والقلب شال من المواجع زيادة!!!!

[ضلع سنجار]

السلام عليكم ورحمة الله وبركاته


أحييكم أعضاء هذا المنتدى وهذه مشاركتي الثاني
آمل أن تحوز على إستحسانكم




البارحة سهران ماغمضـت عيـن=والقلب شال من المواجـع زيـادة
وعقلي تخبط واختبط خابط الطين=منهو خبط بالطين وثـق قيـادة
صار يتخبط بالخطى يسار ويميـن=ماعاد يدري ويـن درب الركـادة
أو كالذي صابه من أعداه رمحيـن=بيدين قـوم(ن) حاكميـن الإبـادة
أوكالذي عايش على عيشة الديـن=أصبح طريـد البيـت والهـم زاده
أوكالذي يمشي ولا يـدري منيـن=مشراق شمسه والغروب ومعـاده
أو كالذي ذاق المراره من إثنيـن=هذا ولـد عمـه والآخـر شـداده
سبة غزال(ن) مرني كامل الزيـن=اللبس فاتـن والمعيشـة سعـادة
يمشي على مهله بخطوة سلاطين=من هيبته كلـن عطـاه السيـادة
الردف نابي والمحاجـر عناويـن=موت(ن) تلحف بالهوى في رقـادة
والعود مياس(ن) تحلى به الليـن=من وين ماهبـت نسايـم بـراده
زمة نهـوده كنهـا فاكهـة تيـن=ومتون زاهيهـا جديـل بسـواده
أبو جبين(ن) كنه الصبح ياحسين=صبح(ن) تجلى عقب ليل وسهادة
لو شافها تاجـر ويملـك ملاييـن=تربّـع بشـارع وحـط الوسـادة
لو شافها قاضي يسن القوانيـن = ضيّع قوانين العرب مـع رشـادة
ولو شافها ياخوك شيخ المصليـن=صلى صلاة العصر عشرين أعـاده
قابلتها ياحسين مـن دون تلويـن=لاحط مكيـاج(ن) ولابـس قـلادة
قابلتها في شارع إسمه فلسطيـن=قال السلام وقلـت ويـن العيـادة
قلت إرحمي يازين تكفين تكفيـن=رب الخلايق راحم(ن) في عبـادة
وأغضى وقال الرد ماهوب هاللحين=وأقفى وقلبي شـال هـم ونكـادة

[أبو نجر النفيعي]

..

الله الله يا ضلع سنجار ..

صح لسانك .. قصيده جزله ومعبره ورائعه ..

وفي انتظار جديدك المبدع ..!!

:)

أخوك

[عبدالله الجريسي]

صح لسانك.......

[/عبد العزيز الجذع/]

الله الله...


جزلة يالجزل...


صح لسانك..

تحياتي.

[ضلع سنجار]

الاخوان ابونجر النفيععي الشيخ عبدالله الجريسي
عبدالعزيز الجذع صحت ابدانكم واشكركم على الاطراء الجميل