الصميلي
12-Dec-2003, 03:19 PM
الأخوة اعضا ومشرفين منتدى الهيلا
السلام عليكم ورحمة الله وبركاته
اعتذر لكم عن طول الغياب عنكم لضروف حصلت لي
واقدم لكم هذه الهدية وهي مرسلة للاخ غازي بن عون
ارجو ان تحوز على رضا الجميع
المجلس اللي مايجيبه نشاما = وسوالفٍ يطرب لها مستمعها
ماني بنا وياه جمعا ولاما = يالقلب لاتشفق عليها ودعها
جلوس يومٍ مع رجالٍ حشاما = يبري عن الكبد العليله وجعها
ومن لا يجيلك لا نصيته مقاما = علاقته باخس الاثمان بعها
ورزقك على منشي مزون الغماما = والرجل لوجس من ضروسه شلعها
ومجلسك مع خطو العديم الولاما = اللي معه نفسك تزايد ولعها
شهماً ومنصى للرجال الشهاما = ومحبته بكبود ربعه زرعها
كلاً يعده بالمواقف حزاما = وروس السباع اللي تشمه سبعها
يفداه هذار المجالس خماما = روس الاوادم بالدوادي صدعها
اللي يجمعها حلال وحراما = وسوالفه نمه وكذبه ومعها
واليا لقا الفرصه لعين الرساما = شد العصى بين الثنين وسلعها
مشفوح مفضوحٍ يدينه تواما = هاذي يفرقها وهاذي جمعها
اللي يحسب المرجله بالكلاما = ماهيب طمعة خايبٍ لو طمعها
المرجله توخذ بقو الزحاما = ومن لا ثناء في حبلها ما ربعها
والرجل ما يفخر باهله القداما = ألا إذا كان المعالي طلعها
طيب النسب لمرودعات الوشاما = لاصار مسندها عزيزاً رفعها
وبيتٍ بلا ظلٍ عساه الهداما = وقدمي تراء الشيخ السديري بدعها
ياراكب اللي لا مشاء بانتظاما = مشوار يوم بنصف ساعه قطعها
جمسٍ يقنف مثل هيق النعاما = من صنعةٍ ولد المريكي صنعها
زفرة قزوزه لاعتدل واستقاما = زفرة جمل بدوٍ لهاته ردعها
من العاصمة لانطار فجر الضلاما = قدام عين الشمس يبدي شععها
وقدام يكثر بالخطوط ازدحاما = مع خط مكة يتجه مع سنعها
فليا تعدى ظلم وصفاً تماما = مقيال راع السارحه لادفعها
اجنب وسند مهبطاً به ثماما = ورجله على توطاتها مارفعها
فلاقام يهوي مثل صاروخ ساما = مع الحزوم ليا طلع مرتفعها
والجو صافي ماعليها قتاما = وشعف تبين الغبيه جزعها
وطلع على منكبك الايسر براما = ورايان والقيسان بانت قبعها
ثم انتحاء مع سكته بانحطاما = لواد النخيل اللي زمت له رزعها
وادي سبيع مفلسين الخصاما = سم الحريب وعز من زان معها
عده لمذخور الرجال الكراما = غازي صعيبات المراقي رمعها
ذباح حيب وشامخات السناما = بصينيتاً تكسر ظهر من رفعها
من روس حامين الضعن والجهاما = أهل البيوت اللي كبارٍ ربعها
روسان لا جاء للجموع التطاما = أهل مهاراً عورجت من شيعها
ثم بلغ أبن عون مني سلاما = اللي يثمن نخوتك لا سمعها
وقله ترى عيني حربها المناما = من هاجسٍ وسط الضماير مزعها
لوكان أنا مالحقت نفسي ملاما = الوقت عكفان الشوارب خدعها
مغير أطول بالعصى واتحاما = والذئب ياقع في مصايد ضبعها
وقتاً يبذ مفسرين الحلاما = ماعاد يعرف صقرعها من مرعها
وبرق الجناح اللي لها الطير حاما = اليوم خايف طيرها ما صرعها
والشجرة اللي تنبت المسك عاما = جاها الهواء من كل صوب وقلعها
يلعبها النسناس شرقاً وشاما = وعروقها ما عاد تسقي فرعها
واليوم ياذخر الرجال العضاما = أفزع لمن شرب الطناء من جرعها
واقبل تحية صاحبك باحتراما = يامن صعيبات المراقي رمعها
وصلوا على سيد البشر بالختاما = على الذي خير المناهج شرعها
السلام عليكم ورحمة الله وبركاته
اعتذر لكم عن طول الغياب عنكم لضروف حصلت لي
واقدم لكم هذه الهدية وهي مرسلة للاخ غازي بن عون
ارجو ان تحوز على رضا الجميع
المجلس اللي مايجيبه نشاما = وسوالفٍ يطرب لها مستمعها
ماني بنا وياه جمعا ولاما = يالقلب لاتشفق عليها ودعها
جلوس يومٍ مع رجالٍ حشاما = يبري عن الكبد العليله وجعها
ومن لا يجيلك لا نصيته مقاما = علاقته باخس الاثمان بعها
ورزقك على منشي مزون الغماما = والرجل لوجس من ضروسه شلعها
ومجلسك مع خطو العديم الولاما = اللي معه نفسك تزايد ولعها
شهماً ومنصى للرجال الشهاما = ومحبته بكبود ربعه زرعها
كلاً يعده بالمواقف حزاما = وروس السباع اللي تشمه سبعها
يفداه هذار المجالس خماما = روس الاوادم بالدوادي صدعها
اللي يجمعها حلال وحراما = وسوالفه نمه وكذبه ومعها
واليا لقا الفرصه لعين الرساما = شد العصى بين الثنين وسلعها
مشفوح مفضوحٍ يدينه تواما = هاذي يفرقها وهاذي جمعها
اللي يحسب المرجله بالكلاما = ماهيب طمعة خايبٍ لو طمعها
المرجله توخذ بقو الزحاما = ومن لا ثناء في حبلها ما ربعها
والرجل ما يفخر باهله القداما = ألا إذا كان المعالي طلعها
طيب النسب لمرودعات الوشاما = لاصار مسندها عزيزاً رفعها
وبيتٍ بلا ظلٍ عساه الهداما = وقدمي تراء الشيخ السديري بدعها
ياراكب اللي لا مشاء بانتظاما = مشوار يوم بنصف ساعه قطعها
جمسٍ يقنف مثل هيق النعاما = من صنعةٍ ولد المريكي صنعها
زفرة قزوزه لاعتدل واستقاما = زفرة جمل بدوٍ لهاته ردعها
من العاصمة لانطار فجر الضلاما = قدام عين الشمس يبدي شععها
وقدام يكثر بالخطوط ازدحاما = مع خط مكة يتجه مع سنعها
فليا تعدى ظلم وصفاً تماما = مقيال راع السارحه لادفعها
اجنب وسند مهبطاً به ثماما = ورجله على توطاتها مارفعها
فلاقام يهوي مثل صاروخ ساما = مع الحزوم ليا طلع مرتفعها
والجو صافي ماعليها قتاما = وشعف تبين الغبيه جزعها
وطلع على منكبك الايسر براما = ورايان والقيسان بانت قبعها
ثم انتحاء مع سكته بانحطاما = لواد النخيل اللي زمت له رزعها
وادي سبيع مفلسين الخصاما = سم الحريب وعز من زان معها
عده لمذخور الرجال الكراما = غازي صعيبات المراقي رمعها
ذباح حيب وشامخات السناما = بصينيتاً تكسر ظهر من رفعها
من روس حامين الضعن والجهاما = أهل البيوت اللي كبارٍ ربعها
روسان لا جاء للجموع التطاما = أهل مهاراً عورجت من شيعها
ثم بلغ أبن عون مني سلاما = اللي يثمن نخوتك لا سمعها
وقله ترى عيني حربها المناما = من هاجسٍ وسط الضماير مزعها
لوكان أنا مالحقت نفسي ملاما = الوقت عكفان الشوارب خدعها
مغير أطول بالعصى واتحاما = والذئب ياقع في مصايد ضبعها
وقتاً يبذ مفسرين الحلاما = ماعاد يعرف صقرعها من مرعها
وبرق الجناح اللي لها الطير حاما = اليوم خايف طيرها ما صرعها
والشجرة اللي تنبت المسك عاما = جاها الهواء من كل صوب وقلعها
يلعبها النسناس شرقاً وشاما = وعروقها ما عاد تسقي فرعها
واليوم ياذخر الرجال العضاما = أفزع لمن شرب الطناء من جرعها
واقبل تحية صاحبك باحتراما = يامن صعيبات المراقي رمعها
وصلوا على سيد البشر بالختاما = على الذي خير المناهج شرعها