مــعــجــب وحــدانــــي

[قادح شرار]

قوم يـا معجب نبـي نلعـب معك طُـرقة خفيـفه === بعــد ما شفتك وحيــد المنتـدى كنــك خـلاوي


أنت يا معجب وأشوفك ضــايع امضيّـع رديفه === ما بقي فالمنتدى صاحب معه غير العطاوي

[معجب العتيبي]

صاحبي قادح شرار الليله طروقه لطيفه=يبدو ان صحيبنا يا اصحابنا شاعر هواوي
السوالف والعلوم اللي على بالك ظريفه=هاتها وابعد عن دروب الطفاقه منت غاوي

[قادح شرار]

المعذرة الأتصال سيئ جايك الرد

[قادح شرار]

بكرة أصحابك تبين أصورّهم وسط الصحيفـه === وأنـت يا معـجب هنـيا تـاخذ وتــعطي هــقاوي


والله أنــه لـو بـكيفـي كــان عـيّـنـتك خــليـفــه === مير ماني ماسك ٍ منصب عشان أصدر فتاوي

[معجب العتيبي]

بكره اصحابي يجون ويطلع النجم ووصيفه=وانت لاتطلع ولا يطلع صديقك يالنداوي
ليت بعض الناس يا اهل المعرفه ماسل سيفه=كان ماشفنا الفتاوي تصدر بكيف المناوي

[قادح شرار]

لو بغيت أرقا رقيت... وفوق ضلعان ٍ منيفه === ميـر وش تـبغى بـرزق ٍ حـوّله اذيابه تعاوي


لـو بـغيـنا رحلــة ٍ معكم على طُـرقه كلـيـفـه === والله إني فالغمارة وأنت افصندوق العراوي


صح لسانك يا أستاذ معجب والختام عندك .

[مرزوق حمدان العتيبي]

..
.

لله دركم على المعاني الجزله
والمحراف الرائع ...
>>>> متحيزم في صف الزميل :)

..

[معجب العتيبي]

لاتلوم الناس دام النيه النيه شريفه=وخل تفكيرك سليم ولايجي فكرك نحاوي
لاتعيد ولاتزيد ولاتجي نفسك ضعيفه=وانهل الما ياعميلي من هكالعد الرهاوي

[معجب العتيبي]

..
.

لله دركم على المعاني الجزله
والمحراف الرائع ...
>>>> متحيزم في صف الزميل :)

..

الصف عامر بوجودك

مشكوووووور على المتابعه

[معجب العتيبي]

صح بدنك ياقادح شرار


شكرا لأتاحة الفرصه لأخيك للأستفاده منك


تصبح على خير

[قادح شرار]

صح بدنك ياقادح شرار


شكرا لأتاحة الفرصه لأخيك للأستفاده منك


تصبح على خير


الله يرحم والديك . أنت الأستاذ وأنا تلميذك طال عمرك .

[قادح شرار]

..
.

لله دركم على المعاني الجزله
والمحراف الرائع ...
>>>> متحيزم في صف الزميل :)

..



.
حياك الله بالصفحة يابو حمدان . ومعجب يستاهل شخص مثلك يكون بصفه .


مشكووووووووور على مرورك الكريم طال عمرك