سهل بن عقاب الكسر

[الفااارس]

السلام عليكم جميعا



مساكم الله بالخير....




هذي واحدة من روائع الشاعر الكبير سهل بن عقاب الكسر...



هات القلم واكتب من الشعر مدروس
يرتاح بالي يوم اردد لحونـــــه

ياعقاب سولنا من البن محموس
برية ياعقاب يعجبك لونــــــــــه

من سوق صنعاء نشتري البن بفلوس
يوم ان تجار الذهب يكنزونــــــه

منابفلاليح لنا زرع وغروس
يرعابنا شول طوال متونـــــــــــه

نرعابها الدار المطرف من الدوس
دار(ن) خلا واهل الغنم مايجونــه

يامل قلب(ن) فيه هجس وهاجوس
كثرت هواجيسه وكثرت شطونـــه

تال العشي عديت فالرجم ابالفوس
اشوف شي(ن) يقصر الشوف دونه

شفت الحميمة منه والضلع ابو روس
رجم(ن) تقول المزن بسطة ردونه

ياما بداله من قوانيص وعسوس
وشول(ن) هله يم الخطر يدفعونه

لباسة(ن) للدرع والجوخ والطوس
وسيوف هند(ن) للقا يعتبونـــــه

كم فرقوا حوله من الخيل كردوس
واصبح خلا ماكنهم يدهلونــــــه

[عبدالرحمن الهيلوم]

صح السانه والسانك يالغالي

[الفااارس]

صح بدنك يالعزيز...


مشكور على مرورك الكريم

[عبدالله الجـــذع]

الله الله الله

جميله جدا جدا

لاهنت يالفآرس ووصح لسان شاعرنا الجميل سهل

لاتحرمنا جديدك وجديده

محبك

,

[فهد النفيعي]

صح لسان الشاعر ومشكور على النقل

[/عبد العزيز الجذع/]

صح لسانه..

وبيض الله وجهك..





تحياتي..

[الفااارس]

مشكوريــــــــــــــــــــــــــــن على المرور



يستاهل الكسر

[كامل الذوق]

صح لسانه وما قصرت

[عنتر زمانة]

الله الله


تال العشي عديت فالرجم ابالفوس = (اشوف شي(ن) يقصر الشوف دونه)

مشكور

[الناااايف]

صح لسانك يالفارس وصح لسان ابو نايف

[الفااارس]

صح بدنكم اخواني



لكن يالنايف حبيت انوه ان الشاعر سهل بن عقاب الكسر (ابو حاتم ) هو عم الشاعر سهل بن نايف ( ابو نواف )...اللي تقصده...


شكرا على مروركم

[الناااايف]

صح بدنكم اخواني



لكن يالنايف حبيت انوه ان الشاعر سهل بن عقاب الكسر (ابو حاتم ) هو عم الشاعر سهل بن نايف ( ابو نواف )...اللي تقصده...


شكرا على مروركم
اشكرك يالفارس على التنويه وجزاك الله خيرأ وكلهم يستاهلون كل علم غانم وانت من ضمنهم وحياك الله اخأ عزيزأ...............

[فالح بن مسيب الدحيلي]

شكرن على الموضو عالجيد