سلام رديه جديده

[سند العتيبي]

من دون تحديد


سلام رديه جديده ما دخل فيها ردا=تشمل جميع الحاضرين من العرب والا العجم
لا والله الا جاكم النمر السريع اليا عدا=محدٍ يرده من طريقه نعنبوا جده هجم

[مرجح الميزان]

يامرحبا بك يالمسلم ..مار وش هذا الندا.؟!=انته بدار مومنه ما انته بدار أهل الصنم
اليا عدا وليا قعد ثنتينها ماله جدا=شكره على اللي بالحزام اللي يسده محتزم

[احمد الملاح]

الله الله

شعار من العيار الثقيل

واصلوا واصلوا

[مرجح الميزان]

مرحبا يالملاح

[سند العتيبي]

دام البقا واهل التهور لجوا مع اول صدا=وان كان ما تقرا كتاب الله تحملت الاثم
لا والله الا معثيٍ بكبارها قدم الجدا=وانته تعاين بالعيون اللي عسى ما تنلطم

[سند العتيبي]

حياك الله يا مرجح الميزان واللعب معك يشرفنا

احمد الملاح ما عليك زود

[مرجح الميزان]

أثرك صدى وأنا أحسب انك من بعيدين المدى=احسب حساب الكلمه اللي خطها راس القلم
أنته تطمع بالعشا وأنته من حساب الغدا=وان قلت لي أحلف قسم.. ماني بقايل لك قسم..!

[مرجح الميزان]

البقا والله يابن العم والشرف لي

[محمد الزهراني]

الله الله

ياسلام ياسلام

قاف عنيف

صحت السنتكم استمرو ونحن متابعين للمتعه

[النشاب]

الله الله



طاروق وشعار من الوزن والعيار الثقيل



واصلوا ياشعار

[مرجح الميزان]

الزهراني والنشاب مرحبا مليون


وحي هالمتابعه

[سند العتيبي]

بعض العلوم انسجها ما همنا راحت سدا=وبعض العلوم انردها في حلق راعيها سهم
اسوقها للمقبله واغني الحون الحدا=من عقب ما جونا الرجال اللي يصونون الذمم

[سند العتيبي]

محمد الزهراني

النشاب

اهلا وسهلا

[مرجح الميزان]

ماهي غريبه لو يجينا من طرفكم منقدا=أهل الاباعر ما يعاندها ياكود أهل الغنم
ان كان جوكم يالعتيبي لا تطب المسجدا=صل الصلاه فمرقدك والصبح سلم واستلم

[سند العتيبي]

من مد نص الكف .. انكيل له كيل العدا=هذي عوايد ربعي اللي طيبهم طيب الشيم
اقول لك هرجه تسمّعها ..تراها لك هدا !!=الاربعه ما سدتك لازم نتمّمها تمم ؟!

[احمد الملاح]

الله الله متابع لنهايه الطاوق واصلو واصلو

[مرجح الميزان]

:)


ربعي وربعك كلبوهم فالمواقف ..مبتدا=لو الشجيع اللي عيونه شوفها دايم قدم
الأربعه لو انها من فعلكم قلنا فدا=مار الدعيع خابرينه حارس ..ألا فالقدم

[مرجح الميزان]

سند تشرفت بمجاراتك والأخير عندك وتصبح على خير

[سند العتيبي]

صح لسانك

ما عليك زود

وتصبح على الف خير