سلام الله على اللي يردون السلامي

[رفيع المنزل]

سلام الله على اللي يردون السلامي=ورده فرض والا البدايه فيه سنه
انا اللي يحترمني يبي يلقى احترامي=ولا للناس فضل ٍ ولا للناس منه

[عيد العازمي]

هلا يامرحبا من رفيعين المقامي = تردّه ياهلا ,, ياهلابك لو تكنّه


محد حقّرك يانور جلّاي الظلامي = تفضل واشرب الكيف هيله فوق بنّه

[رفيع المنزل]

بقا والطيب مسك البدايه والختامي= وفن الطيب لاعاش من يجهل بفنه
من اللي قال عندي شكوك(ن) في مقامي=اوضح علم وابليس لايغويك ظنه

[عيد العازمي]

ابكتبلي رساله وابعطيها الحمامي = وفيها الفرق بين الجحيم وبين جنّه


صحيح اللي يقابل عتيبه مايلامي = ياطيب اللي سلم عين والا طاح سنّه

[رفيع المنزل]

ليا جتنا الرساله لها رد ٍ تمامي=تبي تضحك ومن عقبها تجتر ونه
ونعم ٍ بك وربعك ليا ثار العسامي=ولكن لو تدن الجرس حنا ندنه

[عيد العازمي]

توصّلها لربعك وانا حامي كلامي = وصوت الشيخ لامن قراها فيه خنّه


رفيع المنزله لاتروحبك الحلامي = حصاني قدم عينك عسى تقدر تعنّه

[رفيع المنزل]

لاتقرب للحمى والحمى يحميه حامي= نصيحه وانت رجل ٍ تمن اللي تمنه
انا صاحي واعرف الحلال من الحرامي=والى حان الوعد تطعنك روس الاسنه

[راع العلطا]

رفيع المنزل×العازمي



صحت لسنتكم وسجلوني متابع





وعلى القوه,,

[رفيع المنزل]

حياك الله ياراعي العلطا

وصح بدنك

متابعتك مكسب

[عيد العازمي]

نعرف القوم ,, والقوم تعرف بالاسامي = كتبت القاف واقول يارجّال غنّه


بعد طقّيت وشلون مانفك اللحامي = ولو ساقط هل البنز فالمشوار دنّه

[عيد العازمي]

حياك الله ياراعي العلطا

وصح بدنك


اخوي رفيع المنزل صح السانك وتشرفت بمجاراتك والى لقاء اخر

[رفيع المنزل]

احسنت يالعازمي وانا طلعت لانك طولت علي ولاانت موجود بعد ماجيت وعندي رد لكن ماني قايله نخليه موضوع محاورة جايه على خير

والحقيقة لي الشرف اللعب معك

تحيتي لك وللمتابعين