لي ثلاث اشهور والمعاني علي قلبي وبالي

[هداج تيما]

ياسلام الله سلام(ن) جايبه والوضع هادي=يارجال(ن) طيبها معروف في كل الليالي
من يرد اللي ينادي من يواجه من ينادي=لي ثلاث اشهور والمعنى علي قلبي وبالي

[هداج تيما]

ياعتيبه في احد يرد

[النشاب]

ياسلام الله سلام(ن) جايبه والوضع هادي=يارجال(ن) طيبها معروف في كل الليالي
من يرد اللي ينادي من يواجه من ينادي=لي ثلاث اشهور والمعنى علي قلبي وبالي


ياهلا يامرحبا ترحيب ماهوب اعتيادي = فيك ياهداج والهداج هو قرم العيالي
من يدقق بالبياض ومن يدقق بالسوادي = ساعةٍ يصرف جينة وساعةٍ يصرف ريالي

[معجب العتيبي]

صح لسانك

ولسان النشاب


واصلوا ومتابعين

[سلطان بن ثعلي]

هداج تيما صح لسانك

النشاب صح لسانك

الله الله

ياسلام ياسلام عليكم طاروق كايف وجزل ولااروع منه

واصلواا واصلواا ليكمل الابداع ويحلواا السمر

وزهلوا الصفوف والليل الليل ياشعار المنتدى



ولكم تحياتي وتقديري

[النشاب]

معجب والله ودي انك ماعدلت ردك كنت ابنسحب حيث ردك جميل جداً



سلطان ثعلي لاهنت على مرورك يالغالي وياهلابك ومرحبا

[هداج تيما]

والبقا بشاعر اللي يتعبر شاعر قيادي=وانت في الميدان و ليله طرلي ماطرلي
ياعميلي قبل مانسري معك والليال بادي=اعرف ان المشترا ياصحبي فالسوق غالي


اسمحولي تراء الكتابه ماش وصلحولي الله لايهينكم


يامرحبا بالجميع

[النشاب]

وش طرالك ياعميل الخير يوم الله هادي = بعد ماجالك مجال وبعد ماجالي مجالي
ماتبعنا اهل الدوادي والزلايب والنوادي = وان نزلنا السوق نشري جزلها من حر مالي

[هداج تيما]

صح السانك طال عمرك ولاهنت


استذانك لاني عندي شغال


اسمح يالامير

[النشاب]

الله يستر عليك


وصح بدنك ولسانك

[المحيط الأطلسي]

المحيط الاطلسي راعي الفاطر يمسي على الجميع بالخير وبصف هداج تيما ولايهون النشاب