المعتصم بالله ..أقرب..

[احمد الزايدي]

أبـتـدي بالســلام وسـنـة نـبــتــدي بـه=لن نصـيت الرجال أثني عليهم سلامـي

كـل رجــال لايـمـكـن يـحــب الغـلـيــبـه=شرق والاجنوب وغرب وأن رحت شامي

[المعتصم بالله]

هلا يا احمد وابرك الساعات والمعذرة ما شفت طلبك الا هالحين استلم




مرحبا والمسلم واجب اني اجيبه=مرحبا بك وترحيبي بمبدا كلامي

كان عندك جديد اليوم يا احمد تجيبه=مانبالك غليبه مير شد الحزامي

[احمد الزايدي]

الله يكرمك ويسلمك يالمعتصم بالله ، وعذرك سمين.


أستلم الله لايهينك




البقا ياالعتيبي دون شك وريبه= وأنت معروف وأسمك من كبار الأسامي


عندي العد يروى ماه كامل شعيبه=ماء قـراح ويري كـل من جاه ضامي

[المعتصم بالله]

كل ما شفت من ربعي شجيع انتخي به=وانت يا احمد اشوفك صرت فارس ورامي

راعي البندقيه قوم حدد ضريبه=بيني وبينك وعطني جديد العلامي

[سلطان الجـذع]

الله الله


ثنـــــائي جميل :)

[احمد الزايدي]

أنت ياالمعتصم فارس ولاهي غريبه=مايخوض المعارك غير فارس نضامي



الـهـدف لن رميـته بأذن ربي لصـيبه= هـذا شيء مهـم أشوفـه أنا لازامي

[احمد الزايدي]

سلطان الأسطوره



الله يجمل حالك



ويكرمك



تحياتي

[المعتصم بالله]

كل طيب تشوف الناس فعله وطيبه=وانت ماصرت فارس ..باقيٍ حول عامي

شد حيلك وانا ابا اراقب اللي تجيبه=وانتبه لا تصدرهن مازالن حيامي

[المعتصم بالله]

شكراً يا الاسطورة

تحياتي

[احمد الزايدي]

اعتذر عن أتمام المحاوره لوجود ضرف طاري، وشكرا




فيك يالأجودي ميزه غريبه عجيبه=متجازى بمعروف ياهذا التهامي


والغريبه يوم أنك من قبيلة عتيبه=من قبيله لها مـجـد تليد وسامي

[المعتصم بالله]

ههههههههه

اشكرك يا احمد وانت شاعر ما فيه كلام بس حبيت نسخن الجو شوي

والشك زايل يا ولد العم ..

احترامي وتقديري

[احمد الزايدي]

احمد بن حامد الزايدي


أبتـدي بالسـلام وسنـة نبتـدي بـه=لن نصيت الرجال أثني عليهـم سلامـي

كـل رجـال لايمكـن يحـب الغليـبـه=شرق والاجنوب وغرب وأن رحت شامي

المعتصم بالله


مرحبا والمسلم واجب انـي اجيبـه=مرحبا بك وترحيبي بمبـدا كلامـي

كان عندك جديد اليوم يا احمد تجيبه=مانبالك غليبه مير شـد الحزامـي


احمد بن حامد الزايدي


البقـا ياالعتيبـي دون شك وريبـه=وأنت معروف وأسمك من كبار الأسامي

عندي العد يروى مـاه كامـل شعيبـه=ماء قراح ويري كل من جـاه ضامـي

المعتصم بالله


كل ما شفت من ربعي شجيع انتخـي بـه=وانت يا احمد اشوفك صرت فارس ورامي

راعـي البندقيـه قـوم حـدد ضريـبـه=بيني وبينـك وعطنـي جديـد العلامـي

احمد بن حامد الزايدي


أنت ياالمعتصم فارس ولاهي غريبـه=مايخوض المعارك غير فارس نضامي

الهدف لن رميته بأذن ربي لصيبـه=هذا شيء مهم أشوفه أنـا لازامـي


المعتصم بالله


كل طيب تشوف الناس فعلـه وطيبـه=وانت ماصرت فارس ..باقيٍ حول عامي

شد حيلك وانا ابا اراقب اللـي تجيبـه=وانتبه لا تصدرهـن مازالـن حيامـي



احمد بن حامد الزايدي


فيك يالأجودي ميزه غريبه عجيبه=متجازى بمعروف ياهذا التهامـي

والغريبه يوم أنك من قبيلة عتيبه=من قبيله لها مجد تليـد وسامـي