بعد غيبة ياسلام الله على ماقع عتيبة والطارف يسد

[العـوفي]

بعد غيبة ياسلام الله على ماقع عتيبة = حاويٍ طيب القديم وحاويٍ جزل الجديدي
جيتكم والبال صافي والحمل فوق النجيبة = ياعسى الطارف يجيب النقض والراي السديدي

[بدر المطيري]

بعد غيبه بالنيابه مرحبابك بعد غيبه=واسمحولي يارجال العرف في مبدأ قصيدي
جيت انا وياك يالحربي وجيب اللي تجيبه=واعتبر يوم اللقاء هذا من الايام عيدي

[معجب العتيبي]

الحربي والمطيري

صحة السنتكم

ومتابعين

[العـوفي]

البقا يابن مطير نيابتك ماهي غريبة = لو شبابة غير خنذف مابها نقصٍ وزيدي
بانشدك عن مهر بنتٍ كل خلق الله دريبة = ولاتزوجها كفو من شان واليها عنيدي

[بدر المطيري]

كل طيب ياوسيع المعرفه يكفيه طيبه=وانت في عالم حضاري للقريب وللبعيدي
البنادم ماله ألا مايحوّش له نصيبه= خلها تذب الخرايم لاتلويها بالايدي

[بدر المطيري]

هلا معجب العتيبي
متابعتك شرف
ياطويل العمر

[العـوفي]

الحضارة يبست كبدي وانا في وسط طيبة = والنسب مثل السند ينفعك لن كانه حديدي
البلا ماهو نصيبٍ يالمطيري نرتجيبة = البلا ظلمٍ يشيب روس فرسان العبيدي

[العـوفي]

صح بنك يامعجب

متابعتك شرف طال عمرك

[ذيب النفود]

هذا الكلام ولا بلاش

[بدر المطيري]

انت جهزت الكفن لكن ابا اجيب النصيبه=ويش اسوي فيك دامك مانت عارف ويش صيدي
مانت لاحاكم ولاعالم ولا قايد كتيبه=اترك امر الخلق للخالق ترا مانت بوحيدي

[عيد العازمي]

الحربي والمطيري

صحة السنتكم



اترك امر الخلق للخالق تـرا مانـت بوحيـدي

صدقت المظلومين واجد

[العـوفي]

مالحقني يالمطيري بالهدف شكٍ وريبة = والهروج الناكسة ماني لها وانا رشيدي
لوتركنا لله الدعوة بسيطة او صعيبة = قال ربي بالسبب نعطي يبو عقلٍ فريدي

[العـوفي]

ذيب النفود

لاعدمنا هالطلة


العازمي

صح بدنك

شرفتنا طال عمرك

[العـوفي]

صح لسانك اخوي بدر المطيري

وتشرفت بك طال عمرك

واستأذنك عندي دوام بكرة

وتصبح على خير انت ومتابعينا الغالين

[بدر المطيري]

انت ذيب ٍ كل يوم ايجر صوته بالجذيبه=مار في داجي خلا والبدو قاصيها الشديدي
لا تجيب لرأسك المحلوق ياعوفي مصيبه=الهوا الغربي وحيفه يصفق بخضر الجريدي

[بدر المطيري]

صح لسانك اخوي بدر المطيري

وتشرفت بك طال عمرك

واستأذنك عندي دوام بكرة

وتصبح على خير انت ومتابعينا الغالين

صح بدنك اخي العوفي وتشرفت باللعب معك
تلقى خير

[معجب العتيبي]

العوفي

وبدر المطيري


ابدعتم ماشاء الله

صحة السنتكم