نسمح بالانتقاد الهادف ولانسمح بالتجريح في احد

[ابن مشيب]

بسم الله الرحمن الرحيم

السلام عليكم ورحمة الله وبركاته

اولاً: نقول حظ اوفر للشاعر/ سلطان الجلاوي.

وثانياً: نقول مبروك للشاعر/ سعيد الحبابي.


وثالثاً: اتمنى من جميع الاخوان , ان يبدوا وجهات نظرهم , بتقييم اللجنة للشعراء ونتيجة التصويت , بوجهات نظر محايدة , بعيدة عن التجريح باحد , او التهجم على فلان وعلان , وليس بجديد علينا ماحصل في مثل هذه المسابقات , فشاعر المليون وماحصل فيه لم يمضي عليه سواء اسابيع , ولا نملك سواء ان نقول الله يوفق الجميع.




تحياتي

[اخو شطنى]

بيض الله وجهك يابن مشيب وهذا مهيب غريبتن عليك

مير ان تعرف القهر والحميه وتعرف انا نكن لابو صااااهد كل الحب والاحترام وان شاء الله تكون خيره للشاعر الحبوب سهم عتيبه
سلطان الجلاوي

[/عبد العزيز الجذع/]

اخوي ابن مشيب..

وقف التصويت وشلون تبانا نقوله ..؟


نقوله ياحلو ولا يا شاطر؟

[عبدالله الجـــذع]

مشكور يابن مشيب يالغالي


والله يوفق ابوصاهد وهي خيره له بأذن الله

محبك
,’,

[ابن مشيب]

القهر في انتهاك اعرض المسلمين واحتلال بلدانهم , اما المسابقات والتنافس تكون بين الاخوة , يدخلون التنافس اخوة ويخرجون اخوة , ومع ذلك لم نمنع الانتقاد في تقييم اللجنة ونتيجة التصويت , ولكن باسلوب واعي بعيد عن التشنج والتعرض لاحد

[ابن مشيب]

عزيزي عبدالعزيز , تقييم اللجنة في نظري ونظر الكثيرين , هو مربط الفرس , اما التصويت وما ادرك مالتصويت فماحصل ليوسف العصيمي والفراعنة يبين ماهو التصويت , الان مربط الفرس في تقييم اللجنة

[عبدالله بن دبيس العتيبي]

كلام جميل ياخوي ابن مشيب و الف شكر على المشاعر الرائعة


حظ اوفر لسهمنا سلطان الجلاوي

والف مبروك لسعيد الحبابي



وفي النهاية هي مسابقات شعرية لايهما بناء شاعر بقدر مايهمها المال الناتج عن التصويت

و ارجوا من الاخوان يوفرون اشوي من الزعل لان المسابقات سوف تزداد والقادم راح يزعلهم اكثر واكثر واللبيب اللي يشاهد ويستمتع بالشعر فقط لا غير ولايهمة من يتاهل ومن لا يتاهل


وتقبلوا تحياتي

[ابن مشيب]

الله لايهينك ياعبدالله , وتعلمنا من مسابقة شاعر المليون الكثير


تحياتي

[خلف العتيبي]

القهر في انتهاك اعرض المسلمين واحتلال بلدانهم , اما المسابقات والتنافس تكون بين الاخوة , يدخلون التنافس اخوة ويخرجون اخوة , ومع ذلك لم نمنع الانتقاد في تقييم اللجنة ونتيجة التصويت , ولكن باسلوب واعي بعيد عن التشنج والتعرض لاحد


لازياده بعد هذا الكلام..

كلنا أبناء وطن واحد وبالتأكيد نتمنى لأبناء عمومتنا كل التوفيق في كل محفل..


لاهنت يا ابن مشيب..

[ابن مشيب]

ولا انت ياخلف

[عبدالرحمن الهيلوم]

القهر في انتهاك اعرض المسلمين واحتلال بلدانهم , اما المسابقات والتنافس تكون بين الاخوة , يدخلون التنافس اخوة ويخرجون اخوة , ومع ذلك لم نمنع الانتقاد في تقييم اللجنة ونتيجة التصويت , ولكن باسلوب واعي بعيد عن التشنج والتعرض لاحد





لافض فووووووووووووووووووووووك يالذيب

[سفيرشيبان]

يااخوان اصلا الحبابي مفارقه الشعر والله هو اللي بدى


بالمديح وحنا قحطان وحنا سوينا وفعلنا المفروض

ان سلطان مايجاريه في المهزله هذه

[محمد فيحان العصيمي]

مشكور يا الغالي

[(بن حادي)]

الجلاوي ابدع سواء تأهل او ما تأهل

[ابن مشيب]

الله لايهينكم جميع , وعسى ان يكون في الامر خير للجلاوي وجماهيره



تحياتي

[فيصل المسعودي]

هلابك يالغالي

الجلاوي أحد شعراء عتيبة الشباب البارزين على الساحة

وماحصل في قلطة الوطن لا ينقص منه فهو يبقى شاعر ونتمنى له التوفيق والإبداع في مسيرته الشعرية

لكن المؤسف بالحال يالغالي

أنه الشعر بشكل عام أصبح سلعة راائجه الكل يتكلم بها كيفما أراد

سوااء كانوا فاهمين فيه أم لا

وفي النهايه في مخيلتي بيت لفيصل الرياحي يقول:


قضيـة الشعـر بيـن اثنـيـن محسـومـه=الشـاعـر المطـلـع والـنـاقـد الـواعــي

فمتى وجد هالعنصران رجع الشعر الحقيقي بكل معاييره وقيمه

تقبل تحياتي يالغالي

أخوك

فيصل النفيعي

[محمد العتيبي]

خروج الجلاوي خروج الجلاوي خروج الجلاوي ..
مازهقتوا ؟؟!!

غيره من شعراء القلطه لهم ثقلهم لم يحالفهم الحظ وخرجوا من المسابقه
وقدر الله وما شاء فعل ..

الجلاوي مهوب اول واحد طلع من المسابقه ولاهو اخر واحد ..
لين تصفى المسابقه على شاعر واحد فقط ..

شوفوا لنا موضوع آخر نتناقش به :)

تحيتي للجميع ..
...

[بارود عازمي]

لاهنت يا ابن مشيب كلااام العقل

[نواف العصيمي]

:) أرقى تحيه .. من خلف الشاشه لك ولسمو فكرك ..

[ابو سعود الجذع]

مشكور يابن مشيب يالغالي


والله يوفق ابوصاهد وهي خيره له بأذن الله

[ابن مشيب]

لاشكر على واجب , والله لايهينكم

تحياتي

[ربوع نجد]

سلمت يداك على الابداع

[عبدالله حبيٌب الزراقي]

بغض النظر عن المسابقة لي ملاحظه لسهمنا العزيز سلطان الجلاوي


سلطان الجلاوي شاعر ولكن يحتاج لتغير اسلوبه في المحاورات سلطان تركيزه فقط للبحث عن صفقات وهتفات الجماهير ويفوته كثير من المعاني والامور المهمه في المحاوره تقريباا في كل محاورة يجرٌ خصمه او يبحث عن اي شيء ليذكر اسم القبيله ليكي يهتف له الجمهور ويصفق

اعلام عتابه الشعراء هل سمعناهم بهذا الاسلوب مطلق الثبيتي حبيب العازمي مستور العصيمي رشيد الزلامي .. نادرا يستخدمون هذا الاسلوب الا اذا جبرهم الخصم وليس من اول مره

الجلاوي يملك مقومات الشاعر الناجح لكن يحتاج لتوجيه وهذا ماينقص في حقه ولا يعيب فيه وهو شاعر نفتخر فيه ولا نقول هذا الكلام الا حبا وتقديرا له

[حصادالغربه]

ياخواان والله من البدايه انا عن نفسي ماودي ان سلطان تعجل ودخل في المسابقه..سلطان لازال ينقصه الكثيرفي فن المحاوره..معظم محاورته سطحيه..لم ترقى لمعنى المحاوره الحقيقيه..واذا استمرسلطان على هذا المنوال سوف يكتب نهايته بيده...الشاعرالذي لايتطورولايستفيد من محاورته مع الشعارالكبارسوف يبقى محلك راوح..
انا اتمنى ان سلطان يصل بسرعه للقمه..لكن التمني غيروالواقع غير..نحن اذا طبلنا لشعرائنا...لن يستفيدوا يجب ان ننقدهم ونعلمهم ماهم عليه..!!
سلطان يجب عليه البعد عن شتم القبائل والتنقيص من حقهم..يجب عليه ايضا معرفة كيف يختارمعانيه وكذلك كيف يقوم بتغطيتها بحيث لاتكون مكشوفه للجميع..ايضا يبتعد عن ((حنا فعلنا وحنا كنا..)) خلاص هذه اموراكل الدهروشرب عليها ..عموما نتمنى له التوفيق وان يتعلم من اخطائه والله الموفق