سلام ردية على الشعار .................

[أبو وافي العتيبي]

سلام ردية على الشعار = قدام هاذيه وهاذيه
بعد التحية نطلب الأخبار = عن الحضر وياى الشواويه

[دلبوح]

يا مرحبا يا طيب المقدار = ترحيبة بالطيب مثنية
الحضر عدوها جبل سنجار = والبدو ناموا داخل الفية

[أبو وافي العتيبي]

حياك يادلبوح

..



دام البقاء ياغالي المسعار = أقولها والنيه النيه

الحضر والله ماتشب النار = والبدو دايم تحمي الهيه

..

[دلبوح]

كلمتك هاذي كلمة المكار = والظاهر انك يا رجل عية
يا بدو نكبتكم من الافكار = رجّالكم فالكون ما زيه

[زيد الرايز]

ابو وافي .. و .. دلبوح

صحت ألسنتكم واصلوا

متابعين

.

.
.

[معجب العتيبي]

ابو وافي .. و .. دلبوح

صحت ألسنتكم واصلوا

متابعين

.

.
.

[أبو وافي العتيبي]

دلبوح لاتقرب من الأخطار = والرّجل تزهق مع الطيه
البدو ماتنقص من المقدار = ياأبو شنب مالك إلحيه

[دلبوح]

لا صرت تاجر زاحم التجار = والخوف يدمر روحك الحية
وش فيك دمك يالغليم فار =البدو من داني حونشية

[دلبوح]

زيد الرايز اشكرك لمرورك العذب
معجب العتيبي شكرا لمرورك المتألق

[/عبد العزيز الجذع/]

صحت السنتكم..

[دلبوح]

صح بدنك يالجذع ولك اجزل الشكر

[أبو وافي العتيبي]

زيد الرايز

معجب العتيبي

عبدالعزيز الجذع

مشكورين على المرور لاهنتوا



لكم أحترامي

[أبو وافي العتيبي]

أخوك تاجر يعرف الأسعار = صرف الذهب موجود بديه
وأن عودت للصدق أنا صبار = مكوي الخوي لويطلب الكيه

[دلبوح]

الله يزيدك يا صحيبي خار = لو ان ماله فيك مارية
الملعبة ما هيب لعب صغار = واللي تجيبه تاكل وخيّه

[أبو وافي العتيبي]

من عند دلبح ماأريد أشعار = ماغيروا روحه ولا جيه
الملعبه صارت كما المنشار = ياصاحبي يادافع السئيه

[معجب العتيبي]

صحة السنتكم ياشعار

مبدعين

ولكم متابعين

[دلبوح]

احفظ يدينك لا تنوش الحار = وتروح محروقة ومشوية
ما عندي الا الصارم البتار = يخلي الاعمار منهية

[أبو وافي العتيبي]

أحفظ رجولك عن دروب العار = هرجك فالناس مقفيه
عين المريّض لها عصار = وتشابه عيون حوريه

[دلبوح]

ابو وافي استمتعت كثيرا باللعب معك واعتذر منك عن اكمال المحاورة لظروف الدوام ولك الف تحية وشكر جزيلا لك

[أبو وافي العتيبي]

دلبوح

بيض الله وجهك

شرفني ألعب معك تقبل أحترامي