الــزلامـي والـسـنانـي (( القوة والجراءة ))

[وافي الخماش]

مــحــمــدالــســـنـــانـــي
هل الطايف عرب منهم تسلسل يوسف الحجاج**نشرله في بلاد الرافديـن ابيـات مشهـوره
رشيد الله يبـارك فيـه ماحصلهـا مخـراج**وصاحبنا دخيل مافـرق بالاصـل والصـوره
رشــــيــــدالــــزلامـــــي
طردنا يوسف الحجاج وانته تبغـي المنهـاج**بعد ساعه يبي يضحك عليك مشجـع الكـوره
تعبنا يالسناني مـا لقينـا للمريـض عـلاج **اثر بعض المرض يتعب دمرجيـه ودكتـوره
مــحـــمـــد الــســنــانــي
ترى التاريخ فيه اثبات ماهو هرجـة الهـراج **وأضنك ما دخلته غير بعد عيال اخـو نـوره
منول يالزلامي في يداك الوضع مـا يحتـاج**وهالحينه وراك تدور مستشفـى وشرشـوره
رشــــيــــدالــــزلامـــــي
ترى التاريخ واضح في زمان الفتح والمعراج**أخذنـا حقنـا وانتـم بعـد يبغالـكـم دوره
تهاوشتوا على مغراف فول وخبزتن في صاج**عجز يقنعكم الشيخ الكبير ومجلـس الشـوره
مــحــمــدالــســـنـــانـــي
كفو ياصحابنا قـدام ذاك الخـط مـا ينعـاج**وهالحينه من البحر الحمـر ينبـل حنجـوره
حضرت الهوشه الكبرى وقمت تراقب الابراج**لكن شوري عليك تخلي الاوضـاع مستـوره
رشــــيــــدالــــزلامـــــي
عسى ربي يعز الشمعه اللي نورهـا وهـاج**ويعين اللي من البحر الحمر مدلك ماصـوره
مدام البر جاك من اليمـن والتمـر بالافـلاج**لا تطمع في هذيك الصره اللي عنك مصروره
مــحــمــدالــســـنـــانـــي
نقول الله يديم اللي وجـوده فالليـال سـراج**يسدد عنك فاتـوره ويلغـي عنـك فاتـوره
تجمعتـوا ثـلاث ايـام فالطيـاره الميـراج**وكبتنها غشيـم ورحلتـه ماهـي بميسـوره
رشــــيــــدالــــزلامـــــي
على كلمتك هاذي مستحقـن نجمتيـن وتـاج**لكن تقص روس النـاس لواعطـوك دبـوره
انا والله مبيلك بين خلـق الله غثـا واحـراج**لكن انته حدى الركـاب والاحـوال مستـوره

[/عبد العزيز الجذع/]

محاورة قمة.....



لاهنت يا وافي........

[وافي الخماش]

عبدالله الجذع

شــآإكــر مرورك ولا هنت يالذيب ..

[قادح شرار]

وافي الخمااااش : مشكووووور طال عمرك .

الشعار بينهم علم خطير وكل واحد ماسك له علم على الثاني .

تسلم إيدينك يا وافي .

[@ـايل]

الله الله

صح لسان الشعار على المحاوره الطيبه

اخوي وافي الخماش الله يعطيك العافيه على المحاوره القويه

والله اعلم وش معناها هههه كهكهكه

لاهنت وقواك الله

[وافي الخماش]

قادح شرار

هايل العتيبي

لا هنتم وشــآإكــر مروركم ..

[ذيب الجهني]

مــحـــمـــد الــســنــانــي




ترى التاريخ فيه اثبات ماهو هرجـة الهـراج **وأضنك ما دخلته غير بعد عيال اخـو نـوره


محاوره قمه في الابداع . ومن وجهت نظري ابدع السناني .

[وافي الخماش]

مشكور على المرور ..

وجهة نظر واحترمها ..

[رفيق عتيبة]

بيض الله وجيهكم محاورة زينة

وانا شخصياً من محبي الشاعر رشيد الزلامي

الله يوفق الجميع

[وافي الخماش]

رفيق عتيبة

شــآإكــر مرورك ولا هنت يالقرم ..