الدعوه عامه لكافة قبيلة عتيبه

[ع ا م]

السلام عليكم ورحمة الله وبركاته


نيابه عن سعود بن سعد بن مفلح الزبلوقي الشيباني وابنائه يسرني


دعوتكم جميعاً لحضور الحفل المقيم في قاعة درة المملكه

على طريق جابر بحضور كلاً من شعراء النظم :

الشاعر : عبدالله السميري

الشاعر : يوسف العصيمي

الشاعر : نايف بن عرويل

ويحييه ايضاَ كلاً من شعار المحاورهـ

الشاعر : سلطان الجلاوي

الشاعر : فلااح المورقي

الشاعر : حمد الشياني

الشاعر : حمدان العصيمي

ومناسبة الحفل هي دعم لشاعرنا وسهمنا

سلطان بن صاهد الجلاوي لمسابقته في شاعر

القلطه ....

[الـذيب]

يستاهل سهم عتيبه ونعم بالداعي وبك بس ماقلت لنا ياخوك متى اليوم والوقت .

[محمد العتيبي]

عساكم على القوه ياعتابه ..
ومتى الحفل ؟؟

[عبدالله هادي ناشي الفليت.]

وين الحفــل بأي ديرررره

[البريماني]

والصحيح انا برقا عتيبه في الشده ماتترك روقها

كفوو ياعتابه وين الحفل يالنشمي نبي نجي ولنا الشرف

[ع ا م]

صحيح آآسف بعدم ذكر اليوم والتاريخ

الحفل في يوم الثلاثاء ليلة الاربعاء

الموافق 23/4/1429 هـ

وماعليكم زود بنيابه عن اصحاب الحفل

والله يحييكم اصغيركم وكبيركم ....

[طارق النفيعي]

متى الحفل ووين بالظبط !!

شاكرين ماقدمت

أخوك / طارق النفيعي

[ع ا م]

اخوي طارق تم ذكر التاريخ وموقع الحفل

في الصفحه اعلاهـ يمكنك مراجعة الردود

وتقبل فائق تقديري واحترامي .

[طارق النفيعي]

أيه صح صدقت ..

معليش بس يمكن ردي جاء في نفس وقت ردك ..

طيب معليش مره آخرة قاعة الدرة ذي وينها فيه !!

في الرياض !! وأي حيء ؟ وإلا على طريق ويش ؟؟

وشاكرين ولاهنت يالغالي

[مستشار القبيلة]

مشكور على الخبر الطيب

بالتوفيق للجميع

[منصور بن فهيد]

ونعم والله بالزبالقه وبيض الله وجيهم ..
ويستاهل ابو صاهد ..

[المزركش]

كفوووووووووووو كفوووووووووووووو


يستاهل السهم

[الكنق]

كفــــــو هذي الوقفـــــات

بيض الله وجيهكــم

الليله اول الحضــور بأذن الله

[أبو مرحبا]

بالتوفيق للشاعر سلطان الجلاوي (سهم عتيبه)


لاهنت طال عمرك

[ع ا م]

الله يحييكم جميعاً وهذي اسعد الاوقات يالربع

مع اني ماني من اهل الحفل لكن هاذي دعوه

عامه واي عتيبي يعزم في محل الزبالقه

والقاعه في الرياض - طريق الشيخ جابر ( الفحص الدوري )

اسمها درة المملكه

[/عبد العزيز الجذع/]

مشكوووور على الخبر ..

[واحد من جماهير الجلاوي]

كفوووووووووووووالله ياعيال عمي
والله أ ني أحب سلطان من قلب ولو أشوفه الحب علي راسه
يستاهل ابوصاهد