ســلامــي والمــعانــي زبدةٍ في جــوف خـضـاضــه [الأرشيف] - الهيـــــــــــــلا *** منتدى قبيلة عتيبة

صنيتان قرداحي

19-Dec-2003, 02:57 AM

سلامي والمعاني زبدةٍ في جوف خضاضه"="ولا ياللي تبا الزبدة تحزَم واللبن خضْه

على العد الرهاوي كل ظامي يمتلي حاضه"="وانا اقول الحضيض اللي زلال الجم من حضه

الحر الأشقر

21-Dec-2003, 09:04 AM

مرحبا يا أخوي صنيتان وتوني أقرأ بيوتك، واستلم

هلا من شاعرٍ كم من مغار فـــاللقاء خاضه
.......................................... وخل الزبد عندك ما نبى الا الماس والفضه
وردنا عدها المارود في برده وفي قاضه
........................................ وملــّـينا الدلي والـــــوِرد فوق البير مكتضه

أبوسلطان

21-Dec-2003, 09:08 AM

اخوي الغالي الحبيب ........ صنيتان قرداحي

يسعدني ويشرفني اني العب معك وتعلم من شاعر مبدع وجزل مثلك

اتمنى ان يحوز ردي المتواضع على بديع اعجابك

استلم الله لا يهينك وعساك على القوة

وبيض الله وجهك وعساك ذخر ايها الشاعر الشهم الكريم

ولا يامرحبا بالشاعر يسرج الفاضه=من القلب النزيه اللي تكحم في سعد لفضه

زلال الما من العد الرهاوي يروي رياضه=على طول الدهر يشرب وسد البحر قد فضه

اخوووووووووووووك .... ابو سلطان

طلال الثعلي

21-Dec-2003, 10:56 AM

ياصنيتان

والله طاروقك هذا انه رهيب

وكان ودي ان العب معك

لكن الشباب اسبقونا

وتحياتي...

طلال الثعلي

21-Dec-2003, 11:01 AM

الحر الاشقر

ونعم والله

لكن نسق بينك انت وابو سلطان

ووراحد منكم يكمل مع قرداحي

تحياتي...

طلال الثعلي

21-Dec-2003, 11:04 AM

ابو سلطان

هلا والله

وينك يارجل

فقدناك

المهم اتفق انت والحر الاشقر

وواحد منكم يكمل

سلاااااااااااااااام

الحر الأشقر

21-Dec-2003, 11:38 AM

الله لا يهينك أخوي طلال وأشكرك على مرورك ولنا الشرف بمرورك
وأنا أترك المجال لأبو سلطان لأنه مبطي ما لعب ويمكن مع صنيتان أول مره فلذلك أترك له المجال وأعتذر من أخوي صنيتان، ومن الجميع وأتمنى للأثنين التوفيق

صنيتان قرداحي

21-Dec-2003, 04:10 PM

هلا بالاخوة .جمعياً

الحرالاشقر ونعم والله أثني على سمو خلقك
يالغالي. واشكرك جزيل الشكر. لإتاحة الفرصة لبوسلطان
وهو مثل ما قلت مبطي عن اللعب . وانا لم يسبق لي مقابلته.
اكرر شكري لك.

طلال الثعلي

شكرا لتواجدك شكرا لتفاعلك يا مشرفنا الحبيب.

وانت على البال دائما وقريبا نلتقي انشاء الله.

ونواصل الطاروق مع ابوسلطان.

تقبل تحياااتي

صنيتان قرداحي

21-Dec-2003, 05:08 PM

ارحب يابوسلطان

ماعليك زود يالغالي. وهذا من شهامتك وكرم اخلاقك.

تحيه وتحيا مثل الحيا للضلع والفاضه"=" انا في لازمي ملزوم وانته لازمك قضَه
بعد عوَاض علَقها على ذمتك يا عاضه"=" على الله العوض واللي طمع في عضَتك عضَه

الوليد الاسعدي

21-Dec-2003, 10:43 PM

صنيتان : صح لسانك .... ايش الابداع هذا ... ياعلنا مانفقدك .
ابو سلطان : كلماتك رائعة استمر ... ودعنا نستمتع.

وصل العطياني؟؟؟

22-Dec-2003, 12:11 AM

طاروق يشوّق والله...

مبدع ياصنيتان..

ويابو سلطان..

تراكم في البداية شدوا حيلكم...

لاترحمون بعض >>>... <<< جاك مربّط الشّوش هذه!!

هههههههه

______________

الحر الأشقر..
فعلاً حر..
شاكرين لك ومقدرين...
والجايات أكثر..
بيض الله وجهك...
............................................

تحيااااااااااااتي.

أبوسلطان

22-Dec-2003, 09:40 AM

ارحب ياصنيتان

ماعليك زود يا صنيتان. وهذا لانك فارس نبيل

بروق ورعد فاللازم وبرق ٍ ساطع بياضه=ويمكن تنزل الامطار تسقى شعبة وارضه

اشوف البرق وارقب خيال ٍ زادت اعراضه=تعدى حده المحدود واسفر عن كبر حضه

اخووووووووك ...... ابو سلطان

أبوسلطان

22-Dec-2003, 09:55 AM

طلال الثعلي

حياك الله وزارتنا البركة

وان شالله ماتفقد احبابك

============================

الحر الاشقر

بيض الله وجهك

انا اعرف ان صنيتان قرداحي عنيف لاكن الله يعين

الله لا يهينك استرح والله يخليك الى

=================================

وصل العطياني

يبيلك دورة في الدفاع المدني

على شان تعلم كيف تطفي الحرايق

=================================

اخوي الحبيب
الوليد الاسعدي

حياك الله وكثر الله من امثالك

=================================

صنيتان قرداحي

22-Dec-2003, 05:08 PM

هلابك ابوسلطان وعذراً على التأخير ماهو عاده لي
ولا احبه والله بس ظروف العمل هاليومين مختبصه
<< منقول لي اكثر من خمسة ايام مقدر ادخل الا حدود
ربع ساعة
تفرج قريبا انشاء الله وسع صدرك.

انا احسبك اجودي قدم الامام القاك فالراضه"="تقلبها على وجهين مسودَه ومبيضَه
تشوف الفعل في روس الحرار وتفقش الباضه"="ولا تاخذ بغرَات العرب غض البصر غضَه

صنيتان قرداحي

22-Dec-2003, 05:12 PM

الوليد الاسعدي معنا هنا؟؟؟
صديقي اللدود وخصمي الحميم.

يا هلا والله نورت المنتدى .تشريفك ومتابعتك مكسب لي.

تحياااتي

صنيتان قرداحي

22-Dec-2003, 05:15 PM

وصل ؟
بشر كيف الامتحانات.
لاتحارش ترى تسقط.
هههههههههههههههه

شكرا لمرورك العذب يالغالي

تحياااااتي
...................
صـــــــــــــــن!

كريم سبلا

22-Dec-2003, 11:10 PM

صح لسانك يا صنيتان القرداحي انت وبوسلطان

وعسكم علي القوه
وتحياتي للجميع

وسلموووووووووو

أبوسلطان

23-Dec-2003, 08:20 AM

ياهلا بالعزيز الغالي ..... صنيتان قرداحي

هلابك والله ياصنيتان وان ماشالتك الارض نشيلك فوق روسنا
وان شاء الله يضبط وضعك في عملك الجديد وتسهل ظروف العمل وتتعرف على اخوان جدد وترتاح معهم وتستانس وتزيد فعاليتك ويزيد نشاطك
وترا النقل تجديد للدماء

دعواتي لك بالتوفيق والنجاح في عملك الجديد
وان شا الله تحصل على اعلا المراتب واغلا وارفع الاوسمه
هذه امنيتي لك وامنيتي لجميع الاخوان الذين ينتمون لهذا المنتدى الشامخ
الذي يضم كوكبة من الادباء والشعراء والحضور الكرام

استلم الله يحفظك من كل مكروه

صلاتك صلها والبس ملابس دوم فضفاضه=ولا تقلق على التاجر هل الدينار والفضّه

وخلك في دوامك بس لا تتبع هل الماضه=ترا من يتبع الموضه يطيح بحفره المضّه

اخوووووووووووك ... ........ ابو سلطان

أبوسلطان

23-Dec-2003, 08:25 AM

اخوي الكريم .... كريم سبلا

يسعدني مرورك ... ياسبيل الكرم

ويسعدني حضورك ..... ياكريم الاخلاق

وصح قلبك وعساك ذخر

وتسلم وما قصرت

اخووووووووووك ..... ابو سلطان

صنيتان قرداحي

26-Dec-2003, 02:26 PM

ارحب ابوسلطان

<<< توه جاي من ام رقيبه حاضر سباق ملكات جمال البل:)

يابوسلطان عنَه بالعنان إيزين مركاضه"="ترى الخيل الصعب لرخا كتوفه فارسه قضَه
عليك الكبد مكبر غلَها والنفس مغتاضه"="وانا ما طيع فيك اجمع عليك الغيظ وكضَه

وصل العطياني؟؟؟

27-Dec-2003, 03:08 AM

واصلوا لا عدمتكم..

متابعينكم أول بأول...

لا هنتوا يالنشامى...

تحياااااااتي.

أبوسلطان

27-Dec-2003, 08:45 AM

تسلم ياصنيتان

على نفسك لا ترهقها تروح بجوف رباضه=ومن غرز يبا يهلك ويمكن موته يحضّه

زمانك يالحصان العبث ولا وانتهى قاضه=وهذا وقت للصاروخ ولا القنبله شضّه

اخووووووووك ....... ابوسلطان

أبوسلطان

27-Dec-2003, 08:50 AM

وصل العطياني؟؟؟

لاهنت يالغالي ولايهنون اخواني العتبان

مع اطيب وازكااااااااا تحياتي

طلال الثعلي

27-Dec-2003, 05:08 PM

ابو سلطان

متميز ومبدع

لاعدمناك

تحياتي...

طلال الثعلي

27-Dec-2003, 05:11 PM

صنيتان

علوم ام رقيبه

عساها مربعه

علوم المزايين

من اللي فاز بجايزة الوضح

تحياتي...

أبوسلطان

28-Dec-2003, 07:03 AM

استاذي المشرف .... طلال الثعلي

حضورك هو ما تميزنا به

ربي لا تحرمني مرور استاذي

اخوك ..... ابو سلطان

صنيتان قرداحي

28-Dec-2003, 03:00 PM

تقوله وانت مع طول الصيام افطرت بخواضه"="وانا لاشفت ماعفت الصحيب ارضيه وارضَه

زماني ماغواني شف عضامك منه نفَاضه"="اعيونك صاحيه وليا نشدتك قلت مغمضَه

أبوسلطان

29-Dec-2003, 07:21 AM

صيامك ياعميلي اسفل الزلزال وانقاضه=واذا تبغى تعاديني انا بعطيك ابو نفضّه

زمانك ماصفالك والمعايش جات بمراضه=واذا منّى عقدت الك الحواجب باضت البضّه

صنيتان قرداحي

30-Dec-2003, 06:33 PM

ابوسلطان رايح جاي وغراضه هي اغراضه"="ابا احطه على صدام ابوعرام وآلضَه
بدينا معك مشروع السلام وقمت بجهاضه"="تحسبٍ الحلاوة ماتجي حلوه ومحمضَه

أبوسلطان

31-Dec-2003, 07:32 AM

بحر جده بعد طبيت بالمعلب محد خاضه=وطاروق الفلس عيا يجي لاجيت اباخضه

ومشروع السلام احسن وراجع نفسك براضه=وغير مبتداك وطب كانك تطلب الّضّه

وصل العطياني؟؟؟

31-Dec-2003, 07:51 AM

ياسلام عليكم والله ..

أقولها من أقصى قلبي...

لا شك أن طول النفس في القافية هو دليل الموهبة...

لاسيما مثل هذه القافية...

دمتم ولنا الفخر بكم...

تحياااااااااااااااتي.

أبوسلطان

31-Dec-2003, 08:18 AM

استاذي الغالي

وصل العطياني

اسعد الله وقتك

الجيوب موديلاتها جديدة ومواصفاتها فل كامل

لاكن تغاريز الرمال تتعب الجيب والسواق

يالله النجاء يوم النجاء وعسى الله ينجينا من التهلكة

ومشكور يالغالي على الحضور

صنيتان قرداحي

03-Jan-2004, 04:38 AM

يابوسلطان لو سكة عفيف اتمر عوَاضه"="يبا يبطي المسافر ما درج فضي على فضه
يزل الوسم وانته في سماك ابروق نوَآضه"=" ولا يا شيب عيني كيف تمس القاسية غضَه

أبوسلطان

03-Jan-2004, 07:14 AM

اخي العزيز ....صنيتان قرداحي

يعطيك العافيه على هذا الطاروق المميز

وان شاء الله يكون لنا لقاء آخر انا شاء الله

اخووووووك .... ابو سلطان

صنيتان قرداحي

04-Jan-2004, 05:13 PM

ابوسلطان

بيض الله وجهك

<<<< ما يبي الا الطلقه

ههههههه امزح يالغالي امتعتنا والله شكر الله لك

الوليد الاسعدي

07-Jan-2004, 03:40 PM

الحقيقة ابداع من الجميع رغم صعوبة الطاروق !

صنيتان قرداحي

09-Jan-2004, 06:09 AM

الوليد الاسعدي

سعدنا بمتابعتك يالغالي
شكراً من الاعماق

صــــــــــــن
.............

مرزوق حمدان العتيبي

01-May-2006, 06:27 AM

...
.
رفع للاستفاده :)

..

الايداء1

01-May-2006, 12:35 PM

’
’’’

محاوره
ممتعه بحق ,,

صنيتان قرداحي

02-May-2006, 10:47 AM

الله يجازيك يامرزوق

الله يذكرك الشهادة ذكرتنا بناس لهم وزن في تلك المرحلة
الا يامرزوق عندك منهم أخبار

- وصل العطياني
- الحر الاشقر
- ابوغازي
- ابوسلطان
وغيرهم كثير

نتمنى عودهم في القريب العاجل.
تقبل فائق احترامي