمي]

حمدان العصيمي للوكالة: تلاعب في حسابات التصويت أخرجني من شاعر المعنى وإدارة المسابقة ترد : النتائج صحيحه وسوف نعتذر رسمياً للعصيمي


المزيد هنا
http://new.alapn.com/index.php?mod=article&cat=adab&article=3827

[ابراهيم الزراقي]

حسبي الله عليهم والله مايستاهل حزام الخروج شاعر معنى مميز

[ابن محماس العصيمي]

حسبي الله عليهم ولابد من التلاعب بس الشاعر الكفو ما له مال المشاركة في المسابقات الفاشله ..

[نواف العصيمي]

يعيطكم العافيه على المرور

[OTAIBAH]

انسحاب وسحب فلاح القرقاح وشايع العيافي

ابدا ماكان اعتباطاً


فلاح القرقاح يصرح لايف ويقول..على ارضي وبين جمهوري!!!!

ولا اعتقد انها زله ..او هفوه..

المشرف العام على الحلقه..هياف القحطاني..اضف معجب القحطاني..

المدير ..ناصر القحطاني..

المقدم ..برضو قحطاني..


وقحطنة الشعر

وتلاعب على المكشوف !! طيب حزام بيعتذرون له

لكن جمهوره متذوقي الشعر والناس للي صوتت والمتابعين من يعتذر لهم

وهل العذر كافي

سخافه ولله

والاسخف اننا باقين نصوت وندعم

فخافو لله في اموالكم

[وافي الخماش]

يعني حزام بيتأهل ولا لا !!

[/عبد العزيز الجذع/]

والله ماندري عنهم؟؟؟



لاهنت على النقل..

[عتيبي وافتخر بعتيبه]

المفروض عدم المشاركه في هذا البرنامج الفاشل لاو السكن علىاحساب الشعراء والسفر على حسابهم امحق برنامج

[مرزوق حمدان العتيبي]

..
مشاء الله تبارك الله خوش اداره !!!!!!!!!!
..
عذراً اقبح من فعل ..

[بن طامي]

..............

كلام خارج الموضوع

نواف العصيمي

[بعيدالمدى]

عزالله ظلمت حظك


حزام العصيمي

شاعر كبير/ سريع البديهه

قوى المعنى



مجيدآ للفتل والنقض

وله جمهوره الخاص .


وشهد له بذلك الشاعر الكبير/ حبيب العازمي


والشاعر الكبير/ فيصل الرياحي من اول محاوره لعبوا معه فيها



واما عن اسباب اختفائه


فهو معلم ولديه ظروف عائليه وخاصة انه ملازم لابوه في اغلب اوقاته .


وهو ليس مختفي ولولا ظروف

لرايته

ليلآ في ملعبه



اترك عنك الظلم

[الباااسل]

الخطاء كل المشاهدين شافوه وقناة الساحه قناه فاشله لاتملك آليات وكوادر تؤهلها لمثل هذه البرامج


أصلاً هي مافلحت في تصوير الحفلات



وحزام العصيمي ( حزام الهيلا ) لاتزعزع جماهريته ولاتتغير نضرة قبيلة عتيبه فيه مهما صار



شاعر كبير سبك وحبك ومعناه عميق مدفون يصعب على الكثير من الشعراء تحليله ويكفي بيته في برنام ج شاعر المعنى

البعير اللي ورى الشطين في ممشاه خله = قربوا منه المسامه وابعدوا عنه الشدادي



لكن للمعلوميه هناك عملاء لقناة الساحه يجولون في المنتديات ويحثون على التصويت ويدافعون عن قناة الساحه ويقدحون في شاعرية شعرائنا
ويهونون الامور
وقصدهم بذالك المساهمه في إنجاح البرنامج


مـــــســـــاكــــيــــــن

[عتيبي وافتخر بعتيبه]

اخوي الباسل عز الله صدقت في كلامك والمشكله يبون يقنعون الناس بنجاح القناة بالقوه لكن البرنامج فاشل والقناه فاشله والعنصريه واضحه في هذه القناه.ومن هالحين نقول لا للتصويت لهذا البرنامج ياخي ابن حوقان اعلن انسحابه والناس ترسل للقناه تعلن انسحابه والقناه تحجب رسائلهم ولو كان عند القناه مصداقيه لاعلنت انسحابه ولكنه الطمع بتصويت ربعه حتى رغم انسحابه .

[عمر الدغيلبي]

لاحووووووووول ولا قوة الا بالله :)

ابك ما شفتو شي للحين

وما خفي أعظم

مير الله يوفق ربعنا الباقين

[بن طامي]

بعيد المدى

انشالله اني ماظلمت حظي

والجماهير اغلبها شعراء ويعرفون الشاعر من الشويعر

وانت ياعصيمي لاتاخذك العاطفة--------انظر للمور بعين العقل

الرجال شهدله حبيب بسرعة ثم تراجع حين قال كنت اراهن علية ولكن السابقة تطلع بيدها

فيصل الرياحي لم يشهدله اطلاقا

[/عبد العزيز الجذع/]

..............

كلام خارج الموضوع

نواف العصيمي


ياخي توك مسجل اليوم علشان تقلل من شاعرية حزام..!!!!


امر عجيب.!!!


انت يا انك منت عتيبي وتكره عتيبة..وشعارها ..وكل شي يتعلق بعتيبة

ولا بينك وبين حزام شي وتحاول تنتقم...


ولا انك ماتعرف في شعر المحاورة شي...

[/عبد العزيز الجذع/]

ملاحظة خارج الموضوعيابن طامي انت من اي عتيبة؟؟؟

[سلطان الجـذع]

ملاحظة خارج الموضوع يابن طامي انت من اي عتيبة؟؟؟


ماهو بــ عتيبي :)

[OTAIBAH]

..............

كلام خارج الموضوع

نواف العصيمي

كلام وعلى عواهنه مالم يدلل ويعلل

اما شاعريته فيكفينا مااشاد به شعراء بحجم حبيب والزلامي وغيرهم

هات البيوت الضعيفه وبين مكامنها

اوبين من انت..لعلك النابغه الذبياني..وقولك الفصل

ولا تنسى تسحب لنا معك نسخه من برنت 34صوت او مصدرك

غيره ..كلامك ماخوذ خيره

ومايلزمنا

[العتيبي أبو تركي]

يا بن طامي لو ماسجلت أحسن بأختصار ما لك ومال المحاورة .....


حزام كبير ولا يزال كبير و أنشاء الله أنه يتجاوز ظروفه ويعلمك من هو


حزام اللي نراهن عليه وبصراحه حزام أكبر من البرنامج هذا بكثير


وأسئل عنه مستور العصيمي وعبد الله العمى وأبن عتقان وشوف


أش قالوا عنه . هذولا اللي سمعته أرآهم فيه


وترى قبل فتره في مقابله لحبيب في مجلة المختلف على ما أضن


سأله الصحفي عن حزام قال أنا راهنت عليه ولكن عنده ظروفه


ألآن تمنعه من اللعب بأستمرار ولازلت عند رآيي فيه ..


بعدين لا تألف من راسك ...........

[عتيبي مطنوخ]

الرياجيل يعطونك ادله على شاعريتة وذكروا لك شعار كبار شهدوا له
وانت ماغير تعذرب بالرجال .. المشكله انه طلع من البرنامج ولهالحين مابردت كبدك منه انا اشهد انه موجعك

[ضاامي وفااا]

كل الشكررررر والتقدير

[المراقب]

صبحكم الله بالخير ياعتيبه

تو الناس على التذمر ما شفتوا شيء

اولاً شهادة حق لابد ابديها ولو انها لاتضيف شيء ولكن ماضر حزام العصيمي خروجة بقدر ما رفع من شعبيته ولا تحتكرون الشاعر على انه عتيبي كي يزيد مستواه واداءه
الله يوفقه.

فرحنا يوم جاء برنامج وطني فتفاجأنا بانه مجرد سباق ادارة القناة ناصر القحطاني وانا والله احترم شعره فالنظم ولكن شعر المحاوره خطير لا يستطيع احد لايتقنه ويتقن تاريخه ان يدور حوله

مايدعى عبدالعزيز القحطاني جنوبي ماسمع في قبايل الجزيره غير قبائل تهامه
ولاحتى سمع بالمغتره
الف فالاسماء وقام يرقع خطأ صوب الكتابه وخطأ صوب النظر ضعيف وياليل لاتحزن

والله في خاطري كثير ودي اقوله ولكن ماودي اهل المليون يتشمتون فينا

اسمحولي ياعتيبه على هذه الكلمات

لاهنتوا

[‏ミ♡彡 العميد ミ♡彡]

فيصل الرياحي لم يشهدله اطلاقا
يابن طامي مانعلم بنيتك لأن ربك هو اللي بيحاسبك عليها
ولكن صدقني انك ما انصفت في كلامك
ولابنيته على نظره شعريه
ومقاييس صحيحه في حكمك على حزام العصيمي .
والله الذي لااله الاهو اني كنت جالس مع فيصل الرياحي
في مجلس الاخ شفق بن عبد الرحمن السريّع العازمي العتيبي
وكانت عند الرياحي امسيه في الاحساء .
ومن ضمن الاسئله اللي نشدت عنها ابو بدر .
منهم الشعراء الشباب الذين سيكون لهم شان فالمستقبل .
ذكر منهم حزام العصيمي ولم اكن اعرفه في ذلك الوقت .
هذا الكلام قبل 4 سنوات او 3 تقريباً .

اقول من خلال متابعتي لحزام في شاعر المعنى وجدت ان هذا المدح
من شاعر كبير بقامت الرياحي لم يأتي اعتباط . فقد كان حزام
هو الاميز واتسمت بيوته بقوة المعنى وجزالة المفرده .
واعتبره ظلم في شاعر المعنى والله لايوفق من ظلمه
ويبقى حزام هو حصان الرهان في ميادين المحاوره
فالايام القادمه .
بعدين تعال انت من انت ؟ ياللي صرت افهم من هالشعراء.
لاتكون بن شلاح ولا بن حويل ولا عوض الله السلمي وحنا ماندري
ههههههههههههههههه

وسلمتم .

[‏ミ♡彡 العميد ミ♡彡]

المذيع مبدع --------وتقديمة رائع ورجل حي والحي يزيدك حياة






ههههههههههههه
هالحين توني عرفت انك مخ ماشاء الله عليك .

[بن طامي]

اقول كما قال الشاعر

اليا انكسر من الفناجيل فنجال----ماعافوا اهل الكيف شرب القهاوي

[هبداني تيماء]

بن طامي جبت الطامه في كلامك
يابن طامي حدث العاقل بما يعقل اي شخص متذوق لشعر
ومستمع جيد للمحاوره يعرف قوة وشاعريت حزام اضف الي
ذالك شهادت الشعار الكبار الزلامي حبيب مستور يكفي شهادت
واحد منهم فما بالك لو اتفقو وجتمعو على شاعريت حزام
العجيب في كلامك انه خارج المنطق والعقل لا اعلم مالذي
يدور في ذهنك ومالذي تريد الوصول اليه هل هو انتقام
من الشاعر او القبيله؟؟؟؟
بن طامي ياخي العزيز كلامك يدل على انك لا تفقه في الشعر
ولا تعلم ولاكن انصحك لوجه الله انك تخاف الله فيما تقول ولا تظلم نفسك
تقبل تحياتي

[الباااسل]

يالربع ابن طامي من قناة الساحه


يبي يهون علينا خروج حزام ويقللن من شأنه


علشان نصوت في البرنااامج الفاشل

[/عبد العزيز الجذع/]

يالربع ابن طامي من قناة الساحه


يبي يهون علينا خروج حزام ويقللن من شأنه


علشان نصوت في البرنااامج الفاشل


الا يبون يقنعونا ان برنامجهم زين..!!


المشكلة انهتوه مسجل..

وهذا اكبر دليل..على اللي قلته

[/عبد العزيز الجذع/]

يابن طامي انت من اي قحطان؟؟مدري مطير؟؟

[نواف العصيمي]

يعطيكم العافيه على المرور

ويابن طامي .. أنتبه وشوي شوي على نفسك وأنا أخوك

الدعوه سهالات .. والأمور بسيطه

:) ..والله لنت رافع الرجال شبر ولا أنت الي مرخيه ..

[منصور بن فهيد]

الله يعين الاعذار مصطنعه والعلوم كثيره ..
لاهنت يانواف على الخبر وتسلم يالغالي ..

[نواف العصيمي]

يسلمكم ربي ولاهنت على المرور :)

[دوسي زهراني]

حزام شاعر مميز وابدع ولا يحتاج شهادة احد ..


والمسابقة لا تقلل من قيمته والكبير كبير ..