أستــغاثـه للشاعر زايد المقاطي

[رمزي المقاطي]

يالله إني طالبك يالله الوالي = بارقا" لاعسعس الليل يسريبه
ان برق والا رعد هل همالي = كل مارش المطر جاك بليبه
في مزونه للرعد فيه زلزالي = تصحي النايم زلازل هناديبه
بارقه لاهود الليل شعالي = لاسرى ساريه تقدح مناصيبه
لين يروي الارض من عقب المحالي = الجبل والنفد والقاع وشعيبه
كل وادا" منه مهما كبر سالي = يوم سالت من علاويه اداعيبه
منه عشب الروض يضرب بالامثالي = منوة اللي للسفر شاريا" جيبه
كل ماهبت به النود ميالي = مر تقبل به ومر تقفي به
تشبع الفاطر مثناه بعقالي = خشمها لاجأ الضحى فيه توميبه
كل يوما" من فضل ربنا مالي = وام صالح كل روض تغنيبه
تلعب المنكوس وتجر موالي = كل ماقامت تنكس تلاليبه
شوفة الروض الخضر تشرح البالي = شوفته مع شوفة اللي تفليبه
زين مشي الجيب برجوم وسهالي = كل مامريت مرقاب اعديبه

الشاعر زايد بن طريخم المقاطي
الغطغط

[حمود غنام المرزوقي]

صج لسان : زايد بن طريخم المقاطي

قصيدة جميلة وحزلة .

وماقصرت تقبل مروري أخي وشكراً على النقل

تحياتي.................................... لاهنت

[ابن محماس العصيمي]

صج لسانك ولاهنت ...

[/عبد العزيز الجذع/]

صح لسانه..


الف شكر على النقل.

[رمزي المقاطي]

حياااكم الله

أسعدني مروركم ولاهنتووا