عـيـد الـعـازمـي , شغّلت السيارة وسلمته الدركسون

[قادح شرار]

يا سـلامي سـلام ٍ فيـه بـاسـي شـديد === وإحـمـد الله بعد جيتك برد السلام


جبتـلك ذود كـامل وأنت سوقه يا عيد === سـوقـها لـو تـوديها لـهجـرة نعام

[عيد العازمي]

مرحبا يالمسلّم مثل فل الحديد = الحديد المكسّر ماله الا اللحام


مايجيب السمينه غير راع الرصيد = وانت منها يدينك خاليه ياغلام

[سلطان الجـذع]

الله الله

صحت الالسن والصف صفك

يا قادح شرار مجندل الشعار

[قادح شرار]

قلتلك منت عيد أظنك أنته سعيد === صَغرت القوم في عينك بذاك الوسام


يوم سلّــمتك الطُرقة نبا نستفـيد === ميـر أظنـه بـعـد هرجـتـك جاك إتـهام

[فهيد الايدا المورقي]

الله الله الله


صحت السنتكم جميع


واصلوووووووووووووووووووو

[عيد العازمي]

كان تبغى الوسام اخذه بحبك القصيد = كل نفسٍ عزيزه تفرض الاحترام


لا يردّك عن الطرقه رسايل بريد = سرها والبروق اتلوح وسط الظلام

[عيد العازمي]

الجذع هلا وغلا طيب ههههه


بناخي الايدااااااااااء صح ابدنك

[قادح شرار]

لـو بغيـت الوسـام أباخـذه مـن رشيـد === ماني بماخذ ٍ منصب ماغير بكلام


ويش رايك نبى نسري لصحراء وبيد === وإن تـوفـيت فيـها جـعلكم للرحام

[قادح شرار]

الله الله

صحت الالسن والصف صفك

يا قادح شرار مجندل الشعار


حياك الله يابو عبدالله .

أشكرك على مرورك الجميل طال عمرك .

[قادح شرار]

الله الله الله


صحت السنتكم جميع


واصلوووووووووووووووووووو


حياك الله يابناخي الأيداء .

صح بدنك .

مشكوووور على مرورك طال عمرك .

[عيد العازمي]

الزلامي عميد الشعر ماهو بعيد = ان قرا قافك المكتوب حرّم حرام


مايدوس الخطر واحد عظامه جريد = وان قدرت ابشر,, اعطيك الفشق والحزام

[عيد العازمي]

اخوي قادح عن اذنك عندي دوام بااكر



تشرفت باللعب معك

واذا رغبت نكمل لاحقاً


فأنت غالي على قلبي

[قادح شرار]

الله يستر عليك يا عيد .


كلنا ورانا مسراح من بدري ودوام .


وأنت يا طويل العمر غالي على قلبي بعد .


مع إني بديت أنوي نوايا يوم حمي الوطيس , بس يالله خيرها فغيرها يابو طلال. :d .

[معجب العتيبي]

قادح شرار
يا سـلامي سـلام ٍ فيـه بـاسـي شـديد === وإحـمـد الله بعد جيتك برد السلام


جبتـلك ذود كـامل وأنت سوقه يا عيد === سـوقـها لـو تـوديها لـهجـرة نعام


العازمي

مرحبا يالمسلّم مثل فل الحديد = الحديد المكسّر ماله الا اللحام


مايجيب السمينه غير راع الرصيد = وانت منها يدينك خاليه ياغلام


قادح شرار
قلتلك منت عيد أظنك أنته سعيد === صَغرت القوم في عينك بذاك الوسام


يوم سلّــمتك الطُرقة نبا نستفـيد === ميـر أظنـه بـعـد هرجـتـك جاك إتـهام


العازمي

كان تبغى الوسام اخذه بحبك القصيد = كل نفسٍ عزيزه تفرض الاحترام


لا يردّك عن الطرقه رسايل بريد = سرها والبروق اتلوح وسط الظلام


قادح شرار
لـو بغيـت الوسـام أباخـذه مـن رشيـد === ماني بماخذ ٍ منصب ماغير بكلام


ويش رايك نبى نسري لصحراء وبيد === وإن تـوفـيت فيـها جـعلكم للرحام


العازمي

الزلامي عميد الشعر ماهو بعيد = ان قرا قافك المكتوب حرّم حرام


مايدوس الخطر واحد عظامه جريد = وان قدرت ابشر,, اعطيك الفشق والحزام

قادح شرار والعازمي قاف رائع صحة السنتكم