بناخي الايداء قافيك ليلن سرمدي

[الوليد الحافي]

الليل يالمورقي والله لولع فوقك النار=وعطيك درسن معك يبقى على طول الزماني

الناس كلن يجيب بعير وانته جيت بحوار=اجرب موسمةً خدوده ويجفل مايداني

[فهيد الايدا المورقي]

شاعر الحفاه حياك الله


بس الحن وشلون بلشت في اللحن

[الوليد الحافي]

اللحن معروف لحن خلف ابن هذال الحافي

اللي يقول



سلام مني وبا مستور مبغا غير مستور=ون كان ماجيت يامستور عطنا السفينه

[فهيد الايدا المورقي]

والله اتعذرك يا شاعر الحفاه ماعرفت اللحن


ان كان تتغير اللحن جاريتك

[معجب العتيبي]

بدايه جميله من شاعر الحفاه

صح لسانك

والله مدري كيف اول لولد الايداء اللحن

ومعذور فالمحاوره سماعيه من الدرجه الاولى

وان وصل للحن غن

[عزوز الروقي]

اسمح لي ياشاعر الحفاه

وانا دون عمي بناخي الايداء

مدام ماعرف للحن خذ الرد




الليل يالحافي اللي فوق راسه سيف بتار= شبيت نارك وتشوى جوفها يامودماني
حنا رجالا لنا العليا ونوفي كل مسعار= وانته تجيب الهزيله والعرب جابت سماني

[عزوز الروقي]

كلكم

صحت ابدانكم

تحياتي

[الوليد الحافي]

مدام مالك مع اهل العرف ياعزوز مقدار =اللي يجينا بلا مقدار مايلقى مكاني
ياكثر يالمورقي فالوقت مانسمع من اخبار =وياقلها اللي عليها ياابيض الشارب ضماني

[/عبد العزيز الجذع/]

الله الله...


صحت السنتكم....

[عزوز الروقي]

مقدارنا نحمد الله عند ناس كبار وخيار=ماهيب عند الضعوف العاجزه والهيملاني
الناس تسمع باذانيها ولدت فيك الانظار=تعرف حوار التهم مهو كما الحر العماني

[الوليد الحافي]

يالربع عزوز ماسك لي عليه علوم واسرار = يرقص على السيف في عيد الضحيه ورمضاني
الطير الابرق لو انه حرك الجنحان ماطار =وانته كما الطير الابرق مالك ايأ وصف ثاني

[عزوز الروقي]

ماعندك الا الفلس مجروح جرحٍ فيه الاخطار=الله يعينك على جرحٍ مسبب لك هواني
انت طوير السمانا مامعك مخلب ومنقار=حرام واكبر حرام نحدلك حد السناني

[فهيد الايدا المورقي]

عزوز الروقي بيض الله وجهك يالذيب


وانت كفو لاهنت


والله انا كان ودي ارد بس اللحن بلشت فيه



تحيتي