عبدالله السميري في جنيف

[الـذيب]

العام قررت اسافر عطلت الصيف
اصعب قرار اتخذته في حياتي
ماشلت هم الاقامه والمصاريف
اشيل هم اليال المقبلاتي
فوجيت باهل الخليج هناك بجنيف
غير الكويتي سعودي واماراتي
غير العذارا حسينات التواصيف
ست ويشن فري العيال مع البناتي
وعلى بحيرة جنيف وشاطي السيف
تجمع الناس من كل الجهاتي
هبي فلانتايم وعيد المواليف
كلن يرجع شريط الذكرياتي
جوا رومنسي لاحر ولاعواصيف
متوفره فيه كل المغرياتي
اخوان بدوا رعاة الشاة في الريف
اهناك باشات حتى في الغاتي
كم واحدن صاير معزب وهو ظيف
يدفع حساب العشا والطاولاتي
وكم واحدن بالمهايط والسواليف
مدمن حكي نسال الله الثباتي
وكم واحدن قال انا بالرمح والسيف
ماحسب لاعنتر ولاحسب لازناتي
واحد له اسمين مستر جوي ومنيف
ضايع وله معجبين ومعجباتي
اليوم يقظيه مع مومو ومع طيف
واليل يسريه كله مايباتي
قلت اتلقف واصير من الملاقيف
واقول ياسيداتي يانساتي
اين النقاب الخليجي والنفانيف
واين العبايات واحجاب الصلاتي
ظعتن ورا القبعه والجنز والميف
واحلا العطورات واغلا الماركاتي
قالن كلام العرب كذب وتخاريف
اهل الجهل والتخلف والشماتي
الغرب بالعلم في روس المشاريف
وعريبيا في مكانك سير وتحاتي
قلت الخلاصه لابوكم لابو جنيف
قد باي معكم حرام اضيع اوقاتي

[عبدالله الجـــذع]

اخوان بدوا رعاة الشاة في الريف
اهناك باشات حتى في الغاتي

انا اشهد ههـ

قصيده جميله جدا للرائع المتألق دوما عبدالله السميري..

مشكور يالذيـــــــــــــــــــــــــــب ..

لاهان راسك يالقرم.

[الـذيب]

العفووووو أخوي عبدالله ودايم انت سباق للطيب وحريص على منتدى الهيلا وردودك أكبر دليل مشكور يالغالي على المرور والرد .

[العود حبيب]

الحقيقة أن القصيدة افكارها سامية جداً.. ولكن صياغتها ضعيفة..

[الـذيب]

العود احترم وجهة نظرك لاكن عبدالله عبدالله والله لو وش ماقلتوووو شاعر مبدع تعدى مرحله النقد بكثييييييييييييييييييييييييير.

[سلـطـان]

فعلا شاعــر مبدع وتخطى حدود الأبداع


الله يعطيك العافيه يالذيب [/size]

[الـذيب]

الله يعافيك ومشكور على مرورك الجميل .

[الـذيب]

العفو اخوي السبيعي حنا نضحك على عفويه عبدالله ونشوى الرويني تضحك على سذاجه رجال كثير صدقوها وصوتو يحسبوننهم بيفوزون شاعرهم وبالاخير انصدمو يوم فاز الشبرمي .

[السميــــــري]

أخوي الذيب ..

شكرا على هذا الجهد .. الذي يستحق الشكر ..

قصيدة رائعة ..
من المبدع عبدالله ..

[/عبد العزيز الجذع/]

مشكور اخوي الذيب ...

[الـذيب]

السميري لاشكر على واجب أخوي ولاهنت على المرور الجميل .

[الـذيب]

عبدالعزيز منور يالغالي ومشكور على المرور.

[أبو فيصل الدلبحي]

ابو تركي بيض الله وجهك على هذا الجهد والشاعر عبدالله السميري

ملك قلوب الناس بشعره وشخصيته الطيبه الي كثير من الناس صارو

يفتقدون لها وسالفت مليحه بولند هذي مهيب عفويه الشاعر الكبير كان

قاصدها وهي مليحه واتوقع انا مهيب مضحكه لاكن اليومين هذي لو

تسلم على الناس اضحكو مدري خفت عقل ولا سماجه

[الـذيب]

ياهلا ياهلا ياهلا وغلا ومرحبا منور يالغالي .

خل الي يضحك يضحك واظن انك قلتها سماجه وخفت عقل .

[منيف]

اخوي الذيب .. ترى منيف صاحبك ماهو منيف( السميري )..
يعطيك العافية على المشاركة الرائعة

[الـذيب]

اخوي الذيب .. ترى منيف صاحبك ماهو منيف( السميري )..
يعطيك العافية على المشاركة الرائعة



مافهمت عليك والله ياخوي لاكن على كل حال انت وياه وكل الموجودين عيال عم واخوان وكلكم معزتكم وحده ..


مشكور ولاهنت على المرور الجميل .

[السليل2]

لا ودي اسمع بعدمعلقة يالهوتي يالهوي للشاعر السميري ارجو تنزيلها

[السليل2]

العفو اخوي السبيعي حنا نضحك على عفويه عبدالله ونشوى الرويني تضحك على سذاجه رجال كثير صدقوها وصوتو يحسبوننهم بيفوزون شاعرهم وبالاخير انصدمو يوم فاز الشبرمي .

والله صدقت حسبي الله عليهم صوتنا للعصيمي الى مافلسنا وجا بعده خالد وبندر والسميري والحويماني وعبدالله حسبي الله عليهم بس لا والف لا لشاعر المليون بعد الان

[عبدالله العمى]

لاهنت على القصيدة واذا كانت متوفرة صوتية لاهنت

تنزلها تعبت ادورها مالقيتها

[ذيب النفود]

مشكور أخونا الذيب على القصيدة ولكني أوافق العود حبيب في كلامه على أن القصيدة غير موزونه قد يكون هناك خطأ أملائي في نقل القصيدة
والشاعر عبدالله السميري لايحتاج لشهادتنا ولكن القصيدة غير موزونة وشكر على كل حال.

[الـذيب]

عبدالله العمى ولا انت يالغالي


تامر امر اذا حصلتها ابشر ومشكور على المرور .

[الـذيب]

ذيب النفود عبدالله بشر وماهو معصوم من الخطاء ولاكنك ذكرت ملاحظه في غايه الروعه وهي ربما انه خطاء في الكتابه ومال عبدالله فيه ذنب .

على كل حال اختلاف الرآي لايفسد للود قضيه وانت وخوان وعزيزين علي مشكور على مرورك يالغالي .

[فالح الهاجري]

والله انه شاعر ومبدع وفاله حب الجمهور


مشكور اخوي على نقلك لنا القصيده

[فالح الهاجري]

قصيده اكثر من رائعه

تقبل اعجابي با القصيده

[طارق النفيعي]

مهستر السميري


يعطيك العافيه ونبيها فديو لو سمحت

[الــغــريــب]

السلام عليكم

مــا قــصــرت نــتــرقــب جــديــدك


اخـــوك؛ ][®][^][®][الــغــريــب][®][^][®][

[الـذيب]

فالح والله انت البدع ومشكور على المرور الرائع .

[الـذيب]

أخوي طارق ابشر ان حصلتها ابشر بها والله ومشكور على المرور.

[الـذيب]

الغريب مشكور على مرورك يالغالي .