مقــــــــــــحم الصقري العنزي

[خالدالروقي]

[


يــا الله يالمطـلـوب يـــا وال الاقـــدار
إنــت الــذي مــدات جـــودك لطـيـفـه
يــا الله يالمعـبـود عــاون هــل الـكـار
تــحــل شــطـــاتٍ عـلـيـهــم كـلـيـفــه
الـلـي مجالسـهـم بـهــا بـــن وبـهــار
ونـجــرٍ يـصــوّت للهجـافــا رجـيـفــه
مـكــارمٍ للـضـيـف أصـيــلات وكـبــار
ومفـطـحـاتٍ فـــي صـحــونٍ نـظـيـفـه
يــا مـزنـةٍ غــرّا مــن الـوسـم مـبـدار
الـلــي جـذبـنـا مـــن بـعـيــدٍ رفـيـفــه
تـومـر عـلـى كــل المفـالـي بالامـطـار
تصـبـح بـهـا خــدان ربـعــي مـريـفـه
غـب الحيـا فاحـت بهـا ريـح الازهـار
تـخـالــف الــنــوار مــثــل القـطـيـفـه
تـرعـى بـهـا قطعانـنـا ســر وجـهــار
تـرعـى زمالـيـق الـفـيـاض النظـيـفـه
قطعانـنـا يــا مــا رعــن دمـنـة الــدار
فــي ظــل مـرويـن الغـلـب والرهيـفـه
ترعى بضف الغوش بقصاف الاعمار
تقطـف زهـر مرباعـهـا مــع مصيـفـه
فـــي ضـفّــة الله ثـــم جـبــرٍ وجـبّــار
خـيّــالــةٍ يـــــوم الـمــلاقــا عـنـيـفــه
ترعى بها الوضحا مـن الـذود معطـار
غـبـوقـة الـخـطـار عــجــلٍ عـطـيـفـه
يبـنـي عليـهـا بـنـيـة الـلُّـبْـن لـجــدار
عقـب الضـعـف راحــت ردومٍ منيـفـه
مـا هـي حكايـا مسـردٍ عقـب مــا نــار
اللـي نكـس واطــراف رمـحـه نظيـفـه
إن سوهجـوا عنهـا قليلـيـن الابـصـار
مـن دونهـا نـروي السيـوف الرهيفـه
الصبـر مفتـاح الـفـرج عـنـد الاذكــار
ومـن لا صبـر تصبـح حوالـه كسيـفـه
خطـو الولـد مـثـل البليـهـي إلـيـا ثــار
زودٍ علـى حمـلـه حـمـل حـمـل أليـفـه
وخطو الولـد يقعـد علـى موتـت النـار
مــع الـعـرب يشـبـه لخـطـو الهـديـفـه
واليـا بخصتـه مـا سـوى ربـع ديـنـار
صـفـرٍ عـلـى عـــودٍ تـضـبّـه كتـيـفـه
وخطو الولد يـا مـال قصـاف الاعمـار
لا نــا فـــعٍ نـفـسـه ولا مـنــه خـيـفـه
وخطـو الولـد مثـل النـداوي إلـى طـار
صـيـده سـمـان ولا يصـيـد الضعيـفـه
حنا كما المشخص عن الصرف ما بار
بالـوزن يـرجـح والمـصـاري خفيـفـه
ألا ومـــع هـــذا لـــك الله لـنــا كــــار
عـن جارنـا مـا قــط نخـفـي الطريـفـه
حنـا نـرى فـي زلّــة الـجـار لــو بــار
نِضـحـك حـجـاجـه بالـعـلـوم اللطـيـفـه
نـرفـى خمـالـه رفـيـة الـعـش بـالـغـار
ونـودع لــه النـفـس القـويـه ضعيـفـه
ولا نبدي الخافي إلـى صـار مـا صـار
يفلـج قصيـر البـيـت لــو بــان حيـفـه
أحــدٍ عـلـى جــاره بـخـتْـري ونـــوّار
واحــدٍ عـلـى جــاره صـفــاةٍ محـيـفـه
الـجـار لا بــدّه مـقـفـي عـــن الـجــار
كــــلٍ بـجـيـرانـه يــعـــد الـوصـيـفــه
نـكـرم سـبـال الضـيـف حــقٍ وتعْـبـار
لا مــن ولــد العـفـن شـــح برغـيـفـه
لا بـدهــا تـرجــع تـواريــخ واذكــــار
وتبقـى لدسمـيـن الـشـوارب iوظيـفـه


منـــقــــــــــــــــول[/poem]

[الطلحاني]

( وتبقـى لدسمـيـن الـشـوارب iوظيـفـه )

صح لسانك ولسان قايلها
قصيده جزله

تحياتي

[/عبد العزيز الجذع/]

صح لسانه...

ولاهنت على النقل يالغالي...