قصيده لراكان بن حثلين

[الطلحاني]

ياراكب من عندنـا فـوق شقـران
خرزهـا بالخـرج فـوق النجيـرة
اوصل سلامي لاخو نوره ببـرزان
وعقب السـلام تخبـره بالسريـرة
من باب عمان الـى بـاب نجـران
ماهو انا يالضيغمـي انـت اميـره
علـم لفانـا فيـه ليـل وفــوران
استـر قلبـي يـوم جانـا بشيـره
جا من حمود شـوق ميـاح الاردان
هو شوق من تزها الشقايق نظيـره
عضيد اخوه بصادق الفعل واحسـان
ودبو لـراس اللـي دوابـه مسيـره
فرز الوغا لاجـا ثقيـلات الاكـوان
لاسل مصقول الشبـى مـن جفيـره
خبرتني ياحمود عن طيـر حـوران
يوم علـى عـروا تكسـر عويـره
هلـت مخاييلـه بـدرج وسبهـان
ماينعـرف وردهـا مـن صديـره
تذكر محمـد جامـع نجـع عتبـان
ذخيـرة يـاخـوي والله ذخـيـره
الامر قدره الولـي عالـي الشـان
والا عتيبـة ماعليـهـم قصـيـره
كرمان وان ركبوا على الخيل فرسان
اليا اختلط عـج الرمـك بالمغيـره
سبيتنا سـب علـى غيـر برهـان
ماتستـوي هـذي لزبـن العشيـره
وحنـا بديرتنـا ولاحـن بجيـران
في شاية اللـي مايـوازى جويـره
حاميـن ديرتنـا بخيـل وفرسـان
يـوم ان كلـن لـه حـدود وديـره
من زان حنا له على الزيـن خـلان
وضو الـى حـرك تزايـد سعيـره
ماقـل دل وزبـدة الهـرج نيشـان
والهرج يكفي صاملـه عـن كثيـره

[عبدالرحمن الهيلوم]

ومن منا يجهل مجنن الترك ابن حثلين
شكرا للنقل يالغالي

[عبدالله الجـــذع]

الله يرحمه الشيخ الفآرس راكان بن حثلين

مشكور يالقميشي يالغالي

محبك

,’

[دوسي زهراني]

الف شكر يالغالي ..

[/عبد العزيز الجذع/]

بارك الله بك , شكراً أخي الكريم

[الطلحاني]

مشكووووووووووورين

ماقصرتوا

[صقـر الهيـلا]

الله يسلمــــك على النقل الجميـــــــل


تحياااتي