صحيح وجه الفقر طبه رجوع الفقر

[رفيع المنزل]

راع القصر بعد ماخلوه يبني قصر= ترسل له الناس مايقرا مكاتيبها
صحيح وجه الفقر طبه رجوع الفقر= اليا اغتنى تكثر النعمه عذاريبها

[سلطان الجـذع]

الحمد لله وحده والثناء والشكر =أهل المناصيب ماسكةٍ مناصيبها
مادمت فوق الثرى !! فاللي بسطح القمر =وش لون يسمع طروقك يامغني بها

[/عبد العزيز الجذع/]

رفيع المنزل..

سلطان الجذع..


صحت السنتكم..

[سلطان شلاح الغنامي]

الحمد لله وحده والثناء والشكر =أهل المناصيب ماسكةٍ مناصيبها
مادمت فوق الثرى !! فاللي بسطح القمر =وش لون يسمع طروقك يامغني بها



صح لسانك ياسلطان رد وافي وشافي


متابع


تقبل تحياتي

ابن عمك / سلطان الغنامي

[عيد العازمي]

رفيع المنزل..

سلطان الجذع..


صحت السنتكم..



متااااااااااااااااابع

[سلطان الجـذع]

,,

عبدالعزيز الجذع ,,هلا وغلا
شرفت يالغالي

,,

[سلطان الجـذع]

,,


سلطان الغنامي ..شرفتنا بوجودك
يالذيب


,,

[سلطان الجـذع]

,,



العازمي يامرحبا تراحيب المطر ،،
منور الهيلا ..



,,

[رفيع المنزل]

من كان يقرا سطر وشلون يترك سطر= ليت البعارين تقدر تكتشف عيبها
ياتالي الوقت مدري وش بقا ماظهر=كل ٍ يقول الدعاوي معه ترتيبها

[رفيع المنزل]

عبدالعزيز الجذع والعازمي
والجميع نورتو الصفحة

[سلطان الجـذع]

يحداك حب التجارة لو رصيدك صفر =مدري متى السارحه للريف تضوي بها
واللي يحسب لك يقول ان إلك تاسع شهر =بكره لياليك تصفي لك مشاريبها

[قادح شرار]

الحمد لله وحده والثناء والشكر =أهل المناصيب ماسكةٍ مناصيبها
مادمت فوق الثرى !! فاللي بسطح القمر =وش لون يسمع طروقك يامغني بها


الله الله , لله درّك يالجذع .

صح لسانك ورد جميل .

[قادح شرار]

من كان يقرا سطر وشلون يترك سطر= ليت البعارين تقدر تكتشف عيبها
ياتالي الوقت مدري وش بقا ماظهر=كل ٍ يقول الدعاوي معه ترتيبها


يا سلااااام يا سلاااااااام . كلامك كبير .


صح لسانك , واصل واصل .

[رفيع المنزل]

موتي قهر ياقلوب الحقد موتي قهر= كل ٍ يدسم يمينه من مكاسيبها
واللي عطاه الولي وش له بجود البشر=يجنب الناس مخطيها مع مصيبها

[رفيع المنزل]

يا سلااااام يا سلاااااااام . كلامك كبير .


صح لسانك , واصل واصل .



صح بدنك ياقادح شرار

مرورك يشرفني

[فهيد الايدا المورقي]

الله الله الله


صحت السنتكم جميع


وانا في صف سلطان الجذع

الليل الليل الليل


العبوووووووووووووووو

[سلطان الجـذع]

لو قاصر الظل تحسدبه غصون العشر=لاتامن سليم تعذر في مشاعيبها
الدمع لو يبعث المدفون وسط القبر=عليك دمعة عيوني يمكن اصخي بها

[راعي البلهـا]

لو قاصر الظل تحسدبه غصون العشر
لاتامن سليم تعـذر فـي مشاعيبهـا



الليــــــــــــــــــــــــــــــــــــــــــــل

واقافيـــــــــــــــــــــــــــــــــه برق ورعــــــــــــــــــــــــــــــد

[حمد بن جوباح]

.
..

عز الله القاف الجزل انشهد

صحت ألسنتكم

والصف صف الأسطورة ولا يهون ابن وايل

متابع

:)

.
.
.




















تحياتي لكمـ ،،

[سلطان الجـذع]

,,,



راعي البلها ..شرفتنا بحضوركـ
يالذيب .




,,,

[سلطان الجـذع]

,,,



بن جوباح ..صح بدنك ووجودك يعني
لي الشئ الكثير:)




,,,

[عبدالله الجـــذع]

الله اكبر

رفيع المنزل + الأسطوره

قاف رائع جدا

عليك دمعتي يمكن اصخي بها

الله اكبر يالاسطوره

لاهنتم

محبكم

,

[رفيع المنزل]

لو كل من صاح للغيمه تكن المطر= تذهب علوم الحيا ماعاد نوحي بها
ماقول للي عيونه قاصرات النظر= لاحظ هاك الرايه اللي في مراقيبها

[فهد صقر الغنامي]

صح لسانك ياسلطان في صفـــــــــــــــــــــكـــــــ



ولاهان رفيع المنزل

[سلطان الجـذع]

ان قلت هذي ثمان أليا جزاها عشر =طبق شروط الصلاة اللي تصلي بها
تقولها من عسر ماقلتها من يسر =مااطيبك يوم البيوت تعرف تركيبها

[سلطان الجـذع]

,,,




عبدالله الجذع:) . لاتحرمنا من
هالحضور المميز :)



,,,

[سلطان الجـذع]

,,,



فهد الغنامي ..حضورك شرف
لايضاهى ,,اشكرك جزيل
الشكر .



,,,

[مرزوق حمدان العتيبي]

تقولها من عسر ماقلتها من يسـر
مااطيبك يوم البيوت تعرف تركيبها

الله الله يالاسطوره .... صح لسانك ..
وصح لسان رفيع المنزل ..
..

[رفيع المنزل]

الجمله اللي تقول لمبتداها خبر= دور مدرس يوضح لك تراكيبها
ربعك عطوك الفخر يكفيك هذا الفخر=اقضب عصاتك وجود في مقاضيبها

[سلطان الجـذع]

والله ماعاد نبغى فيك غير الاجر =خطام سمحه تلوى في عراقبيها
عليك خايف تعيش الدهر بين الحفر =انت الجبال الطويلة ماتعدي بها

[سلطان الجـذع]

,,,



مرزوق يامرحبا ترحيبة البدو بالسيل:)
شرفتنا بحضورك المهم .




,,,

[رفيع المنزل]

سلم على اللي ضحك لك ياطويل العمر= صرت بمكانه عظيمه ماانت هاقي بها
لو بالبضايع فوايد يوم راحت مصر= مارجعوها هل الصنف لمعازيبها

[صلف الروقي]

رفيـــع المـــنــزل اللــه يــرفــع مــنــزالك وصـح لســانك,,,,,


ســلــطــان الــجــذع صح لســـان ولاهــنــت عــلى الابــداع

الدمع لو يبعث المدفون وسط القبـر
عليك دمعة عيوني يمكن اصخي بهـا


للــه دركـــ عــلى هــالبيـــت الــجــزل للــه دركــ اســطــوره
.
.
.
مــع تحيــاتي لــكمـ صــلف الــروقيـــ,,,,

[سلطان الجـذع]

يمديك تأخذ من الواقع دروس وعبر =ترى اللحا طيبها من حـــظ أشنابيها
ماصايبك يالبنـــادم غير سهم القدر =واهل الهــــناديب ماتترك هناديبها

[سلطان الجـذع]

,,,



صلف الروقي ..بيض الله وجهكـ يالذيب
وجود هو المكسب ..



,,,

[رفيع المنزل]

مغنيني الرب طال الهرج والا قصر= يوم الاسامي تكبر قدر اصاحيبها
من بعد ماثار فيك الشك هاك العذر=جعل الليالي تفيدك من تجاريبها

[سلطان الجـذع]

اليا فقدت البصيرة مانفعك البصر =تمرك الصبح وانته ماانت دراي بها
ماعاد عندك خبر لكن دربك خضر =طيور شلوى سرت بك في مخاليبها








صح لسانك يارفيع المنزل
والى لقاء في حلقات قادمه:)

[عيد العازمي]

طيور شلوى سرت بك في مخاليبها


الله الله

حكم وقول وفعل


تعال فيه طااروق ياسلطان ابتدا

[رفيع المنزل]

لاصار ماانته بسباح تغوص البحر = لاشفت الامواج ياخي قول مالي بها
شلفا ابن غانم بعد ماركزت بالنحر= الضحك ماهو بمبري لك مصاويبها


وصح لسانك انت واشكر المتابعين ولو انهم كلهم معك

والى اللقاء

[فالح بن مسيب الدحيلي]

واصلووووووووووووووووو الصفوف يا راجيل