حنا الحروب اهل الفخر ياعتيبه الطايلات

[ذيب الحربي]

السلام عليكم ورحمة الله وبركاته يشرفني ان اكون عضو بهذا المنتدى الراقي باعضائه وادارته الكرام وهذي اول مصافحه لي



سلام تسليم نقوله بالسنين الاولات=واليوم تحدانا الضروف اللي محد يقوالها

حنا الحروب اهل الفخر ياعتيبه الطايلات=مير اكثر الشعار انا اللي شاربن فنجالها

[خوي السعد]

وعليكم السلام عليكم ورحمة الله وبركاته


يامرحبا ياللي تسلم بالبيوت البينات = ياحرب ياللي كل حربي يفتخر بافعالها
حنا عتابه كاسبين الطيب في كل الجهات = والملعبه معروف منهو عمها ياخالها

[المرشـ ساطي ـدي]

وعليكم السلام ورحمة الله وبركاته ويامرحبا يالحربي نيابه عن ربعي الهيلا ويشرفنا انضمامك للمنتدى

صح لسانك ياساطي وتسلم على ترحيبك وردك الجزل
ولكن سبقك ابن عمك خوي السعد

الاداره

[غازي غالب]

ذيب الحربي

حللت اهلاً ووطئت سهلاً

يامرحبا تراحيب المطر ياذيب وابرك الساعات انضمامك

وصح لسانك ملايين ..



خوي السعد

وخوي الجزاله اي والله ..

صح لسانك حتى ترضى يامبدع..

وبيض الله وجهك ..


متااااااابع لكم

[خوي السعد]

انت راع الجزاله ياغازي بيض الله وجهك يالقرم.

[المعتصم بالله]

والملعبة معروف منهو عمها يا خالها

الله الله عن عشرة بيوت هالشطر ياخوي السعد صح لسانك

الحربي وستين نعم بحرب

وصح الله لساااااااااانك


متابع

[ذيب الحربي]

دام البقاء ياللي ترحب والدعاوي هينات=الاوله في فالها والثانيه تبرالها

انتم عتيبه نعم ماهو خوف والا مجاملات=والملعبه مهره تلاعبني وانا خيالها

[مرزوق حمدان العتيبي]

...
.

حنا الحروب اهل الفخر ياعتيبه الطايلات
مير اكثر الشعار انا اللي شاربن فنجالها



وعليكم السلام .. ياذيب الحربي

الله عليك ونعم فيك وفي لابتك كفو ...
نقول الله يحييك بين اخوانك
....

[مرزوق حمدان العتيبي]

حنا عتابه كاسبين الطيب في كل الجهات
والملعبه معروف منهو عمهـا ياخالهـا
.

الله عليك ياخوي السعد انشهد انك كفو ...
...

[ذيب الحربي]

اخواني الاعزاء المرشـ ساطي ـدي غازي غالب المعتصم بالله

صحت ابدانكم والله يبقيكم ويطول عماركم على العز والطاعه وماعليكم زود يالهيلا

[ذيب الحربي]

استاذي العزيز مرزوق حمدان العتيبي ماعليك انت وعزوتك زود والله يبقيك ويطول عمرك يالغالي

[خوي السعد]

سجل عليك ملاحظه لكن مابه مشكلات = الكلمه اللي قلتها ياصاحبي يبغالها
الشعر موروث العرب عبر السنين الماضيات = ياراعي المهره ترى مهرتك معي عقالها

[المرشـ ساطي ـدي]

العذر يا خوي السعد

ماشفت ردك لعلني كنت اسجل ردي

على العموم تسد اللزوم

وصحت السنتكم

[خوي السعد]

اشكر الجميع واشكر شكر خاص الاداره وساطي المرشدي
والحال من بعضه .

[خالد المقاطي]

ياحرب ياللي كل حربي يفتخر بافعالهـا






الله الله .. ياخوي الجنب ابداااااااع غير مستغرب حي والله هالراس اللي من زمان ماتشاديت معه :)



>> يمزح




صح اللسانك ياذيب حرب اسم على مسمى وكل حرب ذيابه






ارق تحيه

[ذيب الحربي]

هذي عليك مسجله يالقرم واللي فات فات=فتح عيونك للعلوم المقبله واصخالها

الشعر ماهو بهرجه ومهايطه ومجاملات=تموت منته حولها ولا مسكت حبالها

[ذيب الحربي]

اخوي خالد المقاطي صح بدنك ولا عليكم زود ياعتيبه وبيض الله وجهك على التواجد

[خوي السعد]

ابعيركم ياحرب مات ولابقي له باقيات = وش لون يالحاشي تبا تقدر تصد اجمالها
اصبر علي افهمك فن البيوت المعجزات = ياللي تباها بالعلوم ولاكتبت اجزالها

[خوي السعد]

حياك الله ياخوي السعد ياخالد المقاطي
ماعليك زود وان شالله نعيد الكره ههههههههههه

[الحر النادر]

صحت السنتكم جميعاا

واهلاا فيك ذيب الحربي



وصح لسان خوي السعد

متابع

[خوي السعد]

صح بدنك يالحر النادر

[خلف العتيبي]

ذيب الحربي مشاء الله عليك مبدع وحياك بين أخوانك وربعك..

خوي السعد صح لسانك..

[ذيب الحربي]

ابعيرنا خلا جمالك يالعتيبي راغيات=وانا تركت القوم وهي بحالتن يرثالها


ان طعت شوري فستتر وارتاح في كم العبات=وان كان ماطاوعت انا نقاضها فتالها

[ذيب الحربي]

يالربع انا عندي شغل بعد اذنكم وانشالله ما اطول

[كامل الذوق]

صح لسانك والله يعطيك الف عافيه

[عبدالله الحربي]

صح لسانك يا ابن العم ذيب




ولسان خوي السعد

[سعود العصيمي]

حنا الحروب اهل الفخر ياعتيبه الطايلات
مير اكثر الشعار انا اللي شاربن فنجالها
صح لسانك ياذيب الحربي



حنا عتابه كاسبين الطيب في كل الجهات
والملعبه معروف منهو عمهـا ياخالهـا

حنا عتابه كاسبين الطيب في كل الجهات
والملعبه معروف منهو عمهـا ياخالهـا

حنا عتابه كاسبين الطيب في كل الجهات
والملعبه معروف منهو عمهـا ياخالهـا

خوي السعد


انا اشهد انك خوي السعد على اسمك


صح لسانك واعتلا شأنك


رد اروع من رائع



واصلواااا

[خوي السعد]

الله هو العالم ولانلحقك يالميت شمات = اما انت ياللي حالتك فال الله ولا فالها
قام الحريبي يتفخ اذروبه بدون مناسبات= وان قالها الله نكبته في لحيته يشتالها

[خوي السعد]

بيض الله وجه من حضر وجمل بدون تحديد .

[مرزوق حمدان العتيبي]

..
..
.

ذيب الحربي ... وخوي السعد ..
وللابداع بقيه ... طاروق جزل ويستحق المتابعه ..
لاهنتوا ...

[محمد سعيد القحطاني]

خوي السعد 000 صح اللسانك اولا هنت

ذيب الحربي 00 صح اللسانك وبدايه تنبئ بشاعر قوي




انطعت شوري فستتر وارتاح في كم العبات
وان كان ماطاوعـت انـا نقاضهـا فتالهـا

[ذيب الحربي]

ههههههههه استلم لاهنت


من بعد ماغاب القمر شفنا النجوم المرقبات=غترتك طارت مايثبتها عليك اعقالها


وين الدلال اللي منول لطراقي جاهزات=بعض العرب قامت تحفر اقبورها باعمالها

[ذيب الحربي]

الله يبيض وجيهكم على المتابعه وعلى مروركم العطر والمشرف والراقي

جميعا بدون ذكر اسماء كلكم غالين تقبلوا شكري واحترامي

[خوي السعد]

ياللي تصوت بالعشا جتك الجمال امحملات = وانا ترى سلعتك ناولت الثمن دلالها
الموت وصلك وانت اخبرك ماتمنا الا الحياة = من كثر حبي للحروب ارفق على جهالها

[قادح شرار]

يا سلاااااااااااااااام يا سلاااااام .

صح لسانك يا خوي السعد .

ذيب الحربي : يا مرحبابك أسفرت وأنورت بين أخوانك وحياك الله .

وصح لسانك ومنت بهيّن يالذيب .

[ذيب الحربي]

انا جمالي سالمه وانته جمالك باركات=يرضع نياقك كل يوم عيال غيرعيالها

الموت من خوفه عيونك يالعتيبي ماتبات=معنا المفاتيح ومعاك انته جميع اقفالها

[خوي السعد]

خلووووووووووووووووووووووووووووها


انا نياقي دونها حدب السيوف المرهفات = وانته نياقك حافظين الوانها واشكالها
اهب ياهذا الحريبي بالردى فيه انفلات = مايغتني لو كل خلق الله عطته اموالها

[مرزوق حمدان العتيبي]

...
.

الاخوان ذيب الحربي وخوي السعد اشهد بالله
انكم شعار كبار ومعانيكم جزله .... ولكن فيه امور يجب الترفع عنها
وهي من شروط هذا القسم امل الاطلاع عليها.

http://otaibah.net/m/showthread.php?t=29134
والله لايهينكم ... واعذرونا على المداخله ....

[ذيب الحربي]

انياقك اللي كل ليله بالشعيب منوخات=ورا عتيبه ماتحفظ نياقها باحلالها

مادام بيتك فاتحه لاهل السيوف الساطيات=تحمل الضيفان واخذ جنيها وريالها

[ذيب الحربي]

...
.

الاخوان ذيب الحربي وخوي السعد اشهد بالله
انكم شعار كبار ومعانيكم جزله .... ولكن فيه امور يجب الترفع عنها
وهي من شروط هذا القسم امل الاطلاع عليها.

http://otaibah.net/m/showthread.php?t=29134
والله لايهينكم ... واعذرونا على المداخله ....


استاذي العزيز مرزوق حمدان العتيبي الجزل انت ومداخلتك يالوافي

واعذرونا على القصور وترا الدعوى مزوح ماتعدى هالمنتدى

تقبل شكري واحترامي

[خوي السعد]

هيييييييييييييييييييييييييه

اقول خل الكعكبه ماعاد فيه مداهانات = من يوم شلت اخفافها باقي تشيل اثقالها
اشقوق ثوبك خيطها الي فوق ظهرك بينات = من بعد ماشقت ثيابك حالتك يرثالها

[خوي السعد]

الاستاذ مرزوق حمدان العتيبي انت والقوانين على العين والراس
وانا وزميلي ذيب الحربي شعار اصدورنا وساع ولا بينا الا العلوم الغانمه
صح لسانه ويسمح لنا كان حصل شي من التجاوز وهو مسموح .
هو بدا وانا ختمت
والسلام عليكم .

[سلطان بن ثعلي]

ذيب الحربي

خوي السعد


صحت الالسن وبيض الله وجيهكم ((ولايهونون المتواجدين)) كفيتواا وفيتواا

ومشكورن على الطاروق الكايف والجزل

الذي اشعلتواا به المنتدى هذا المساء

ولكم تحياتي

[خوي السعد]

صح بدنك يابن ثعلي ونفتخر بشهادتك.