سلام ردية <<<<الطارف >>>>

[الوليد الحافي]

:)


سلام ردية وانا شاعر قبيلة ومعروف =احمى مواقفها واعلّي بالفعايل شانها
لو التعب فالشعر والشعار ياووقت مخلووف =كان الركايب كل مانمسي نمس بطانها

[الوليد الحافي]

استلم

يامرحبا وانته من اهل الدار منت من الضيوف=وقت المواقف ياعميلي دونها صبيانها

والبيت الثاني :)

[فهيد الايدا المورقي]

استلم


يامرحبا وانته من اهل الدار منت من الضيوف=وقت المواقف ياعميلي دونها صبيانها

لاترجي الا خير من ربك عسي ربك يروف=كم واحدٍ فلس وروح مالزم كرعانها

[المعتصم بالله]

شاعر الحفاه صح لساااااانك

بناخي الايداء صح لساااااانك

متابع للاستفادة

[الوليد الحافي]

مدري نعشيك الجمل والا نعشيك الخروف =اهم شئ ان الكرامه يالعطاوي عانها
عطني علوم اللي وقف ماهو على قد الوقوف =يبا يعود والفضيحه في يديه عنانها

[الوليد الحافي]

يالمعتصم حيااااااااك الله

اهم شئ انك حاضر:)

[فهيد الايدا المورقي]

استلم


مكثور خيرك يالسنافي بس عينك وش تشوف=مانقلط الا فوق حايل ركزو صيوانها


انته تعرف اللي غدا راسه طعام ٍ للسيوف=هاذي حقيقه والحقيقه ثابتٍ برهانها

[الوليد الحافي]

يابناخي الايداء لو اوصفك ياكثر الووصوف =بضاعةٍ بارت ..وراعيها قفل دكانها
خله يروح الله يشيله ماعلى مثله حسووف=والمشكله فالمورقه دفوه في ميدانها

[فهيد الايدا المورقي]

استلم



بناخي الايداء تري ذيبٍ على راسك يحوف=بضاعتي فالسوق والله راجح ٍ ميزانها

لاتظلم العربان قول الحق خلك له نصوف=الله يعوق اللي غز مكه يهد اركانها

[علي فلاح العضياني]

الله الله

محاوره

رائعه



صح لسانك يا ساعر الحفاه

صح لسانك يا بناخي الايداء


تحياتي

[فهيد الايدا المورقي]

المعتصم بالله



صح بدنك

[فهيد الايدا المورقي]

علي فلاح العضياني



صح بدنك


لاهنت

[الوليد الحافي]

حنا نشوفك هكذا وانته كفيفٍ ماتشوف =اهل البلد ندري بمعزاها ونعرف ضانها
يبا يطوف ويستعي لكن مايعرف يطوف =ليته مع امه يالعطاوي واستراح وزانها

[الوليد الحافي]

بيض الله وجيهكم حضور ومشاهدين :)

[فهيد الايدا المورقي]

استلم



لابد من يومٍ تجي فيه النقط فوق الحروف=حنا هل القاله وحنا لاحتمت عمانها


جاب المصيبه فوقنا كلف على نفسه كلوف=هاذي سفينه مبحره ويديرها ربانها

[فهيد الايدا المورقي]

شاعر الحفاه صح لسانك على المحاوره الجميله


وكان لي الشرف في مجاراتك


تقبل تحيتي