إهب ياوقتن قهرني وانا حيّ للشاعر منصور الغازي

[خلف القثامي]

شـِعـر / منصور بن شعوان الغازي الشيباني العتيبي
الشيله بأداء الشاعر / خضير الشمري
http://up203.arabsh.com/s-18833/إهب_ياوقتن.ra



إهب ياوقتن قهرني وانا حيّ
...................... ضاقت علي أكبر فيافي حزومه
أمسيّ على شين واصبح ولاشيء
...................... كنّ النكاده في حشاي معزومه
احيان احس اني مع الناس في فيء
........................ واحيان اشوف الوقت يهد سمومه
ياميّ ماجتني على الكيف يامي
........................ البعد قطع الفتى عن لزومه
احتاج لك أكبر من الزاد والميّ
........................ واشتاق لك شوق الطفل للأمومه
يالايمن قلبي على روحة دبي
......................... الله يلوم اللي مراحي يلومه
بنت النشاما تسكن بديرة الحيّ
..................... في عز ابوها عايشه ومحشومه
لعيونها باأطوي مسافاتها طي
..................... ضبي يونسني طرايف علومه
الشيخه اللي حسنها يشعل الضي
................. إسمه لحاله بس يسوى حكومه

[وافي الخماش]

مشكور يالذيب منصور شاعر وله مستقبل كبير والاروع اللحن ..

[عبدالله الجـــذع]

قصيده جميله من شاآعر جميل

صح لسان شاعرنا منصور

لاهنت يالغالي

والرآبط مو شغآل عندي

محبك

,’

[/عبد العزيز الجذع/]

صح لسانه...



بس الرابط ما اشتغل...

[خلف القثامي]

مشكور يالذيب منصور شاعر وله مستقبل كبير والاروع اللحن ..



العفو يالوافي



ولاعدمنا حضورك الدائم المميز

[خالد العصيمي]

أمسيّ على شين واصبح ولاشيء


صدق في ذي عز الله

[عبدالله العمى]

بغض النظر عن قصيدته الشاعر ذا مايستاهل

نسمعله قصيدة وحده لان انشهر عن طريق سب وشتم

بني عمه بصراحه على كثر الجمهور اللي حبوا يوسف

كرهوا الغازي ولو فيه خير ماسب عيال عمه قدام العالم

وصراحه اسلوبه يبي يشتهر بالقوة راح يقول قصيدة

لبنت صدام والغازي هذا قابلته ياجماعه بالتميمي

اللي بالعليا وجلست اسولف معه والله يااخوان من

يوم عرفته بنفسي وقلتله انا من بني عمك والله ربع ساعه جلست اسولف معه ماله موضوع الا يوسف

ومزاين الهيلا والغنامي سب وسوو فيني وفعلو ورخوم ومدري ايش واتمنى مانشوف له ولا قصيدة

[المحيــــــط]

يعطيك العافيه يا خلف القثامي على النقل المميز لشاعر مميز

كفوووو يا منصور وعز الله انك شنب

والشاعر منصور الغازي شاعر غصب عن اللي ما يرضى

واشوف كل من هب ودب جانا يهايط هنا ويقول انه شايف فلان ومسولف مع فلان

اجل شايفه بالتميمي ههههههههههههههههه

وعلى فكره حتى انا شايف وزير الماليه يزحف في التحليه ووقفته وقعدت اسولف معه

وماعنده سالفه الا وزير التجاره هههههههههه

منصور الغازي ولد عمنا وعلى عينا وراسنا وفي قلوبنا

ولو عتيبه ما تحبه كان ما استدعوه بني عمه في مناسبات كثيره

آخرتها امسيه قبل اسبوعين تقريبا هو والشاعر خالد الدعجاني والشاعر بندر المحيا والشاعر مشعل شباب في الرياض

الله يحفظك يا منصور الغازي والله لا يضرك

وشكرا لك يا خلف القثامي

[خلف القثامي]

الله يعطيكم العافيه ع الحضور المشرف


ومنصور الغازي شاعر نحترمه ونقدر شعره الجزل ومهما زل في

بعض الكلام سابقا له شعره الجزل ومكانته المرموقه

ويوسف ومنصور كلهم من رجال الهيلا والانسان يزداد غضبه في لحظات

ويتراجع بعدها


تحياتي لكم

[ابوزعبه]

لاهنت يالذيب

[هيلاوي شقاوي]

صح لسانه شاعر اثبت نفسه بغض النظر عن قصيدة رغد او خلافه مع يوسف قصائد منصور من اروع مايكون واصنفها على مستوى النخبه رغم صغر سن شاعرها

اما انت ياعبدالله العمى فالمواضيع كثيره في المنتدى ليس بالضروره ان تقحم نفسك وتتفوه بكلام سيئ ماعجبك الشاعر لا تقرأ قصائده ولا ترد على مواضيعه

[عبدالله العمى]

صح لسانه شاعر اثبت نفسه بغض النظر عن قصيدة رغد او خلافه مع يوسف قصائد منصور من اروع مايكون واصنفها على مستوى النخبه رغم صغر سن شاعرها

اما انت ياعبدالله العمى فالمواضيع كثيره في المنتدى ليس بالضروره ان تقحم نفسك وتتفوه بكلام سيئ ماعجبك الشاعر لا تقرأ قصائده ولا ترد على مواضيعه


والله يااخوك الشاعر هذا اخطا على القبيلة ككل وشكك في لجان المزاين وعلى التلفزيون


انا مابيني وبينه اي شي ولكن لازم يدري ان تصرفه خطا مهوب يخطي على يوسف وعلى اللجان المنظمه

للمزاين وحنا نصفقله ونشجعه هذا بعد خطا وهو كسب كره الكثير بسبب لقاءه على الواحه اللي هو اصلا

داخل اللقاء يبي يلفت الانتباه ويبي يشتهر على حساب ذم بني عمه


هذا وجه نظري اخوكم الفليت النفيعي

[هيلاوي شقاوي]

والله يااخوك الشاعر هذا اخطا على القبيلة ككل وشكك في لجان المزاين وعلى التلفزيون


انا مابيني وبينه اي شي ولكن لازم يدري ان تصرفه خطا مهوب يخطي على يوسف وعلى اللجان المنظمه

للمزاين وحنا نصفقله ونشجعه هذا بعد خطا وهو كسب كره الكثير بسبب لقاءه على الواحه اللي هو اصلا

داخل اللقاء يبي يلفت الانتباه ويبي يشتهر على حساب ذم بني عمه


هذا وجه نظري اخوكم الفليت النفيعي


تظل وتبقا خلافاتهم شعريه على مستوى الشعر لا دخل للقبيله فيها ومنصور مهوب من برا عتيبه حتى نصب جام غضبنا عليه والنبي عليه الصلاة والسلام يقول في حديثه الكريم ( انصر اخاك ضالما او مضلوما ) ننصره بالنصح والارشاد اذا كان ضال وليس بالتهجم عليه ومادامها حصلت ولا قدرنا نردها اذا من حق يوسف والغنامي الدفاع عن انفسهم خيرا من السكوت والاختفاء وارجو ان لايفهم كلامي بأني اقف في صف منصور لا انا لايهمني لا منصور ولا يوسف ولا غيرهم مايهمني هو المحافظه على تماسكنا كقبيله

[عبدالله العمى]

تظل وتبقا خلافاتهم شعريه على مستوى الشعر لا دخل للقبيله فيها ومنصور مهوب من برا عتيبه حتى نصب جام غضبنا عليه والنبي عليه الصلاة والسلام يقول في حديثه الكريم ( انصر اخاك ضالما او مضلوما ) ننصره بالنصح والارشاد اذا كان ضال وليس بالتهجم عليه ومادامها حصلت ولا قدرنا نردها اذا من حق يوسف والغنامي الدفاع عن انفسهم خيرا من السكوت والاختفاء وارجو ان لايفهم كلامي بأني اقف في صف منصور لا انا لايهمني لا منصور ولا يوسف ولا غيرهم مايهمني هو المحافظه على تماسكنا كقبيله

حلو اخوي انت يهمك تماسكنا كقبيلة يعني الشاذ واللي يشذ المفروض نكون ضده اما يرجع والا نكون ضده

ومنصور شذ وبدا بالهجوم ولو رد عليه يوسف او المنظمين بالمزاين كبر الموضوع وصار الفضيحه اكبر

[خلف القثامي]

وضعت القصيده لجمال ابياتها ولم تنزل لاجل التطرق مواضيع اخرى



ارجوا منكم التركيز على القصيده فقط




وشكرا ع حضوركم

[هيلاوي شقاوي]

حلو اخوي انت يهمك تماسكنا كقبيلة يعني الشاذ واللي يشذ المفروض نكون ضده اما يرجع والا نكون ضده

ومنصور شذ وبدا بالهجوم ولو رد عليه يوسف او المنظمين بالمزاين كبر الموضوع وصار الفضيحه اكبر

اخوي انت تتحدث وكأن الشاعر سب عتيبه الشاعر اتهم شاعر اخر ولم يشتمه او يشتم القبيله كافه يعني خلاف بين شاعرين كلاهما شعراء وغالين علينا الا اذا انت حاقد عليه فهذا شئ اخر ونحن هنا في المنتدى نحكم على مايقدمه الشاعر ولا نحكم على تصرفاته

[عبدالله العمى]

اخوي انت تتحدث وكأن الشاعر سب عتيبه الشاعر اتهم شاعر اخر ولم يشتمه او يشتم القبيله كافه يعني خلاف بين شاعرين كلاهما شعراء وغالين علينا الا اذا انت حاقد عليه فهذا شئ اخر ونحن هنا في المنتدى نحكم على مايقدمه الشاعر ولا نحكم على تصرفاته

اخوي انا لاحاقد ولاني متحيز ليوسف ولا لغيره ولكن تصرفه خطا كيف يشكك بشاعرية يوسف والقبيلة

كلها وقفت معه وقفة رجل يعني كل العالم ماتفهم الا منصور وكلامه غير منطقي وتصرفاته غير منطقية


ابتداء من قصيدة رغد وانتهاء بتشكيكه بيوسف وباللجنة المنظمة للمزاين

[هيلاوي شقاوي]

اخوي انا لاحاقد ولاني متحيز ليوسف ولا لغيره ولكن تصرفه خطا كيف يشكك بشاعرية يوسف والقبيلة

كلها وقفت معه وقفة رجل يعني كل العالم ماتفهم الا منصور وكلامه غير منطقي وتصرفاته غير منطقية


ابتداء من قصيدة رغد وانتهاء بتشكيكه بيوسف وباللجنة المنظمة للمزاين

مافيه شك يوسف شاعر شرف القبيله وكسب محبتهم ولاكن ليس بشخص منزه وفوق الخط الاحمر حتى لايسمح بانتقاده

واللجنه الشعريه التابعه للمزاين اقولها وبالفم المليان ليست بمستوى الحدث وغير مؤهله وضلمت شعراء كثير اكبر واهم من منصور وصدقني لا الغنامي ولا غيره يقدر يحجبهم وخلنا ساكتين احسن من يوم شفته فالحفل الختامي مسنتر قدام المكرفون وانا غاسل يدي منه كيف رئيس لجنه ويلقي قصيده ؟؟؟؟؟

اما قصيدة منصور في بنت صدام لا ارى فيها ما يدعوك للاستهجان منها فهي قصيده عاديه كغيرها من القصائد

الشاهد ان منصور ويوسف نعتز فيهم ولن نبدي شاعر على شاعر اخر واذا كان بينهم خلاف فهو خلاف بين شاعرين لا دخل للقبيله فيها

[وابل السحاب]

لا هنت أخوي

[خلف القثامي]

شكرا ع مروركم



ولاعدمت حضوركم الساطع

[اسمحلي مجنون]

هههههههه
من يقول ان الحفري منصور شااااعر

الحمدالله على النعمه هههههه ؟؟؟؟؟؟