يا مفلح أبن هديب ماجتك الاخبار

[ابومسلط]

بسم الله الرحمن الرحيم
يا مفلح أبن هديب ماجتك الاخبار = أخبار جمسن يذكرونه مناعير
جمسن جديدن مامشى عاده أصفار = أربع ميه حجم المكينه مع القير
من مصنعه تو الكفر ما بعد دار = عاد الغبار مغطين المسامير
أربع بواجي من يمين وعلى يسار = ومن قو ظغطه مخطرن يقطع السير
قيره رقم واحد وعشرين وخيار = ياخذ مداه بثالثه دون تقصير
لاداس سواقه وزودله النار = من سرعته كنه عن القاع بيطير
جمسن على قطع المسافات مابار = يصبر على جور الليالي المعاسير
هذا غرام الي نواله بمشواره = لاصار عجل ودق سلفه من عصير
مر المحطه له لزومن بها حار = عبى التوانك لين قاس المعا يير
شغل وجهز يبغي يقرب ديار = يبغي يصخر نازح البعد تصخير
من صاه ربعن تكسب المدح والكار = ويمشون في شف البكار المغاتير
شدو يبون العشب من عقب ألأمطار = زان الربيع ونزلو من وراء نقير
ضحى دبشهم ونتشر تحت ألأنظار = يرعى ربيع مخلط العشب وبخير
لقبلت صوب البيت تلقى سنا نار = نارن تواقد توكم يامسامير
لاجيت تلقى الكيف والعود يندار = عند العواصم والقبايل بها خير
هذا هوا بالي ولوصار ماصار = وانا أشهد ان البال مافيه تغيير
أرسل كلامي لمكرم الضيف والجار = كريم سبلا ما يحسب المخاسير
لمفلح أبن هديب من نسل ألأحرار = نسل الرجال الي تهد الطوابير
ضد المعادي مايهابون ألأخطار = لاصار عج ألخيل مثل المعا صير
من لابت الحمراء طويلين ألأشبار = سعد الرفيق لياحدته المقادير
وختامها صلو على سيد ألأبرار = أعداد من بشر ويعطى ألتباشير


ألشاعر/ فالح أبن عبدالرحمن آل قبضه القحطاني
موجهه الى/ مفلح أبن رجا آل هديب الهاجري