نداء عـــــــــــــــــــاجل لشعار المحاورة

[العــبـيـدي القحطاني]

عد السحاب اللي تزبر بالهمايل والقنوف *** سلام تسليم الرجال اللي تعز أصحابها
الملعبة يا عتيبة الهيلا على حد السيوف *** امّا يطيـش انصابها ولا يضيع انصابهــــــا



اقرب يا ناصر ولا عبدالله والطارف سديد

[متـعـب المهيدلي]

من نجد لين اقصى العلا من نجد لاحد الهفوف = يامرحبا ترحيبة الاحباب بين احبابها
ياضيفنا هذا وطنا مثل ماعينك تشوف = نرد العدى نحب الوفا والنار من شبابها

[/عبد العزيز الجذع/]

صحت السنتكم....




تحياتي...

[محمد صالح العطاوي]

صح لسان العبيدي
وصح لسانك يامتعب

[قادح شرار]

صح لسانك يا متعب .

وحيــــاك الله يالعبيدي بين ربعك وأخوانك من قبيلة عتيبة الهيـــــلا .

[فلاح القحطاني]

صح لساانك يالعبيبدي

وإعتبرني في صفك

متابع حتى النهاية

[العــبـيـدي القحطاني]

المعذرة انقطعت لدقائق

وابك البقاء ياشاعر رحب ولا فينا ضيــوف *** مير العلوم الغانمة نبغى نصف احسابها
الوقت الاقشر ردني والقرم عيّا عالهنوف *** والطيبة يا صاحبي يا طيب رجل جابـــــها

[العــبـيـدي القحطاني]

ارررررررحبو جميع وبيض الله وجهك يا فلاح محزم مليان يا لقرم

[متـعـب المهيدلي]

هات المعاني يالعبيدي بالنقط ولا الحروف = والخيل مايجهل مواجيب العرب ركابها
احدن نذكيله جمل واحد(ن) نذكيله خروف = لين الدسم يجمد على سود اللحى واشنابها

[معجب العتيبي]

صح لسانك ياقحطاني

وهلا وغلا


صح لسانك يامتعب والصف صفك

[العــبـيـدي القحطاني]

ردو جملكم يا عتيبة والحمل جا للردوف ***يا الله تعين اللي على الوزنة تدق اثيابها
يا صاحبي من زار مكة واجب بانه يطوف *** والمشكلة فاللي يعاينها ولا صلابهـــــا

ابطيت علي يا كحيلان ويشهد الله ان عندي موعد لكن نكمل ان شاء الله في وقت لاحق حدده في ردك

وتـقبـــــــــــــــل تحــــــــــــياتي

[متـعـب المهيدلي]

ماصدقك ماصدقك لو انت رجال (ن) حلوف = حنا جملنا ماتهده حملته واتعابها
لامن غزينا خيلنا تخضع لها كل الانوف = نضرب نحور القوم عادة مانعد احسابها

[متـعـب المهيدلي]

الله يستر عليك يالقحطاني



وابد متى ماتواجدنا سوى بالمنتدى ابشر


ومواعدك ان شاء الله بطاروق يشرح الصدر


تقبل تحيااتي



ياالربع ترى كلمة احسابهااا ماسرت لن معانيها غير بقاف اخوي العبيدي وبقافي



الشكر موصول لكل من مر المتصفح جميعاااا


وبالاخص معجب .احترامي