شماليل

[/عبد العزيز الجذع/]

السلام عليكم ورحمة الله وبركاته

يكتبها: سليمان العتيبي

انا كنت.. عايش حلم.. والحلم صار أحلام =
معي كل يوم تزيد.. ويلي من أحلامي

يمر.. الزمن.. وأقول يمكن مع الأيام =

أحقق حلومي في مقاديم الأيامي

اسلي.. فؤادي بالأماني وبالأوهام =

وأعيش الخيال ولا عليه من.. أوهامي

و.. أكذب على نفسي.. وأقول الفرح قدام =

وأنا أشوف فقري صار.. خلفي وقدامي

ديوني كثيرة والتزامي عليّ الزام =

ولا أقدر أقاوم واقع الحال الإلزامي






يا اخوان الشاعر هذا من يعرفة...؟


ينشر ابيات يوميا على جريدة الرياض


ولا قد نشر في مجلة اخرى !!


ولا يطلع في امسيات ليه؟؟



هل جريدة الرياض محتكرته؟؟؟

[/عبد العزيز الجذع/]

عفوا هذي القصيدة كاملة..





انا كنت.. عايش حلم.. والحلم صار أحلام =
معي كل يوم تزيد.. ويلي من أحلامي =

يمر.. الزمن.. وأقول يمكن مع الأيام =

أحقق حلومي في مقاديم الأيامي =

اسلي.. فؤادي بالأماني وبالأوهام =

وأعيش الخيال ولا عليه من.. أوهامي =

و.. أكذب على نفسي.. وأقول الفرح قدام=

وأنا أشوف فقري صار.. خلفي وقدامي =

ديوني كثيرة والتزامي عليّ الزام =

ولا أقدر أقاوم واقع الحال الإلزامي=

[وافي الخماش]

والله انك صـدق بس شعرهـ شكله من شعر الحداثة ..
هـــآإذي قصيدة لـه اعجبتني ..



شبابنا.. في.. اغلبه=

يعيش نوع من الفراغ=

ما هوب قادر يشغله=

الا بفراغ في فراغ=

يا يدور.. ف الشارع.. بلا=

هدف معين مستساغ=

والاّ.. سهر... حتى يجي=

للشمس ف... الكون انبزاغ=

والاّ... طلع شاعر غلط=

يمسس أطراف الشماغ=

والاّ جمعها.. كلها=

يعني فراغٍ في فراغ=


لا هنت تقبل مروري ..

[عبدالله الجـــذع]

هذآآ الشآعر سليمآن العضيآني العتيبي

شآعر كآن له حضور في آجتمأع قبيله العضيآن في أيآم المزآين
وألقى قصيده جميله ولكن لاتحضرني

محبك

,’

[محمد العتيبي]

تسلم ياالغالي ..
وربما انه لا يرغب في الظهور لوسائل الاعلام ..
...

[/عبد العزيز الجذع/]

مشكووورين على الردود...

[عمر الدغيلبي]

صح لسانه

ولاهنت على القصيدة

ومثل ما قال ابو مشعاب

قد لا يرغب الظهور الإعلامي

ويكفيه قراء جريدة الرياض

[محب الهيلا]

يعطيك العافية

[/عبد العزيز الجذع/]

لاهنتوا على الردود...