تسجيل الدخول

مشاهدة النسخة كاملة : عرق شامي

فهدمتعب الجعيد
27-Dec-2003, 11:35 PM
سبحان من صور من البيض ثنتين
..........................واستذنبو في قلب للوصل ضامي
تلوه ثم نحروه ب بيض السكاكين
..........................ثم احرقوه الين اصبح حطامي
هذي سواياهم عقب نضرت العين
...........................بس البلى يوم ابتدو بالسلامي
غديت مثل اللي نحله الدهر لين
...........................عجز الجسم لا يرفعنه عظامي
وقفو قبالي مثل وقفت سلاطين
............................ثم قمت اتمتم ثم ضاع الكلامي
وكلمه لها في خاطري حول عامين
...........................عجزت لا انطقها لهم بالتمامي
لا ياوجودي وجد طفل ن مسيكين
............................ماله خوال ولا اهل او عمامي
امه غدت من عقب ما جاء بيومين
............................وابوه حكمو له حكم بالعدامي
رباه شايب من كبار الشياطين
............................كثير مال ولا يجيب له طعامي
والطفل اله دايم من اللي مطيعين
............................و يعامل الشايب بكل احترامي
هذا وجودي يوم شفت المزايين
............................ثنتين يا ماجد بهن عرق شامي

وسلامتكم الشاعر فهد متعب ثواب الجعيد
وصل العطياني؟؟؟
28-Dec-2003, 12:34 AM
حياك الله يافهد...

وإسمح لي أنسق القصيدة لتبقى :




سبحان من صور من البيض ثنتين
واستذنبو في قلب للوصل ضامي
تلوه ثم نحروه ب بيض السكاكين
ثم احرقوه الين اصبح حطامي
هذي سواياهم عقب نضرت العين
بس البلى يوم ابتدو بالسلامي
غديت مثل اللي نحله الدهر لين
ا عجز الجسم لا يرفعنه عظامي
وقفو قبالي كما وقفت سلاطين
ثم قمت اتمتم ثم ضاع الكلامي
وكلمه لها في خاطري حول عامين
عجزت لا انطقها لهم بالتمامي
الا ياوجودي وجد طفل ن مسيكين
ماله خوال ولا اهل او عمامي
امه غدت من عقب ما جاء بيومين
وابوه حكمو له حكم بالعدامي
رباه شايب قاسي ن ما يلين
كثير مال ولا يجيب له طعامي
وابرغم هذا الطفل من المطيعين
و يعامل الشايب بكل احترامي
من صغره يشيل همه على المتنين
وصابر على ما جاه من ضيم الايامي
هذا وجدي يوم شفت المزايين
ثنتين يا ماجد بهن عرق شامي





لي عودة بعد إلقاء النظر ..

كما انها ستُنقل لقصائد الأعضاء...

تحيااااتي.
وصل العطياني؟؟؟
28-Dec-2003, 12:45 AM
فهد...

كلماتك حلوة وراائعة...

وطريقة سردك للقصيدة ممتازة...


فقط هناك كم بيت إختل وزنها قليلاً..

وهي:

رباه شايـب قاسـي ن مـا iiيليـن
كثير مال ولا يجيـب لـه طعامـي
وابرغم هذا الطفل مـن iiالمطيعيـن

تحتاج تعديل بسيط...



من صغره يشيل همه على iiالمتنيـن
وصابر على ما جاه من ضيم الايامي


بالنسبه لهذا البيت فيحتاج لإعادة كاملة ..
ف( المتنين والأيام ) لاتركب على هذا البحر...



فهد...

كن على ثقة أن بإمكانك الإبحار في أعماق الإبداع..
وأعلم أن الوزن معضلة بسيطة تتلاشى مع الإستمار والممارسة...


وأتمنى لك التوفيق...





تحيااااااااتي.
فهدمتعب الجعيد
28-Dec-2003, 01:34 AM
السلا عليكم شكرا على التوجيه اخوي وصل ما رايك الان بعد التعديل
وصل العطياني؟؟؟
28-Dec-2003, 04:19 AM
وعليكم السلام..

الآن 100%


الله يوفقك...



تحيااااااتي.
فهدمتعب الجعيد
28-Dec-2003, 04:59 AM
شكرا اخوي وصل
سعود
28-Dec-2003, 11:58 PM
صح لسانك فهد . . شعرك جزل ويذكرني بالشاعر بديوي الوقداني . . حقيقه ليست مجامله . . استمر .

ماشاء الله . . وصل العطياني أبدعت في نقد القصيدة وأحيي فيك هذه الروح الطيبه .
فهدمتعب الجعيد
29-Dec-2003, 12:27 AM
صح بدنك سعود و اشكرك على الكلمات الرائعه
ابن جدعــان
29-Dec-2003, 07:05 AM
نعم صح لسانك يا فهد بن متعب.

وبيض الله وجهك على ها الروح الطيبه.

ولو قلنا مهما قلنا في وصل .لن نوفيه حقه.

بارك الله فيكم جميعا .

وبهذا المستوى نريدكم.

والى الامام يامن لا يقبل الا الامام [[[ يا ابناء الهيلا ]]].
راعي الفزعات
30-Dec-2003, 01:43 AM
وصل العطياني يعدل فالابيات000يالله دخيلك لايعدل قصيدي
عدل وبدل واشهدانه له اوقات000اقولها والله عليه شهيدي
ياوصل جاك البيت مليان فزعات000وانته عليك الرد عبر البريدي
محطتن غطت على بعض الاصوات000ارسالها ياصل حدود الصعيدي
لوحاولو التشويش هيهات هيهات000الشمس تطلع شرق علمن وكيدي
ياوصل ماتوحي حديث الاذاعات000احدن نقص فالعلم واحدن يزيدي
ماقصدنا ياوصل تقزير ساعات000اقولها والقلب والله حديدي
وختامها مني تقبل تحيات000من واحدن شعره فهمه الوليدي
الوليد=الطفل الصغير لاتروحون بعيد
ولكم جميعا مني تحيه واحترام
اخووووووووووكم راعي الفزعات
وصل العطياني؟؟؟
30-Dec-2003, 03:27 AM
هههههههههه


تلقى ترحيب ونص


حياك الله..

قصيدتك ماني معدلها;)


بس انسقها...


وصل العطياني يعدل فالابيات=يالله دخيلك لايعدل قصيدي
عدل وبدل واشهدانه له اوقات=اقولها والله عليه شهيدي
ياوصل جاك البيت مليان فزعات0=وانته عليك الرد عبر البريدي
محطتن غطت على بعض الاصوات=ارسالها ياصل حدود الصعيدي
لوحاولو التشويش هيهات هيهات=الشمس تطلع شرق علمن وكيدي
ياوصل ماتوحي حديث الاذاعات=احدن نقص فالعلم واحدن يزيدي
ماقصدنا ياوصل تقزير ساعات=اقولها والقلب والله حديدي
وختامها مني تقبل تحيات=من واحدن شعره فهمه الوليدي





والله عندي اختبار اليوم , بس خلني أتفضى لك:)




تحيااااااااااتي.