المساعد الشخصي الرقمي

مشاهدة النسخة كاملة : معلّم الشعراء : مستور بن تركي العصيمي .


محمد العتيبي
16-May-2008, 05:05 PM
السلام عليكم ورحمة الله وبركاته :


إليكم بعض القصائد للمدرسه الشعريه ومعلّم الشعراء
الشاعر : مستور بن تركي العصيمي ..




http://t1.gstatic.com/images?q=tbn:Z-YlEWIElmu3mM:http://www.alriyadh.com/2008/01/13/img/111092.jpg



سلام منـي عـد مايطلـع النـور=واعداد ماتمطر من الغيـث غيمـه
سلام من شاعر محنـك ودكتـور=دكتور في بدع اللحـن والوسيمـه
بابور فكري يطرب امواج وبحـور=ويزفنـي بيـن البحـور الطيمـه
يابن فهد يامحكم الـراي والشـور=حكيم من روس الرجـال الحكيمـه
عبد العزيز بطيب الفعـل مذكـور=الكل يدعى لـه عسـى الله يديمـه
عد الروى يصلونه ورود وصـدور=يروي الكبود الضاميـات المحيمـه
له مع رجال المعرفه والكـرم دور=الاصل طيـب والمواقـف عظيمـه
يامير لك في مهجتي قصر معمـور=من دونكم ماشـوف للعمـر قيمـه
واخلاصنا من ماضي الوقت مخبور=مخبور من ماضي العصور القديمه
يامير انا من فعل الانـذال مقهـور=تحريفهم للقـول احسـه جريمـه
سمعت بين الاجهزه علـم منكـور=مايفعله من فيـه غيـره وشيمـه
محرفين الصدق بالكـذب والـزور=اهل الحكايـا والحقـد والنميمـه
يقلون شوفوا واسمعوا قول مستور=وهي على مـن الظلايـم ظليمـه
احلف وانا ماني على الحلف مجبور=اني لكـم مخلـص بنيـه سليمـه
ياعل من خلفك في جنـه الحـور=في جنه الفـردوس ينعـم نعيمـه











يالله يامـطـلـوب يـامـعـبـود=يامخرج الما مـن سحـاب يقـود
أنت الذي خلقت الارواح من عـدم=جعلتهـا بعـد الـعـدم بـوجـود
نطلبك فالغفـران يافـرد ياصمـد=يـوم البعـث والوعـد والماعـود
تغفر ذنـوب المسلميـن وتعينهـم=جميعهـم وأبلغـهـم المقـصـود
تعينهـم علـى عداهـم بدينـهـم=اليا حصـل فالعلـم نقـص وزود
مايستوي قول ٍ على غيـر معنـى=وقول ٍ على غيـر الفعـل منقـود
نمشي براي الله وحسـن العقيـده=في ظـل منهـو بـاذل المجهـود
محكـم كتـاب الله وسنـة نبـيـه=يسهـر لشعبـه والعبـاد ارقـود
فيصـل حكيـم فالبـر والبـحـر=من هيبته خـلا الاسـود اسجـود
حـلال ماينحـال فالليـن والقسـا=وخوانـه اللـي للعبـاد اعضـود
خالد و لي العهد عاهد على الوفـا=واوفـى بعهـد الواحـد المعبـود
اليا مدحت امدح هل المجد والثنـا=وليا زبنت ازبـن عسيـر احيـود
محمد اللي عادتـه يكسـب العـلا=عدً ليـا اشتـد الضمـا مـورود
فهـد وزيـر الداخليـه وزيرهـا=من ماعمل خلا الـدروب امهـود
وعبدالله يقود الحرس ريس الحرس=ونصر الحـرس بيـرادة المعبـود
وسلطان سلطان الجيوش وزعيمها=عنـد الملاقـا سيفنـا المـحـدود
وسلمان يسلم راعي العدل الوفـي=مايفعلـه واضـح بغيـر اشهـود
وسطام لطام العـدا قاهـر العـدا=واخـوه عبدالمحسـن المـعـدود
وفواز واحمـد باذليـن اجهودهـم=في عهدهـم راع الخطـا مـردود
ماقدمو مـن قومنـا الا خيارهـم=انوار مكـه رغـم كـل حسـود
يقـاري التاريـخ تلقـى فعولهـم=المجـد والتـاريـخ لالـسـعـود
العزوه اللي سعـد مـن يعتزيبهـم=اولاد مقـرن مزبـن المضـهـود
مني سـلام الله عليهـم جميعهـم=سلام ٍ أحلى مـن حليـب القـود
وإن جا نهار ٍ فيه عاصي ومعتدي=ربعي عتيبه بـارق ابـن سعـود
نثبـت مواقفنـا ونثبـت فعولـنـا=عنـد اشتعـال النـار والبـارود
من غير قاصر في جميع القبايـل=أهل الفعل وإن حك عـود ٍ عـود
حنا العرب واليا دعا داعي العرب=كل العرب عنـد اللـزوم جنـود
جنود للاسلام في ساحـة الوغـا=ولابيـن أرض المسلميـن حـدود
ٍو ختامها مني صلاة ٍ على النبـي=عـداد ماهبّـت هبـوب الـنـود







هذه قصيده القاها معلّم الشعراء الشاعر الكبير / مستور العصيمي
أثناء بداية النسخه الثانيه من برنامج ( قلطة الوطن ) في دولة الكويت
في تاريخ 3/4/2009م بحضور الشيخ / أحمد فهد الأحمد الصباح والشيخ / خليفة بن علي الصباح .. عدد من الشيوخ ال الصباح الكرام .



الاوله بسـم الله الرحمـن وبذكـره بديـت=واعوذ به من غفلة الدنيا ومـن شيطانهـا
في واجبي من ديرة ابن سعود لصاحبي لفيت=دعوة طويل العمر اقدرها واجـي منشانهـا
شاعر مشاعر وانتقى جزل القوافي بيت بيت=ان كان في ديوانها وان كان فـي ميدانهـا
سلام يارمز الفخر سلام ياشعـب الكويـت=تحيـتٍ يطغي بختريهـا علـى ريحانهـا
حضرت في الموعد ولا فيها غرابه يوم جيت=لقيت فيها الخير والتقديـر وسـط اوطانهـا
بالطيب والترحيب والتكريم والحـب احتفيـت=والنعم في حكامهـا والنعـم فـي سكانهـا
الدوله اللي خيرها في كـل دار وكـل بيـت=بالعز معتـزه بعـز اعـزاز عـزو شانهـا
ال صباح اهل الكفاح اللي لهم سمعه وصيت=اللي علـى قالـه وطالـه شيـدو بنيانهـا
افعالهم ما تنحصي بين العرب مهما حصيت=الله يخليهـم لهـا ويديـم عـز اركانـهـا
واللي بعدها من هجوس الصدر دورت ولقيت=نـادر دررهـا فـوق لولوهـا ومرجانهـا
تنساق لك يلي على العليا تعليـت وعليـت=لك يا خليفة بن علي واسمك على عنوانهـا
يالنادر اللي في سنام المجد للعليـا رقيـت=راعي مكارم والمراجل شيخ من شيخانهـا
وافي خصايل وان مدحتك ياخليفه ماوفيـت=اقولها صـدق وحقيقـه والحـدث برهانهـا
احيت ماوروث الجدود وفيه بالفكر اعتنيـت=اعـدت للقلطـه جزالتهـا وبـدع الحانهـا
صلو على محمد بذكـر الله وموالنـا بديـت=ومنك السموحه وان حصل تقصير في قيفانها


قصيدة وفاء وتحية وسلام مهداه إلى أخوان جوزاء ..


يالله يالله يامحصي جميع الانام = ياسايق الرزق لبنادم وهو ما درى
ياللي ترى النمل الاسود تحت جنح الضلام = يا منزلٍ في كتابك صوره ألم ترى
يالله تجبر عزانا فالشيوخ العظام = مقدم عتيبه ليا صاحوا ورد البرى
آخوان جوزاء مقديِن السرب والجهام = اهل العِطف يوم للآرواح بيع وشرى
الفعل يبقى ولو يفنى اللحم والعظام = وفعولهم تتعب الكتاب واللي قرى
شيوخ قول وفعل ماهو مجرد كلام =تقلط على الموت يوم اللاش يرجع ورى
رفيقهم يفتخر ودخيلهم ما يضام = وعدوهم من وحمهم مايذوق الكرى
عمر وفارس ومانع جعلهم للرحام = حيين بالفعل والآجساد تحت الثرى
والله يرحمك يا شجعان عال المقام = عز الله إنا فقدنا فالحياه أومرى
عسى العوض فالعيال موردين الحسام = ملاذ من حده اخصامه وعود زرى
ياما تصدوا لصعبات الامور الجسام = في عيونهم يسهل الكايد ولاينطرى
ياعبيد منى عليهم كل يوم سلام = سلام امعطرٍ بــالمسك والعنبرى
في ظل حكام نجد اللي بشرع ونظام = أضفوا على شعبهم هيبه وظل وذرى
الشاعر / مستور تركي العصيمي




اتمنى ان تنال ذائقتكم ..
...

عبدالله الجـــذع
16-May-2008, 05:13 PM
الله الله الله

صح لسآن العلم ابوتركي

قصيدتين غايه فالجمآل

لاهنت يالغالي ابومشعاآب

محبك

,’

(البرقـاوي)
16-May-2008, 05:27 PM
لاهنت على النقل

وابوتركي مايحتاج من أعلام الشعر

وصح لسانه


تقبل تحيااتي ...

محمد العتيبي
16-May-2008, 05:32 PM
الله الله الله

صح لسآن العلم ابوتركي

قصيدتين غايه فالجمآل

لاهنت يالغالي ابومشعاآب

محبك

,’





عبدالله الجذع
غاية الجمال لحظة مشاركتك يالغالي ..
شكرا جزيلا لك ..
...

محمد العتيبي
16-May-2008, 05:34 PM
لاهنت على النقل

وابوتركي مايحتاج من أعلام الشعر

وصح لسانه


تقبل تحيااتي ...






البرقاوي
اشكرك على مرورك الرائع والمميز ..
تحيتي لك ..
...

أبو صقر
17-May-2008, 01:14 PM
ابومشعاب
يعطيك العافيه
وصح لسانك ولسان مستور






تحيتي .......

/عبد العزيز الجذع/
17-May-2008, 01:14 PM
الله الله.....




صح لسانه...



الف شكر يابو مشعاب على النقل.....

محمد العتيبي
17-May-2008, 01:36 PM
ابومشعاب
يعطيك العافيه
وصح لسانك ولسان مستور






تحيتي .......




سطام روق
حضورك دائما مميز ورائع ..
شكرا لك ..
...

محمد العتيبي
17-May-2008, 02:12 PM
الله الله.....




صح لسانه...



الف شكر يابو مشعاب على النقل.....





عبدالعزيز الجذع
الشكر لك على المرور والمشاركه الرائعه ..
...

ابن محماس العصيمي
17-May-2008, 02:42 PM
يعطيك العافية ولاهنت وابو تركي شاعر معروف ...

ابو مريم
17-May-2008, 05:24 PM
درتين من درر ابوترك حفظه الله

شاعر من اكبر الشعراء في الجزيره العربيه

حفظه الله

محمد العتيبي
22-May-2008, 02:48 PM
ابومحماس العصيمي ..
لاهنت على المشاركه الرائعه يبن عاصم ..
...

نايف بن ملحق الثعلي
25-May-2008, 09:05 AM
ابو مشعاب بيض الله وجهك
ولا شك ان مستور علم من اعلام الشعر
وهو شاعر قبيله عتيبه وعسي الله يحفظ ابو تركي

محمد العتيبي
06-Apr-2009, 04:18 PM
درتين من درر ابوتركي حفظه الله

شاعر من اكبر الشعراء في الجزيره العربيه

حفظه الله


شكرا على مرورك الرائع ابو مريم ..

تحيتي
...

البريماني
07-Apr-2009, 06:17 PM
الله الله

صح لسآن العلم ابوتركي

قصيدتين غايه فالجمآل

لاهنت يالغالي ابومشعاآب

محبك

,’

محمد العتيبي
08-Apr-2009, 04:11 PM
ابو مشعاب بيض الله وجهك
ولا شك ان مستور علم من اعلام الشعر
وهو شاعر قبيله عتيبه وعسي الله يحفظ ابو تركي


مرحبا ومسهلا يابن ثعلي ..:)

شرفتني بمرورك
...

محمد العتيبي
13-Apr-2009, 10:19 PM
الله الله

صح لسآن العلم ابوتركي

قصيدتين غايه فالجمآل

لاهنت يالغالي ابومشعاآب

محبك

,’



يامرحبا الف يالغالي :)

اشكرك على المشاركه الرائعه .. والعباره القديمه والقريبه من القلب ..

تحيتي لك
...

@ـايل
13-Apr-2009, 10:31 PM
ياسلااااااام عليك يامحمد ...

وصح لسان المعلم الكبير ابو تركي...وطول الله بعمره ..

لاهنت والله يعطيك العافيه ...

.........

سلطان نايف العضياني
14-Apr-2009, 04:25 PM
مستور العصيمي

الخصم العنيد

(شاعر الصوت والمعنى)


وأتذكر محاوره له مع صياف الحربي وهي من أقوى المحاورات

صياف:

تبا تاكل العربان لكن مالك ناب**كسرها ولد حربي طوالن مشاعيبه

كتبنا لك إرسالة عرب في جناح غراب**وخيّم علاك النوم ماعاد تدريبه


مستور:


أنا ضربتي في صاحبي جالها مضراب**ضعيف الرجال اللي تغره هناديبه

معي لاتطب السوق يالتاجر النصاب**كفيف النظر والسمع ماعاد توحيبه



مشكور يامحمد

أبونواف
14-Apr-2009, 06:39 PM
صح لسان أبوتركي وأطال الله في عمره ومده الله بالصحه والعافيه
ولاهنت يا محمد وبيض الله وجهك ..

محمد العتيبي
14-Apr-2009, 08:58 PM
ياسلااااااام عليك يامحمد ...

وصح لسان المعلم الكبير ابو تركي...وطول الله بعمره ..

لاهنت والله يعطيك العافيه ...

.........


يامرحبا ياهايل
شكرا لك على المشاركه الرائعه
تحيتي
...

محمد العتيبي
14-Apr-2009, 09:01 PM
مستور العصيمي

الخصم العنيد

(شاعر الصوت والمعنى)


وأتذكر محاوره له مع صياف الحربي وهي من أقوى المحاورات

صياف:

تبا تاكل العربان لكن مالك ناب**كسرها ولد حربي طوالن مشاعيبه

كتبنا لك إرسالة عرب في جناح غراب**وخيّم علاك النوم ماعاد تدريبه


مستور:


أنا ضربتي في صاحبي جالها مضراب**ضعيف الرجال اللي تغره هناديبه

معي لاتطب السوق يالتاجر النصاب**كفيف النظر والسمع ماعاد توحيبه



مشكور يامحمد



سلطان بن نايف العضياني

دائما مشاركاتك تشجع صاحب الموضوع لوضع
مواضيع أخرى لتشارك بها ..

شكرا لمرورك الرائع
...

محمد العتيبي
14-Apr-2009, 09:03 PM
صح لسان أبوتركي وأطال الله في عمره ومده الله بالصحه والعافيه
ولاهنت يا محمد وبيض الله وجهك ..


ابو نواف

مرحبا ومسهلا يالغالي ..

تشرفت بمرورك
...