المعتصم بالله ليته في زمان اليوم عاش

[عيد العازمي]

يامرحبا ترحيبةٍ ماتمشي الارض الهشاش = ترقى سنود وللرجال الغانمه بديتها


المعتصم بالله ليته في زمان اليوم عاش = رابع ثلاثه في زمانٍ فات ذايع صيتها

[المعتصم بالله]

دام البقا يالعازمي والصدر جا فيه انتعاش=من حين نادى العازمي جيته انا ولبيتها

انا اعتصامي بالاله ولا نبا منها معاش=ياكود قربا للاله ويا عسى ما اخطيتها

[عيد العازمي]

قدّم يدينك واستغيث الله بعد شفت الرشاش = تفخر يدينك منك للخلاّق لامديتها


المعتصم راع الفعول الطيّبه؟ والا بلاش = الكايده يالمعتصم في قبرها مع ميتها

[المعتصم بالله]

لا تندهش يالعازمي وراه جا فيك اندهاش=لاتفتخر بافعال ما شفتك ترى سويتها

العازمي هذاك والا صاحبي عودٍ خشاش=يعني على ما قيل بعض الناس يخرب بيتها

[عيد العازمي]

ياراس ضبيٍ مالقينا فيه لو حتى عراش = كحلتها يالمعتصم ياصاحبي واعميتها


المعتصم فارق بفعله ماسكن دارٍ عشاش = اغيّر اسمك مثل ناسٍ قبل قد سمّيتها

[المعتصم بالله]

الامر خله لين يصدر حكمنا بعد النقاش=قبلك رجالٍ ياولد أنا هنا سريتها

مابه مداين ياولد أعطيك كاش وهات كاش=ويبين في تالي الليالي قول ناسٍ جيتها

[عيد العازمي]

كم واحدٍ ينفخ بنفسه وان بحثت القلب ماش = واليا لقيت النوع هذا رحت ماضرّيتها


ماياخذ المخلوق من دنياه غير اذرع قماش = لكن بعض الناس فالدنيا مطفّي ليتها



اخوي المعتصم الختام عندك وتشرفنا باللعب معك لاهنت

[المعتصم بالله]

يا العازمي تشرفت باللعب معك

ونخليها على كذ طال عمرك