تسجيل الدخول

مشاهدة النسخة كاملة : ياهنيدس قرب شوي الله لايهينك

إبن بجران
15-Dec-2003, 07:38 PM
السلام عليكم ورحمة الله وبركاته00000

والله مدري الموضوع ليش انحذف!!! لاكن لا مانع من ان نعيد الكره مرة اخرى:D

نرجع لموضوعنا الإساسي يابو الهندسه0000

واللي ذكرت فيه انت ان آل دعيج هم الدعاجين وهم من غزية جشــم000

والدعاجين هم احد ابناء منصور وان تعلم ان العصمه والشيابين والقثمه

والدغالبه كلهم ابناء منصور0000

هل معنى كلامك ان العصمه هم من غزية جشم:D

وقد اجبت بإنهم من غزية جشم000

وقلت في موضوع سابق ان لديكم نسب منصور حتى غزية000:D


ياليت تفيدنا0000 وتثرينا ببعض الذي لديك

وتذكر لنا صلات عيال منصور بغزية جشـم000


تحياتي لك:)
إبن بجران
17-Dec-2003, 04:09 PM
وينك ياهنيدس:mad:

فلوسي راحت على النت كل شوي رايح جاي على المقهى:D

ماغير اطامركل شوي في صفحة الموضوع:D
الوليد الاسعدي
17-Dec-2003, 08:32 PM
العصيمي :
الله يعوضك خير وانشاء الله تلقا الي انت تبيه .

هنيدس جاوبك ثم حولك عل تفصيل تلقاه في موضوع :

لماذا يقولون ان في عتيبة قبائل من قحطان !!! (آل مرا… وغزيه وعتيبة)
http://www.otaibah.net/m/showthread.php?threadid=7081

عساه يكمل الموضوع ...
انت اقراه ويبي يعجبك ويجيب على تساؤلاتك ...

هو من بعد العيد وهو مهو بالحيل ... عسى خير !
إبن بجران
19-Dec-2003, 02:09 PM
يعطيك العافيه يالاسعدي على الإضافه000

ونا ابي من هنيدس يعطينا العلم الوكاد في عيال منصور000

لان بصراحه الكتب ضيعتني:D

تارة ينسبون منصور في عامر بن ثابت بن سعد بن بكر بن هوازن

والاوراق اللي دونتها عندي من جدي تقول: عصيم بن منصور بن قاسم بن صرير

وتارة يقولون في غزيه بن جشم بن معاويه بن بكر بن هوازن000

نحن نعلم ان عتيبه كلها هوازن00

وابي من هنيدس العلم الوكاد لان له باع طويل في مثل الأمور هذي

وعسى الله يطرح فيه البركه قولوا آمين0000

:D

تحياتي لك

اخوك/ بدر العصيمي((إبن بجران))
هنيدس الروقي
19-Dec-2003, 03:03 PM
الاخ العصيمي
بعد التحيه

العلم الوكاد
ان عيال منصور هم ابناء عمومة لروق الذي من غزية جشم....
والمشكلة في انساب عتيبة ...اختلاطها مع بعضها البعض...
وسبق وان قلنا...

ان المقطه ........................الاصل من بني هلال ومعهم اناس من بني كلاب
الروقه............................. الاصل غزية جشم...ومعهم اناس من بني هلال
شمله................................الاصل بني هلال.....ومعهم اناس من غزيه ونمير وعقيل
عيال منصور......................الاصل غزيه ومعهم اناس من بني هلال ومن عامر بن صعصعه
..............................الخ

وقد سبق وان بينا في ردود مع الاخ الوليد الاسعدي وعين العقل والأخوه الافاضل ان مشايخ وحكماء عتيبة في الماضي عندما تحالفت بطون هوازن تحت مسمى عتيبة ...انها عركت مع بعضها البعض حتى اصبحت عتيبة كتلة واحده....عرفت بهوازن...

هنيدس
إبن بجران
21-Dec-2003, 12:21 PM
تسلم يابن العم هنيدس على ردك الواافي

بس كتاب عتيبه (هوازن) متى بينزل00!!!!
متعب العضياني
22-Dec-2003, 10:52 AM
ما مستندك على هالكلام
انت بهالكلام تفقد كتب الانساب مصداقيتها
كل الكتب المعروفه لاتقر هالكلام

لايقر كلامك الاكتاب الامتاع
وهو كتاب فاقد للمصداقيه

وتقبل تحياتي
هنيدس الروقي
22-Dec-2003, 06:22 PM
الاخ متعب

حنا جبنا دلائل كثير بس الظاهر انك ما تقرا !!!

راجع كتاباتنا في المنتدى ....

تحياتي
إبن بجران
22-Dec-2003, 06:45 PM
السلام عليكم ورحمة الله وبركاته0000

احب انوه على نقطه مهمه ياهنيدس00

هو إن نسب العصمه وكل عيال منصور هو كالتالي:

عصيم بن منصور بن قاسم بن صرير00 وهذا معروف لدنيا يالعصمه00

وإذا كان تسلسل النسب الذي لديك غير هذا فو الله اعلم!!!

حتى ان فيه شاعر من شعراء العصمه واسمه عبدالله بن دخيل الله العصيمي

من العصمه قال قصيدة يستنجد فيه ابناء عمومته العصمه وعيال منصور

وعتيبه عموماً بسبب مشكله حصلت على قبيلة العصمه في الحجاز00

وأرسل قصيدة فيها بيت يقول:

والله لو صيحت في ذر((قاسـم))000من ينقل البندق من الآد عاصم

وش رايك!!!!

بس ابي اعرف صرير هذا وين يعود فيه !!!!!

تقبلوا خالص تحياتي000
هنيدس الروقي
22-Dec-2003, 07:04 PM
الاخ العصيمي
بعد التحيه والتقدير
اعلم وفقني الله واياك ان اسماء بطون عتيبة هي اسماء قديمه جداً..بعضها يعود في القرن السادس الهجري...وقد نوهنا عن ذلك في عدة مقالات هنا...
وجاء الاخ عين العقل وذكر ان لديه وثيقه من القرن السابع فيها مسميمات بطون من عتيبة كثيره...
فلا يعقل ان نعد 12 جد ....من 1400هـ حتى ق 7 هـ ....لابد ان هناك اسماء كثيره سقطت...
وانا قلت لك ان عيال منصور هم ابناء عمومه للروقه...
وبما ان الروقه من غزية جشم...وهناك دلائل كثيره ان عيال منصور من غزيه...
فالقول بناء على كتب التاريخ هو انهم من غزيه....جشم...
اما منهو صرير ....فالله واعلم من يكون صرير...
وما يدريك لعل فخذ من العصمه الذي تعد له ...يعود في ثابت ...
وانت تعلم ان فخوذ عتيبة وبطونها مندمجه مع بعضها البعض
حتى اننا قلنا ان المقطه .....الاصل من بنو هلال...وفيهم ناس يعدون في الماضي الى بني كلاب بن عامر بن صعصعه...
والروقه .....الاصل غزيه....وفيهم ناس ما يذكرون روق كجد...بل يعدون حتى ثابت ..
وهكذا بطون عتيبة ....عركت فيها هوازن ..كعرك الرحاه....
والمهم هنا....هو ان عتيبة .....هي هوازن...
تحياتي
هنيدس
متعب العضياني
14-Jan-2004, 10:32 AM
اجل ياهنيدس معقوله كل الكتب هذي على خطاء
ماهوب معقول الكلام هذا ؟؟
هنيدس الروقي
14-Jan-2004, 03:13 PM
الاخ متعب العضياني
اي كتب تقصد؟؟؟
كتب التراث الاصلية القديمة ...ولا كتب هاليومين او قبل 30 سنه !!!!!
فيه فرق مثل فرق السماء عن الارض بينهم
تحياتي
متعب العضياني
16-Jan-2004, 09:16 PM
عز الله ان صادق ومعك حق ان فيه فرق
والكتب الي ردت بني قريضه وحطتهم مصاليخ فالعنزه
لايستغرب ان ردتنا في خندف

لكن مازلت ياهنيدس اختلف معك قليلا
الله يعطيك العافيه
هنيدس الروقي
16-Jan-2004, 10:54 PM
الاخ متعب العضياني
تحية طيبة وبعد
وجهت النظر المبنية على حقيقة تاريخيه نرحب بها
اما وجهة النظر المبنية على شئ جديد ومعاصر لم يذكره الاقدمون فهذا شئ آخر
تحياتي