خلوووووووها

[ابو بندر]

الليله اشتقت للهيلا وشعارها=سلام تسليم يرفع فوق راس العلم
اصحابنا ودنا ننشد عن اخبارها=ونشاهد الطيبه تكتب بخط القلم

[عبدالله الجـــذع]

الله يابوبندر

بدآيه رآئعه من شآعر رائـع

لاهنت وصح لسانك ولسان قبيلك

محبك
,

[عبدالله حبيٌب الزراقي]

في منتدى الهيلا الي تشرق انوارها = يامرحبا في محل ٍ زان فيه الملٌم
اخبارنا ينقلون البث في اقمارها = وافعالنا نحمد الله صدق ماهي حلم

[مدقق القوافي]

صح لسانك أبو بندر بداية شاعر متمكن

صح لسانك عبد الله الزراقي رد شاعر مبدع

واصلو تميزكم المعهود لاهنتم

[عبدالله الجريسي]

صح لسانك يا ابو بندر

[ابو بندر]

بقيت يا شاعر القلطة وبيطارها=ياشاعر سلم القالات ولها استلم
اخيل برق مزونه هلت امطاره=وللي على درب سيله ماسلم ماسلم

[ابو بندر]

الاخ عبد الله الجذع صح بدنك وشكرا لك

[ابو بندر]

الاخ مدقق القوافي صح بدنك وشكرا لمرورك

[ابو بندر]

الشيخ عبد الله الجريسي
صح الله بدنك
تواجدك شرف لنا
ودافع قوي للهيلا وشعرائها كثر الله من امثالك
وبيض الله وجهك

[فالح بن مسيب الدحيلي]

صحةالالسن وفالكم البيرق

[عبدالله حبيٌب الزراقي]

انتم رجال الشجاعه وانتم انصارها = يقولها شاعر ٍ في كلمته ماظلم
عسى مزون المخيله تسقي اشجارها = تسقي عروق النخل ولا عروق السَلم

[عبدالله حبيٌب الزراقي]

عبدالله الجذع

صح بدنك شرفت ونورت لاهنت

[عبدالله حبيٌب الزراقي]

مدقق القوافي

صح بدنك شرفت ونورت لاهنت

[عبدالله حبيٌب الزراقي]

فالح الدحيلي

صح بدنك شرفت ونورت لاهنت

[ابو بندر]

الناس تحسب لمكسبها ومخسارها=على قناة الفضىياكم نشاهد فلم
نعمين يا عزوة ما باحت اسرارها=وسيفها في نهار المعركه مانثلم

[عبدالله حبيٌب الزراقي]

بعض العرب ودٌك الله ياخذ اعمارها = وبعض العرب شوفها مثل الدوا لللألم
لو ماتت الناقه الي ترضع حوارها = ياعنٌك يعلم بها الي بالخبر ماعلم

[ابو بندر]

يا لعن ابو لابتن ماتحكم اشوارها=تغرق ليا ماج بحر الملحمه وظتلم
اللي زرع شجرة يجني من اثمارها=لا حان وقت الحصادوكل شي ولم

[عبدالله حبيٌب الزراقي]

ياليتها ماتسنٌد عقب محدارها = خل الهلايم تجي وتروح مثل الهلٌم
فالعين بين الخلاق قُل مقدارها = مثل الجنابه على الي فالمنام احتلم

[ابو بندر]

تعجبني الديره اللي تجري انهارها=سبحان من قسم الارزاق وبها علم
عروس محد من اول يلحق اخمارها=لو كان جوها من الاسياح ولا الدلم

[عبدالله حبيٌب الزراقي]

ابو بندر

صح لسانك واعتلا شانك خلاص استلمت الوقفه الاخيره شابت معاي ماعاد بقى غير التوليف والترقيع هههههه


لاهنت يالذيب وبيض الله وجهك

[ابو بندر]

الشاعر القدير
عبد الله الزراقي
صح بدنك وجهك ابيض يا النشمي وفيت ولا هفيت
كم انا سعيد بمحاورتك
تقبل تحيا ت اخوك