حزام العصيمي وزيدالعضيله

[الباااسل]

أنقل لكم محاوره جميله جمعت الشاعرين


حزام العصيمي وزيد العضيله


حزام العصيمي


أسر ياليل والدعوى رحاً تستدير = مايقف للزوم ألا رياجيلها
اسمعوا ياعتيبه واسمعوا يامطير = النشاما تكيل ولا نقص كيلها

زيد العضيله


ضف ريشك ياطير مع الخضيرا وطير = لحيةَ ترتضي بالهون ياويلها
اسمع العلم الاول ماسمعت الاخير = دلة الكيف دورتها فناجيلها

حزام العصيمي


انت ماشفت يوم الصقر حوّل مغير = الحبارى من الراعه برد حيلها
من تسمّع كلام ابليس ماشاف خير = كل ما ماتت الفتنه يغنيلها

زيد العضيله


السوالف كثيره وانت عندك كثير = خلها ترتعد ماني بباكيلها
ياحزام الرغى ماهوب مثل الهدير = من يقالب حصاة ارزاح ويشيلها

حزام العصيمي


انت في العلم الاول ماتبى لك خشير = مار الابطال ماضاعت معاديلها
مانجي للنشامى فالمقام الضغير = مار قوم ابرهه مافادها فيلها

زيد العضيله


اعشق المرجله والحظ دايم كبير = من تدوّر وراي حقوق مضحيلها
والله انى نعرف الكذب حبله قصير = والعرب مقفيه وشلون اناديلها

حزام العصيمي


انت لو كنت في دعوى العرب تستشير = كان مامدّت الشلّه درابيلها
الحموله ثقيله شلّها يابعير = واخبر مطير لا تطفي قناديلها

زيد العضيله


كان عرفي ماقدّاني فلا فيّ خير = والعرب لو تدربل ويش غاديلها

[وافي الخماش]

حزام العصيمي




انت في العلم الاول ماتبى لك خشير
مار الابطال ماضاعـت معاديلهـا
مانجي للنشامى فالمقـام الضغيـر
مار قـوم ابرهـه مافادهـا فيلهـا



زيد العضيله




اعشق المرجله والحظ دايم كبيـر
من تدوّر وراي حقوق مضحيلهـا
والله انى نعرف الكذب حبله قصير
والعرب مقفيه وشلـون اناديلهـا


مشكور يا الباسل ولا هنت ..

الله يوفق حزام ..

[/عبد العزيز الجذع/]

محاورة رائعة..


لاهنت يالباسل..

[الباااسل]

تشكر ياوااافي


والله يوفق حزااام الهيلا

[الباااسل]

تشكر ياعبدالعزيز

ويعطيك العافيه

[الفهد جاسر]

بيض الله وجهك


وعساك على القوة

والله يوفق شاعرنا حزام في شاعر المعنى


وبيض الله وجهك

[ابو شرف]

مشكور على النقل.

[الباااسل]

الفهد الجاسر

تسلم على المرور

[الصاطي,,]

مشكووور على النقل

[مدمن قلطة]

مشكوور على النقل

[الباااسل]

ابوشرف

تسلم على المرور

[الباااسل]

الصاطي


لاهنت وتشكر على المرور