الحاضر يعلم الغايب ....فهد الغنامي وصل....

[فهد صقر الغنامي]

السلام عليكم ورحمة الله وبركاته جميعاا
ومساكم الله بالخير


في البدايه انا سعيد جداا بانضمامي لمنتدى الهيلا ربعي وتاج راسي

واقول في البدايه :)



سلام رديه مثل مال الوليد ابن طلال = اصرف على الشعار منها ماتقل وتنفدي
برق الحيا يبرق جنوب وحال من دونه خيال = احد(ن) شرد منه ايعدي واحد(ن) تناوشه ايعدي

[مرزوق حمدان العتيبي]

..
.
سلام رديه مثل مال الوليد ابن طلال
اصرف على الشعار منها ماتقل وتنفدي
برق الحيا يبرق جنوب وحال من دونه خيال
احد(ن) شرد منه يعدي واحد(ن) تناوشه يعدي

الله الله
يعلم الله اني يوم شفتك تجول في قسم المحاوره
وانا على يقين ان خلف هذا المعرف شاعر كما ارى ..
الله يحييك يابو صقر في محلك وبين اخوانك ...
..
صح لسانك وننتظر الشاعر الاخر...
ليكتمل الابداع..
...

[عبدالله الجـــذع]

الله اكبر..

بدايه جميله وبدعه رائعه يالغالي..

صح الله لسانك وقلبك..

محبك

,

[فهد صقر الغنامي]

مرزوق حمدان الله لايهينك واشكرك على التفعيل ياطويل العمر

وماعليك زود

والله يبقيك ومافيه شك انا في محلي وبين اخواني وعزوتي

[فهد صقر الغنامي]

عبد الله الجذع


مشكور على مرورك وترحيبك

وصح بدنك

ووفقك الله يابن العم

[مرزوق حمدان العتيبي]

..
يبدو ان الشعراء غير متواجدين
ورغم اني مشغول الا ان مثل هالمحراف لايفوت
...



يامرحبا ترحيبةٍ تبدي مثل مبدا الهلال = ترحيبة الابطال بالابطال ماهو بالردي
عسى الخيال اللي نخيله مايجي فيه اختلال = لاهبت انسام الصبى فرّق ومنشاه يغدي

[النشاب]

فهد صقر .. مرزوق حمدان



صح الله السنتكم ,,, ووااااااااااااصلوا ياشعار

[المرشـ ساطي ـدي]

صحت لسنتكم


اتحفتونا

[سعود العصيمي]

سلام رديه مثل مال الوليد ابن طلال
اصرف على الشعار منها ماتقل وتنفدي
برق الحيا يبرق جنوب وحال من دونه خيال
احد(ن) شرد منه ايعدي واحد(ن) تناوشه ايعدي


ياسلالالام على الابداع



صح لسانك ياصقر الغنامي



يامرحبا ترحيبةٍ تبدي مثل مبـدا الهـلال
ترحيبة الابطال بالابطال ماهـو بالـردي
عسى الخيال اللي نخيله مايجي فيه اختلال
لاهبت انسام الصبى فرّق ومنشاه يغـدي



ابومحمد صح لسانك


وافي دايم

واصلواااااا


ماينتفوت هذا القاف

[فهد صقر الغنامي]

والله الي الشرف يامرزوق بلعبك معي والعذر منك ماشفت ردك اولاا لني طلعت على طول وكبستها ونووومه ماقمت الا الحين ......:)






ابك البقا ياللي تميز في الدقاق وفي الجلال = من عقب شفت اكبر نجوم الليل صوبك تشهدي
راح الوسم وان جا الربيع,, يجي لهملوله مجال = احيان ماطر خير بس احيان عاصف وبردي

[فهد صقر الغنامي]

النشاب
ساطي المرشدي
سعود العصيمي



الله لايهينكم .....ومروركم شرف ... وصحت ابدانكم جميعاااا

[احمد الملاح]

يا سلام يا سلام

صحححححح السنت ابلشعراء شعار ومواصلين

[فهد صقر الغنامي]

صح بدنك اخوي


احمد الملاح

مشكور على المرور

[مرزوق حمدان العتيبي]

من حاول انه يبذل المجهود مافيها محال = اسهيل له منزاله اللي مايجي حول الجدي
بعض العرب ماعاد لايفرق حرام ٍ من حلال = والمشكله يمشي على العميا يحسبه مقتدي

[مرزوق حمدان العتيبي]

..
.
بالجميع اقول يامرحبا ... شرفتوا وجملتوا بهالصفحه
لاخلا ولاعدم
....

[عيد العازمي]

فهد الغنامي هلابك بين ربعك


شاعر مبدع


وابو منذر امنية كل شاعر بمجاراته


صحت الالسن

[مرزوق حمدان العتيبي]

..
.
صح بدنك يالعازمي .. ان كان فيه ابداع فأنت منبعه ..
واشكرك على المجامله ياسنايدي
...

[معجب العتيبي]

فهد صقر الغنامي

سلام رديه مثل مال الوليد ابن طلال = اصرف على الشعار منها ماتقل وتنفدي
برق الحيا يبرق جنوب وحال من دونه خيال = احد(ن) شرد منه ايعدي واحد(ن) تناوشه ايعدي


مرزوق حمدان العتيبي

يامرحبا ترحيبةٍ تبدي مثل مبدا الهلال = ترحيبة الابطال بالابطال ماهو بالردي
عسى الخيال اللي نخيله مايجي فيه اختلال = لاهبت انسام الصبى فرّق ومنشاه يغدي


فهد صقر الغنامي

ابك البقا ياللي تميز في الدقاق وفي الجلال = من عقب شفت اكبر نجوم الليل صوبك تشهدي
راح الوسم وان جا الربيع,, يجي لهملوله مجال = احيان ماطر خير بس احيان عاصف وبردي


مرزوق حمدان العتيبي

من حاول انه يبذل المجهود مافيها محال = اسهيل له منزاله اللي مايجي حول الجدي
بعض العرب ماعاد لايفرق حرام ٍ من حلال = والمشكله يمشي على العميا يحسبه مقتدي

[معجب العتيبي]

فهد صقر

اسم يقول ورائي شاعر متمكن

هلا ورحب


مرزوق الابداع والتميز

دائما سباق لعمل الطيب

شكرا لكما

ومتابع

[فهد صقر الغنامي]

تستاهل البشت المطرز بالذهب يابن الحلال = تستاهله والجود دايم من يدين الاجودي
وانته لونك داخل(ن) بالسيف في وسط القتال = اما انتصرت او رحت يامرزق مراح ابو عدي

[فهد صقر الغنامي]

البقا يالعازمي ومافيه شك انا بمحلي وبين ربعي


معجب ماعليك زود والبقاء يالغالي

[مرزوق حمدان العتيبي]

:)

الله الله



لبس الذهب شي ٍ ترى ماهوب من حق الرجال = انكان لبسك للذهب مشروع ليلك سرمدي
يالشاعر اللي مستعد ٍ للخفاف وللثقال = اعرف حقوق اخوانك العتبان والممشى مدي

[مرزوق حمدان العتيبي]

..
.
بيض الله وجهك يابو سلطان ... وعوايدك الوفا..
لاهنت ولاعليك زود ..
شرفتنا ... والف شكر على التنسيق ..
...

[معجب العتيبي]

:)

الله الله



لبس الذهب شي ٍ ترى ماهوب من حق الرجال = انكان لبسك للذهب مشروع ليلك سرمدي


صادوه هههههههههه

الله يقويك يابو محمد شااااااعر

[فهد صقر الغنامي]

ياصاحبي مرزوق بد من السواليف الجزال = ارد القراح العذب لاتارد هماج الموردي
ياصاحبي لولا الحيا قلت الك شي(ن) مايقال = بس البلا في خالك امقاطي وعمك مرشدي

[مرزوق حمدان العتيبي]

المطلب السامي هدفنا لاشكوك ولاجدال = لكن للثاني وراك اتقوم تحداني حدي ؟
انا احشم الرجال لاشفته مع الدرب العدال = وليا تطشم مارحمته وانت تفهم مقصدي

[فهد صقر الغنامي]

مرزوق :( مرزوق :(


استلم والله يستر





مادام هي صارت كذا تعال في روس الطوال = لابو رجال (ن) بالمواقف ماترد المعتدي
ياكم لطمنا من شيوخ وكم لطمنا من عيال = ونجرهم ياصاحبي جر الضحايا والهدي

[مرزوق حمدان العتيبي]

:) الله الله


والله ماهضم قدركم ياصاحبي في كل حال = واقول شاعر معتبر منت بتقديها قدي
وان كان ماتقدر علاه ارتاح في حيد الظلال = يكفيك عن بعض الوجوب انك تقدم لك فدي

[فهد صقر الغنامي]

استسلام



شكراااا .....استاذي مرزوق على تواضعك


ولي الشرف اني لعبت معاك


بس ودي اسري بكرامتي احسلي ....يقولون انك ماترحم :(
والله اللي خارجنااااااااا ههههههههه


تحياتي <<<<<<<<< انحاش

[مرزوق حمدان العتيبي]

...
الشكر لله اولاً .. ثم لك يابن العم ...
شاعر مبدع .. حزت شرف اللعب معك في هالمحراف ..
وعاني بروح الزم صفك مع رفيع المنزل ....
>>>>> ماصدق انه يفتك هههههههه
الف شكر لاعدمتك ... والشك زايل ....

[مرزوق حمدان العتيبي]

..
.
الردار ابو سلطان ... ارحب ....
اهم المهمات تواجدك ياغالي ..
.. الف شكر ....

[راع العلطا]

فهد بن صقر الغنامـي مرحبا ومسهلا في محلك و بين اخوانك والله يحيك


وصح لسانك حتى ترضا..



مرزوق بن حمدان مافيك حيله وصح لسانك ملايين..



ابدعتوا فـ امتعتوا الله لايهينكم,,

[فهد صقر الغنامي]

الله يبقيك ...ياراع العلطا ويبيض وجهك وصح بدنك

[بارود عازمي]

فهد صقر .. مرزوق حمدان



صح الله السنتكم ,,,

[فهد صقر الغنامي]

صح الله بدنك اخوي بارود عازمي

[مرزوق حمدان العتيبي]

..
.
مرحبا تراحيب المطر ياراع العلطا ...
شرفتنا ونورتنا في هالمتصفح ..
...

[مرزوق حمدان العتيبي]

..
.
صح بدنك يابارود عازمي
.. هلا وغلا...