ضع اجمل بيت لــ شعراء منتديات الهيلا ...الجميع يشارك

[فهد صقر الغنامي]

في البدايه صبحكم الله بالخير جميعاا


بعد مروري على كثير من محاورات ابناء قبيلتي عتيـــــــبه الهيـــــــلا
شدتني بعض البيوت اللتي بقيت في مخيلتي وسوف تبقا مدى الحياه

وطرى علي طاري ورددت باعلى صـــــــــوت


سلام الله سلام(ن) مابدعته لجل قيل وقال = على سلم الرجال اللي تعد الحق وتقوله
بيوت(ن) تمحي وبيوت تنحت في العقول امثال = وعلوم(ن) تنهجس وعلوم لاماهيب معقوله


فقلت من حقنا كمتذوقين للشعر وشعراء ان نقدم لهؤلا النخبه من ابناء القبيله باقه من الورود .........ولكن كيف تصل ؟؟؟؟؟؟؟

فليس امامنا الا هذا المنتدى الشامخ للتواصل

وفكرت كثيراا ولم اجد الا طريقه واحده يمكن لنا ان نجعل هؤلا الشعراء لايمكن نسيهم ابدااا


فوضعت مسابقه ...كل شخص متابع للشعر يكتب اجمل بيت وليس محاوره اجمل بيت قيل في المحاوره

ارجو من الاداره تثبيت الموضوع للفائده وشكرااا

[إدارة الموقع]

اولا نشكرك يافهد على اهتمامك وفكرتك الرائده
ولقد تم التعديل على العنوان حيث ان المسابقات تخصص اداري
او تنسيق مسبق مع احد مشرفي القسم .
الحقيقه موضوع جميل والتثبيت نتركه للمشرفين
ولك صادق مودتنا .

[فهد صقر الغنامي]

بسم الله انا اول المشاركين


في الحقيقه فيه بيوت كثيره ابي اكتبها بس الحقيقه اللي شد انتباهي هي البيوت هذي

الاول للشاعر / مقعد الدغيلبي مع عبدالله الحربي ( ولله دره مقعد )


يالحروب اصحابنا كل(ن) مسوي له فتوه = مابقا الا تطمعون بورثت بخيت العطاوي

الثاني للشاعر / الحر النادر مع سلطان الجذع ( وهي محاوره ناريه )


غشوك وانته تحسبنك مثل ابن غانم ذياب = ولبسوك الجوخه اللي منكبك ماعتادها

الثالث للشاعر / الحر النادر مع رفيع المنزل

سلام تسليمة محبه كنها بنت الامير = اما نفعها خدها ولا نفعها جدهاالرابع للشاعر / غالب غازي مع سعود العصيمي ( وكانت من اروع المحاورات اللتي استمتعت بها )


ياسعود لاجيتك تحيزم طال عمرك بالحزام = والعلم واضح يالعصيمي مايبيله ترجمه


وسلامتكم

[فهد صقر الغنامي]

نشكر الحكومه اللي مرت من فوق وكاتبين بالاخضر

الله يحيها ويعزها


ويخليهم ذخر لها المنتدى


<<<<<<<<< خايف :eek:

[مجندل الشعار]

كثير كثيرة اللي مثل كذا يالغنامي

ولكن اقرب شئ بين علي العضياني والجذع

اختار منها


علي العضياني
يا ربعنا اللي تسبّبتوا لكم في موت رجّـال=حسبي عليكم وراكم تقطعونه مـن وليفـه


سلطان الجذع
انا ادري انك يابن ثعلي علاك من الله ظلال=والله مانجمع الدوتي مـع ثيـاب القطيفـه




علي العضياني
انت متغيّر على شانك ما حصلت لك مدخـال=و لا لقيت اسمك امس العصر في عرض الصحيفه
الله يسقي ديارك يالجـذع مـن كـلّ همّـال=ادعي لكم بالحيـا و الخيـر و النيّـه نظيفـه

سلطان الجذع

راع الصحيفه خبيث وريس التحرير دجال=وعمك لميدانها من زمله يقود الضعيفـه
ماهقوتي حيلة المحتال تمشي فوق محتال=لاعاد يمي تسوق شعيل وحموله خفيفـه

[قادح شرار]

معجب العتيبي :

بندقك جودها وحذرا لايطيش ابها العيار === مادامها في يدك ياسلطـان لاتسريبهـا


سلطان الجذع :

ليا تأكـد حجزنـا بأوكيـه ماهـو بإنتظـار === كل الدعاوي ياوسيع المعرفـه تـدري بهـا


وجميع شعراء المنتدى كفو ولهم أبيات ومحاورات جميلة . ولكن موضوع هالمحاورة أعجبني . وأعجبتني هاالبيتين .


مشكوووور يا الغنّامي على الفكرة .

[الوليد الحافي]

الحر النادر

ليا سألتك لاتزيد.... ولاتنقـص فالجـواب=مانيب ذاخـر فاللـوازم همتـي وجهادهـا
من جمع خمس الاصابع فوق منقوش النصاب=من جرد البيض الخفيفه من بطـون غمادهـا

سلطان الجذع

سير ركابك لاتبركهـا علـى روس الحـراب=وألبس نهار العيد من بين اللبـوس جدادهـا
اعرف شليويح العطاوي واعرف زريب وحباب=اللي يوردها على الجمـه عـرف ميرداهـا

الحر النادر

خلك سوات الذيب لاتصبح فريسـه للذيـاب=(دوك) الجنازه (دوك) بين اكفانها والحادهـا
قالولك انت الفارس اللي فالمعارك مايهاب=ولبسوك الجوخه اللي منكبك ما (اعتادها)

سلطان الجذع

ياللي تشيلون الجنازه من (عبيده ) (للحباب )=وش بعد موت ام الكباير عن سنه ميلادها ؟؟
لبست ثوب العز وانته وش لقيت من الثياب=ماغير وزرة حضرميٍ ..من ذمار بلادهـا

[بعيدالمدى]

الحر النادر=

دام البقا والعلـم خلـه سـر لاتجهـر جهـر=الدلو يجذبهـا الرشـا والسانيـه ترجـع ورى

سعود العصيمي=
حسب الفروض فروض نجهرها وفرضآ سرسر=ماعندنا الا ياوسيـع العـرف مـردود البـرا


الحر النادر=
ياعمنـا ياعمنـا ماعـاد لـك حـس وخـبـر=حنا نتلمس لك عـذر لـو كـان تعلنهـا زرى
اللي حصل شي(ن) كبير وكسر ساق(ن) ماجبر=وجدي وجدك مات وانا وانت بالورث خشـرى

سعود العصيمي=

اللي يدورنا يحصلنـا علـى سطـح القمـر=الراس في سطح القمر والعرق في جوف الثرا
حنا بخير وعافيـه مامـن خـلاف ولاخطـر=واللي يخصك مايخص سعود والسـاري سـرا

[فهد صقر الغنامي]

اشكر جميع من مرو وشاركونا


وصح لسان شعراء الهيلا جميعااا




واتمنى من قلبي ان تتبنى الاداره فكرة انشاء ديوان لشعراء الهيلا


ودمتم

[وحي العقل]

انحاز كثيراً لقوة البدع والنقض:)


سعود العصيمي


تبا تنيا وتتعب وانت ماخلصت من دينك=وانا لاجيت جيت بحجتي واسنادها معها
خذيت الاوله واللي بعدها كاحل عينـك=وحنا ماقطعنا الساقه اللي جيت قاطعهـا



سلطان الجذع


اشوفه يالعصيمي زايدٍ فالشعر تمكينك=أخبرك مثل هذي من ضميرك ماتطلعها
زمانٍ فات يوم الحرب قايم بيني وبينك=اثلث فوق قلتك الكوايا... ثم اربعهـا

[سلطان شلاح الغنامي]

ناصر المرشدي مع معجب العتيبي


ياكثر الاخطا وياكبر المشاريه ...ياناس كيف الخوي ينسى خويه
لولى الغلا والوفا ماقلت لك ليه ... ياكبر زلتك يامعجب عليه

وكل المحاورات فيها الخير



سلطان الغنـــــامي