حشر العتيبي
31-Dec-2003, 01:03 PM
مساااااااااااااااااااااااااكم الله بالخير....
اهدي لكم هذه القصيده للشاعر مستور المالكي......
اقرؤوها......ستكرهون التغلي والجفا وكل مايدعو للفراق.......
يامحمد غبت عنها اسبوع من باب التغلي=ودي اعرف واكتشف عن حبها لي واختبرها
يامحمد سبعة ايام عجاف ابدون خلي=شفت فيها الويل وعيوني ملازمها سهرها
سبعة ايام الكدر ماراح عني مثل ظلي=شلت كل هموم خلق الله وعايش في كدرها
رحت ادور للتسلي وين ابلقاه التسلي؟؟=اخرج من البيت والقى نفسي ابرم في قطرها
طفت شارع بيتهم ماغير مقبل به مولي=الشوارع مظلمه والقى بشارعهم سفرها
ودي اسمع ذكرها لو من عذول بالتبلي=مو مهم اللي يقوله..المهم انه ذكرها
شفت اخوها صدفه واقفى يرحب بعض كلي=بعضي الثاني همس باذني تنشد عن خبرها
قمت اهلي به وانا خايف لساني لايزلي=شفت شعره في ثيابه.قلت هذي من نثرها؟؟
وانكسف مني.تبسم لي.وناظرني بغلي=قال توي كنت بالصالون والناس اش كثرها
قلت فعلا"شفت هالصالون بالناس امتملي=والله انه يكذب الكذاب وانه من شعرها
اعرفه من ملمسه من ريحته من لونه اللي=مثل لون العود حمره من سواد يشتقرها
شلتها بالدس في جيبي وانا مااشفيت غلي=ودي استمتع بملمسها وريح من زهرها
قمت ودعته وليلتها عذابي مستغلي=طول ليلي حاضن الشعره واناجي في صورها
سبعة ايام وانا في داخلي ربط وحلي=اعزم الفيها واهون خايف اسبب ضررها
بعد سابع يوم من هم بقلبي مستحلي=اتصل بي واحد ساكت ونفسي في ضجرها
قلت الو وشفيك ساكت رد ياجعلك تعلي=كني اسمع صوت ليمونه بفمه يعتصرها
واهمست وش سهرك للحين في وقت امتتلي=قلت طيفك نعلبو جدك وضحكت من فخرها
واهمست هلحين اجي واخبرك عن دقي وجلي=قلت معقوله؟!!وقالت نار شوقي مااقتدرها
جت وهي متخفيه صبح بليل مستظلي=كنها تحسب خطاها مير يفضحها عطرها
نفحها مسك ونثر انفاسها ورد وفلي=المكان اللي تعدي منه يبقى فيه اثرها
جت تبختر ردف يتمايل وردف يستقلي=كنها ترقص على تكة خطاها من بطرها
عنجهيه صدرها تفتك بخصر مضمحلي=لاتثنت تنقسم نصين من خصر بترها
قمت ماني في شعوري كل مافيني يهلي=كنها المتفضله بانقاذ روحي من بحرها
ترتجف في قلبها خوف تولاها تولي=تنفض ايديها ويتقطع نسمها من حذرها
كلما هز الهوى الشباك واحدث فيه خلي=بسملت واتفززت تحضن يديها في صدرها
قالت انت اشفيك متغيب جفا والا تخلي؟؟=قلت لاهاذي ولاهاذي ولا حتى قدرها
مير انا كثرت جياتي وخفت انك تملي=سلهمت بعيونها عضت عنبها من قهرها
واخبطت بكفوفها صدري ودمعتها تهلي=قالت اقسم برب البيت شوفتك انتظرها
قلت اجل وش وخرك وانتي لعنواني تدلي؟؟=لايكون انه جفا؟؟قالت حشا وارخت نظرها
انت تدري عن ظروفي حط نفسك في محلي=بنت مثلي خارجه من بيت اهلها وش عذرها
لو قدرت اليوم اجي والقى عذر مقنع وحلي=مامعي في كل يوم حجه لهلي ابتكرها
جادل من نسل شيخ لايهاب ولايذلي=فاتنه واجمل بنات الكون ماتسوى ظفرها
وجه مثل الصبح يتنفس بنور مستهلي=والرموش الليل عسعس ليله محلى سمرها
طرفها في حد ذات الطرف عالم مستقلي=به نهار وليل,به بحر وسما داخل حورها
جيدها الفتان نور من زجاج مستجلي=لو لمسه ابهامها بصمته تبقى في بشرها
من شفافية جسدها والنعومه والتجلي=اي شي تشربه ينشاف نازل من نحرها
ظامها شلال دهن العود بالجيد امتدلي=الوحيد اللي جبرها تنفعل محد جبرها
صار يتمرد يعذبها تلمه ثم تلفي=ثم ترجع تلفحه ويعود مايسمع لامرها
ابتسامتها وميض البرق في نو مطلي=والشفايف كنها قوس القزح لونه غمرها
ضحكها معزوفة يطرب لها قلب يولي=وامنياتي ماجنه ترقص على نغمة وترها
ان حكت نفث من السحر الحلال ولايحلي=تستميل قلوب من يسمع كلام من دررها
لادنت مني تبعثرني على غنج ودلي=وانصهر بانفاسها واحساسي المرهف صهرها
عينها مستسلمه والرمش طايح مستذلي=طاح طيحة فارس رمحه بعد ونه كسرها
والله ان اللي ببالك يامحمد ماحصل لي=ذبت واروتني عفاف وكل مافيني شكرها
مامنعني غير طيب اصلي ولي قدر امتعلي=واللي ادهى من كذا خفت اني انزل من نظرها
قمت اودعها وانا شوقي يزيد ولا يقلي=لحظه مرت فرح ساعه وبالكود افتكرها
اوجبت غسل على عيني بدمع مسفهلي=قبل تبلغ حلمها والرشد واتمتع بصرها
بعدما عاهدتها بالله حرمت التغلي=توبه اتغلى ونار افراقها مقوى سعرها
اهدي لكم هذه القصيده للشاعر مستور المالكي......
اقرؤوها......ستكرهون التغلي والجفا وكل مايدعو للفراق.......
يامحمد غبت عنها اسبوع من باب التغلي=ودي اعرف واكتشف عن حبها لي واختبرها
يامحمد سبعة ايام عجاف ابدون خلي=شفت فيها الويل وعيوني ملازمها سهرها
سبعة ايام الكدر ماراح عني مثل ظلي=شلت كل هموم خلق الله وعايش في كدرها
رحت ادور للتسلي وين ابلقاه التسلي؟؟=اخرج من البيت والقى نفسي ابرم في قطرها
طفت شارع بيتهم ماغير مقبل به مولي=الشوارع مظلمه والقى بشارعهم سفرها
ودي اسمع ذكرها لو من عذول بالتبلي=مو مهم اللي يقوله..المهم انه ذكرها
شفت اخوها صدفه واقفى يرحب بعض كلي=بعضي الثاني همس باذني تنشد عن خبرها
قمت اهلي به وانا خايف لساني لايزلي=شفت شعره في ثيابه.قلت هذي من نثرها؟؟
وانكسف مني.تبسم لي.وناظرني بغلي=قال توي كنت بالصالون والناس اش كثرها
قلت فعلا"شفت هالصالون بالناس امتملي=والله انه يكذب الكذاب وانه من شعرها
اعرفه من ملمسه من ريحته من لونه اللي=مثل لون العود حمره من سواد يشتقرها
شلتها بالدس في جيبي وانا مااشفيت غلي=ودي استمتع بملمسها وريح من زهرها
قمت ودعته وليلتها عذابي مستغلي=طول ليلي حاضن الشعره واناجي في صورها
سبعة ايام وانا في داخلي ربط وحلي=اعزم الفيها واهون خايف اسبب ضررها
بعد سابع يوم من هم بقلبي مستحلي=اتصل بي واحد ساكت ونفسي في ضجرها
قلت الو وشفيك ساكت رد ياجعلك تعلي=كني اسمع صوت ليمونه بفمه يعتصرها
واهمست وش سهرك للحين في وقت امتتلي=قلت طيفك نعلبو جدك وضحكت من فخرها
واهمست هلحين اجي واخبرك عن دقي وجلي=قلت معقوله؟!!وقالت نار شوقي مااقتدرها
جت وهي متخفيه صبح بليل مستظلي=كنها تحسب خطاها مير يفضحها عطرها
نفحها مسك ونثر انفاسها ورد وفلي=المكان اللي تعدي منه يبقى فيه اثرها
جت تبختر ردف يتمايل وردف يستقلي=كنها ترقص على تكة خطاها من بطرها
عنجهيه صدرها تفتك بخصر مضمحلي=لاتثنت تنقسم نصين من خصر بترها
قمت ماني في شعوري كل مافيني يهلي=كنها المتفضله بانقاذ روحي من بحرها
ترتجف في قلبها خوف تولاها تولي=تنفض ايديها ويتقطع نسمها من حذرها
كلما هز الهوى الشباك واحدث فيه خلي=بسملت واتفززت تحضن يديها في صدرها
قالت انت اشفيك متغيب جفا والا تخلي؟؟=قلت لاهاذي ولاهاذي ولا حتى قدرها
مير انا كثرت جياتي وخفت انك تملي=سلهمت بعيونها عضت عنبها من قهرها
واخبطت بكفوفها صدري ودمعتها تهلي=قالت اقسم برب البيت شوفتك انتظرها
قلت اجل وش وخرك وانتي لعنواني تدلي؟؟=لايكون انه جفا؟؟قالت حشا وارخت نظرها
انت تدري عن ظروفي حط نفسك في محلي=بنت مثلي خارجه من بيت اهلها وش عذرها
لو قدرت اليوم اجي والقى عذر مقنع وحلي=مامعي في كل يوم حجه لهلي ابتكرها
جادل من نسل شيخ لايهاب ولايذلي=فاتنه واجمل بنات الكون ماتسوى ظفرها
وجه مثل الصبح يتنفس بنور مستهلي=والرموش الليل عسعس ليله محلى سمرها
طرفها في حد ذات الطرف عالم مستقلي=به نهار وليل,به بحر وسما داخل حورها
جيدها الفتان نور من زجاج مستجلي=لو لمسه ابهامها بصمته تبقى في بشرها
من شفافية جسدها والنعومه والتجلي=اي شي تشربه ينشاف نازل من نحرها
ظامها شلال دهن العود بالجيد امتدلي=الوحيد اللي جبرها تنفعل محد جبرها
صار يتمرد يعذبها تلمه ثم تلفي=ثم ترجع تلفحه ويعود مايسمع لامرها
ابتسامتها وميض البرق في نو مطلي=والشفايف كنها قوس القزح لونه غمرها
ضحكها معزوفة يطرب لها قلب يولي=وامنياتي ماجنه ترقص على نغمة وترها
ان حكت نفث من السحر الحلال ولايحلي=تستميل قلوب من يسمع كلام من دررها
لادنت مني تبعثرني على غنج ودلي=وانصهر بانفاسها واحساسي المرهف صهرها
عينها مستسلمه والرمش طايح مستذلي=طاح طيحة فارس رمحه بعد ونه كسرها
والله ان اللي ببالك يامحمد ماحصل لي=ذبت واروتني عفاف وكل مافيني شكرها
مامنعني غير طيب اصلي ولي قدر امتعلي=واللي ادهى من كذا خفت اني انزل من نظرها
قمت اودعها وانا شوقي يزيد ولا يقلي=لحظه مرت فرح ساعه وبالكود افتكرها
اوجبت غسل على عيني بدمع مسفهلي=قبل تبلغ حلمها والرشد واتمتع بصرها
بعدما عاهدتها بالله حرمت التغلي=توبه اتغلى ونار افراقها مقوى سعرها